Ɔwɔ-mɛ̀n-yrikàn 3:4 - Ɛmɛẅi ankà ankrànkràn 2003

⁴ Tɛ́n, v'anwrɔn jan-bɔ̀, Sardɛ̀n anmàn dùku lɔ, kè sɩ̀ wá y'ɛceci hɔ̀n ɛnbrá edomɛ̀n. Yɔ lɛ hɔ̀n sɩ́ mɛ̀n, ɛceci wosuemɛ̀n, ɔmuhi yɔ ẅɛn yi kɔrɛ̀levri lɔ nɔn.

Ɔwɔ-mɛ̀n-yrikàn 3:4 Iomraidhean Croise

Matie 10:11

Ɛnvra léyi nye bru anmàn cüìcüì mán anmàn cɛ nɔn, nyɛ́n ji ɔwrɔn léyi ke le shrì kɛ̀ ẅɛn nyɛ̀n nɛ̀nnyàn-bɔ̀ nɔn, ô nyɛ́n dú nanvrɛn hàn kɩ kɛ̀ krɔn ny'ɛhɔ́n vra.

Markɛ̀n 16:5

Zɛtɛn yɔ bru ɛnnànmàn mɛ̀n; nanvrɛn lɔ yɔ kán sùgbán-wrɔn tɔ̀n, yɛ́ ezì-kɔrɛ̀, cɔ́ ɛceci she wosu kɩ ɛnjansù bru yɔ.

Lükɛ̀n 20:35

tɛ́n, wúcɔ̀ mán wúyɔ̀ hɔ̀n léyi Ɔwɔ mrɛ́n bɩ, ô kè vru kɛ vá ɔkɔrɛ mɛ̀n nɔn, ye sɩ̀ yri y'edomɛ̀n.

Lükɛ̀n 21:36

Nyɛ́n bɩ́ di ndà, nyɛ́n sɛ́n ɛnvra lɔ fɛn, ô nyɛ́n cɔ́ ecüì nyɛ́n di ɛci hɔ̀n lɔ kɛ và nɔn anta, ô nyɛ́n tɔhú nyɛ́n nyɔn ɔwrɔnẅì Ẅì zìwúɛ.”

Ɔkɔ̀hɔ̀n-wá-bɔ̀ kɔ̀hɔ̀n hán 1:15

Ɛnbì ndɔ hɔ̀n lɔ ɔtɔ̀n, ankaẅì-bùtan-ẅɛn-bɔ̀ léyi borɛkru nɔn, yɔ dú anwrɔn ɛkoẅi-ɔwole. Piɛrɛ̀n tɔhú y'anwanzi kɩ kɛ dɔ̀ le:

2 Tesalonikɛ̀n anmàn-bɔ̀ 1:5

Ndɔ lɔ dú Ɔwɔ nyrɔnnan mrɛ̀ncì, ɔmuhi ɛnlowru srɔnsrɔn léyi nyɛ́n wrɔ nɔn kɛ lɛ tán nyɛ̀n n'Anhobɩ́ Nɛ̀ncüì-dúyri léyi hɩ kruhú nyɛ kán ɛgbàn nɔn.

Zhüdɛ̀n 1:23

Ndɔ hɔ̀n ndù nye le bɩ́ yɔ nyɛ́n die tɛ̀, ke dú kɛ nyɛ mrɛ́n yɔ ɛnhyà mɛ̀n nyɛ sɔhɔ́! Nyɛ́n ẅɛn ɛnhyɔ̀bɔ̀-nyrì nyɛ́n vru nyɛ́n tán anwrɔn ndɔ hɔ̀n, ɛnhyɔ̀bɔ̀-nyri léyi ɛnjansù dú ɛmɛ̀n nɔn: nyɛ́n bɩ́ tɛ́ y'ɛceci hɔ̀n léyi, y'ɔwrɔnẅì ankàtro ci-hán brá dú edomɛ̀n nɔn mán ɛkɔrɛ̀.

Ɔwɔ-mɛ̀n-yrikàn 1:11

esùva lɔ kɛ dɔ̀ le: “È merɛ́n owrú tɔ̀n mɛ̀n eci léyi ɛ kàn nɔn, ô, è bɩ́ owrú lɔ è yüre Ɔwɔ fɛcüè hɔ̀n ɔbɔ̀ɛn lɔ: Efɛzɛ̀n anmàn, Smirnɛ̀n anmàn, Pergamɛ̀n anmàn, Tiatirɛ̀n anmàn, Sardɛ̀n anmàn, Filadɛlfi mán Laodise anmàn.”

