Ɔwɔ-mɛ̀n-yrikàn 3:5 - Ɛmɛẅi ankà ankrànkràn 2003

⁵ Anwrɔn hɔ̀n léyi kɛ lɛ kɔ̀nkà nɔn, ɔmu lɔ yɔ lɛ cɔ́ ɛceci wɔsù; mɛ́n sɩ̀ gbú y'ebi mɛ̀n sɔhɔ́ ɛwúvà kɔrɛ̀ wrú lɔ mɛ̀n. Dade zìwú mán n'ɛkùyüre-bɔ̀ zìwú, me le nyri ɔmu le yɔ dú mɛ tɛn.

Ɔwɔ-mɛ̀n-yrikàn 3:5 Iomraidhean Croise

Matie 10:32

“Ke dú kɛ ɔwrɔn totɔtɔ̀n kɛ mrɛ́n ɔmùan anwrɔn lɔ fɛn zìwú le nɛ̀n dú mɛ tɛn, mɛ̀n mán mɛ lɛ mrɛ́n ɔmùan Dade léyi dú anhobɩ́ nɔn zìwú le, nɛ̀n dú mɛ tɛn;

Lükɛ̀n 10:20

Tɛ́n ke sɩ́ ji le nyɛ́n brá pɔpüɛ̀, ɔmuhi anhɛ́n gbangàn ke die nyɛ̀n nukùɛ nɔn; tɛ́n pɔpüɛ̀ kɛ̀ brá nyɛ̀n ɔmuhi ye merɛ́n ny'ebí dú owrúemɛ̀n anhobɩ́ nɔn.”

Lükɛ̀n 12:8

“Mɛ dɔ́ nyɛ̀n: ke dú kɛ ɔwrɔn totɔtɔ̀n kɛ hán tán anwrɔn ke nyrì le nɛ́n mɛhi bɔ́ dù, ɔwrɔnẅì Ẅì mán kɛ lɛ hán Ɔwɔ kùyüre-bɔ̀ ke nyrì le mɛ̀n mán nɛ́n mɛhi bɔ́ dù.

Filipɛ̀n anmàn-bɔ̀ 4:3

Kɩ vɛ́n mán, m'ɔmùan-zri-di-wrɔn mán m'ɛkɔrɛ̀-wá-wrɔn mɛ dɔ́ mɛ́n ɛ̀ wá yɔ ɛkɔrɛ̀; Yɔ mán mɛ̀n mɛhi annanwɔrɛmɛ̀n lɔ, bɔ́ kɔ́n anhà, ô Ɛmɛẅi ankà Ankrankran lɔ kè bonyì, hán ɔmu le bɔ̀ hán bɔ́ mán Kleman mán ɛkɔrɛ̀-wá-bɔ̀ ndɔ hɔ̀n lɔ fɛn léyi y'ebi dú ɔkɔrɛ wrú lɔ mɛ̀n nɔn.

Zhüdɛ̀n 1:24

Ɔwrɔn léyi kɛ lɛ wá nyɛ̀n ɛkɔrɛ̀ ebore mɛ̀n, ô kɛ̀ hán nyɛ̀n nyɛ́n dú ɛfifiemɛ̀n nyɛ́n srɔ pɔpüɛ̀ vriemɛ̀n n'eci-zrɔ zìwú nɔn,

Ɔwɔ-mɛ̀n-yrikàn 13:8

Ɛnhi-wú-bɔ̀ lɔ fɛn ke le cüe nɛ̀n ankɔrɛ̀ ezìwúɛ, anwrɔn hɔ̀n léyi ye sɩ̀ merɛ́n yɔ bi ɔkɔrɛ wrú lɔ mɛ̀n ɛnhibù krubɔmɛ̀n hàn hɛ́n, ɔkɔrɛ wrú léyi dú Ɔwɔ kɔ̀kɔ̀sɛ̀-ẅì léyi ye wrì nɔn tɛn.

Ɔwɔ-mɛ̀n-yrikàn 17:8

Ɔnɔ̀n léyi ɛ kàn nɔn, ɛnbiɛhɛ́n lɔ nɛ̀n dú ankɔrɛkɔrɛ mɛ̀n, tɛ́n nɛ̀n sɩ̀ vrù dù ankɔrɛkɔrɛ mɛ̀n hàn; ke ji le nɛ̀n dú gbàzrɔ mɛ̀n nɛ̀n srɔ ɛntrɛ, ô nɛ̀n hɔ́n n'ɛzrɛ́n mɛ̀n. Ɛnhi-wú-anmàn-bɔ̀ léyi ɛnhibù krubɔmɛ̀n hàn-hɛ́n ye sɩ̀ mrɛ̀n yɔ bi, kè dù ɔkɔrɛ wrú lɔ mɛ̀n nɔn, ke le dú anvɛmɛ̀n-frɛ́n mɛ̀n ɛnvra léyi yɔ lɛ kán ɔnɔ̀n lɔ nɔn: annanwɔrɛ mɛ̀n lɔ, ɛnbiɛhɛ́n vra lɔ, nɛ̀n dú ankɔrɛkɔrɛ mɛ̀n, tɛ́n nɛ̀n sɩ̀ vrù dù ɔmu lɔa, kɩ ne le vru nɛ̀n srɔ.

Ɔwɔ-mɛ̀n-yrikàn 19:8

Yɛ tán nɛ̀n ɛceci tɔ̀n léyi ye bɩ́ jese-ẅì càsa léyi kɛ gbrɛ́n ki fì nɔn, ye dù.” (Jese-ẅì càsa lɔ de dú ɛnyrɔnnan ci-hán hɔ̀n lɔ fɛn léyi Ɔwɔ-fɛcüè-bɔ̀ kɛ hán nɔn.)

Ɔwɔ-mɛ̀n-yrikàn 2:11

Ke ji le ɔwrɔnwrɔn, ke dú kɛ nɛ̀n ẅɛn nukù hô, nɛ̀n yá anvrɛnvrɛn ankà léyi Ɛnhɛ́n kɛ dɔ́ Ɔwɔ-fɛcüè-bɔ̀ nɔn! Anwrɔn hɔ̀n léyi kɛ lɛ kɔ̀nkà nɔn, yɔ sɩ̀ vru wú anhyrɛmɛ̀n wù lɔ.”

Ɔwɔ-mɛ̀n-yrikàn 2:7

Ke ji le ɔwrɔnwrɔn, ke dú kɛ nɛ̀n ẅɛn nukù hô, nɛ̀n yá ankà léyi Ɛnhɛ́n kɛ dɔ́ Ɔwɔ-fɛcüè-bɔ̀ nɔn! Anwrɔn hɔ̀n léyi kɛ kɔ́n kà nɔn, mɛ lɛ tán yɔ ɛcizî ɛwùvà-kɔrɛ̀ tɛ̀-ẅì hɔ̀n léyi dú Ɔwɔ kɛ̀tɛ̀ lɔ mɛ̀n nɔn.”

Ɔwɔ-mɛ̀n-yrikàn 20:12

Zɛtɛn, mɛ̀n kán owú-bɔ̀, ɛcüìcüì hɔ̀n mán ɛẅi hɔ̀n, tɔhú nyɔn ɛgbú-tòbù zìwúɛ. Ye vuru ɛwrú hɔ̀n ɔmùan. Owrú nyantɛn tɔ̀n mán ye vuru ɔmùan, ɔkɔrɛ wrú lɔ. Ye ci owú-bɔ̀ ɛmrɛ̀n eci léyi yɔ hán nɔn wú, hán ɔmu le ye merɛ́n ɛwrú hɔ̀n lɔ mɛ̀n nɔn.

Ɔwɔ-mɛ̀n-yrikàn 20:15

Ɔwrɔn totɔtɔ̀n léyi ye sɩ̀ merɛ̀n n'ebi ɔkɔrɛ-wrú lɔ mɛ̀n nɔn, yɛ́ kɔ́n nɛ̀n dí ɛnhyà-ẅì nɛ́nbà lɔ mɛ̀n.

Ɔwɔ-mɛ̀n-yrikàn 21:27

Tɛ́n ɛnbrá-ci zriɛmɛ́n ke sɩ̀ bru anmàn ndɔ lɔ mɛ̀n, ɔwrɔn léyi kɛ hán ɛci-promɛ̀n mán ɛyɔ̀n kɔ̀hɔ̀n nɔn. Yɔ léyi ye merɛ́n y'ebi ɔkɔrɛ-wrú léyi dú Ɔwɔ-Kɔ̀kɔ̀sɛ̀-ẅì lɔ tɛn nɔn, yɔ zri kɩ yɔ le bru anmàn ndɔ lɔ mɛ̀n.

Ɔwɔ-mɛ̀n-yrikàn 22:19

Kɩ ke dú kɛ ɔwrɔn tɔ̀n kɛ mrɛ́n ankà-dɔ̀ zri ankà-dɔ̀ léyi dú owrú ndɔ lɔ mɛ̀n kɛ sɔhɔ́, Ɔwɔ kɛ lɛ mrɛ́n ɔkɔrɛ-tɛ̀ tɛ̀-ẅì léyi dú nɛ tɛn nɔn kɛ lɛ sɔhɔ́, hɩ mán anmàn prɔnprɔn léyi yɛ dɔ́ n'ankà owrú ndɔ lɔ mɛ̀n nɔn.

Ɔwɔ-mɛ̀n-yrikàn 3:12

Ɔkɔ̀nká-wrɔn lɔ, mɛ lɛ srɔ nɛ̀n m'Ɔwɔ lɔ n'ecice wɔn hinan-bù, kɩ nɛ́n sɩ̀ vru dú nanvrɛn lɔ nɛ̀n srɔ mrìmrì. N'ɛwú lɔ, me le merɛ́n m'Ɔwɔ bi mán m'Ɔwɔ anmàn bi, Zherüzalɛmɛ̀n wrù léyi dú anhobɩ́ kakɛ hɩ m'Ɔwɔ hán và. N'ɛwú lɔ me le vru mɛ̀n merɛ́n m'ebi wrù lɔ.

Ɔwɔ-mɛ̀n-yrikàn 3:4

Tɛ́n, v'anwrɔn jan-bɔ̀, Sardɛ̀n anmàn dùku lɔ, kè sɩ̀ wá y'ɛceci hɔ̀n ɛnbrá edomɛ̀n. Yɔ lɛ hɔ̀n sɩ́ mɛ̀n, ɛceci wosuemɛ̀n, ɔmuhi yɔ ẅɛn yi kɔrɛ̀levri lɔ nɔn.

Ɔwɔ-mɛ̀n-yrikàn 6:11

Y'ɛmɛ̀n lɔ, yɛ tán ɔwrɔnwrɔn ɛceci wosu she, kɩ yɛ dɔ́ yɔ le, yɔ ẅɛn ɛnbɔrɛ yɔ hɛ́n ɛnvra jan, ô yɔ muanẅì hɔ̀n mán y'ɛkɔrɛ̀-wá-bɔ̀ léyi ye le wrì kɛ̀ hán yɔ hɔ́ nɔn, kɛ̀ sá ɛkru yakɛ.