Ɔwɔ-mɛ̀n-yrikàn 11:13

Ɛnvra zri lɔ, ɛnhi jɔkɔ ecüiemɛ̀n; anmàn lɔ, n'ɛvamɛ̀n cá gbɔngbɔ̀ kɩ anwrɔn tɛ̀buri kru ɔbɔ̀ɛn wú ɛnhi jɔ̀kɔ̀ ndɔ lɔ mɛ̀n. Anwrɔn nyàntɛn hɔ̀n lɔ gbɔ̀gbɔ̀ bru edù kɩ yɔ zrɔ anhobɩ́ Wɔ lɔ eci.

Ɔwɔ-mɛ̀n-yrikàn 14:4

Anwrɔn ndɔ hɔ̀n lɔ, kè sɩ̀ wá nbrá edomɛ̀n yɔ mán wúyɔ̀ mɛhi, yɔ dú ɛfifiemɛ̀n. Yɔ dú Ɔwɔ Kɔ̀kɔ̀sɛ̀-ẅì ɛmɛẅi ɛyri lɔ fɛn léyi nɛ hɔ̀n nɔn; yɛ mrɛ́n yɔ anwɔ̀nẅìemɛ̀n yɛ sɔhɔ́ anwrɔnẅiemɛ̀n, ô yɔ dú Ɔwɔ mán Ɔwɔ Kɔ̀kɔ̀sɛ̀-ẅì kpàkpà cice.

Ɔwɔ-mɛ̀n-yrikàn 19:14

Anhobɩ́ anhà-kɔ́n fɛcüè hɔ̀n dú nɛ̀n ɛmɛẅi, yɔ yɛ́ kpàngɔ wosu wú, kɩ yɔ cɔ́ ɛcàsa ẅì ceci wosu fifi.

Ɔwɔ-mɛ̀n-yrikàn 19:8

Yɛ tán nɛ̀n ɛceci tɔ̀n léyi ye bɩ́ jese-ẅì càsa léyi kɛ gbrɛ́n ki fì nɔn, ye dù.” (Jese-ẅì càsa lɔ de dú ɛnyrɔnnan ci-hán hɔ̀n lɔ fɛn léyi Ɔwɔ-fɛcüè-bɔ̀ kɛ hán nɔn.)

Ɔwɔ-mɛ̀n-yrikàn 3:18

Hɩ le kruhú de me wore-ankà mɛ̀n yé mɛ́n, ô ɛ̀ wɔ́ ansikɛ léyi ɛnhyá nfi nɔn, m'antamɛ̀n, ô ɛ̀ srɔ ɛnnɛ̀ncüì annanwɔrɛ mɛ̀n. È vru ɛ̀ wɔ́ ɛceci wosú, ɛ̀ ẅɛn edomɛ̀n, ô ɛsɛ̀n-kora-nyɔn anvɛvrà ke bɩ́ ẅɛn mɛ́n, ɔmu zri lɔ ɛ̀ wɔ́ anvɛ̀ háwi, ɛ̀ hán v'anvɛ̀ ɛci ô yɔ kán ɛyri.

Ɔwɔ-mɛ̀n-yrikàn 3:5

Anwrɔn hɔ̀n léyi kɛ lɛ kɔ̀nkà nɔn, ɔmu lɔ yɔ lɛ cɔ́ ɛceci wɔsù; mɛ́n sɩ̀ gbú y'ebi mɛ̀n sɔhɔ́ ɛwúvà kɔrɛ̀ wrú lɔ mɛ̀n. Dade zìwú mán n'ɛkùyüre-bɔ̀ zìwú, me le nyri ɔmu le yɔ dú mɛ tɛn.

Ɔwɔ-mɛ̀n-yrikàn 4:4

Ɛgbú-tòbù lɔ dòmɛ̀n, ɛgbú-tòbù ɛẅia anzɔ̀ nyantɛn hɔ̀n ndù, y'ɛwú lɔ ɛcüìcüì-bɔ̀ ɛẅia anzɔ̀ cɔ́ ɛceci wosú yɛ́, kɩ ansikɛ krusɔn-ci dú yɔ ɛnkru.

Ɔwɔ-mɛ̀n-yrikàn 6:11

Y'ɛmɛ̀n lɔ, yɛ tán ɔwrɔnwrɔn ɛceci wosu she, kɩ yɛ dɔ́ yɔ le, yɔ ẅɛn ɛnbɔrɛ yɔ hɛ́n ɛnvra jan, ô yɔ muanẅì hɔ̀n mán y'ɛkɔrɛ̀-wá-bɔ̀ léyi ye le wrì kɛ̀ hán yɔ hɔ́ nɔn, kɛ̀ sá ɛkru yakɛ.

Ɔwɔ-mɛ̀n-yrikàn 7:9

Eci ndɔ lɔ n'ɛmɛẅi lɔ, mɛ̀n vru mɛ̀n nyan kɩ mɛ̀n kán anwrɔn fɛcüè vri léyi ɔwrɔn zriɛmɛ́n ke sɩ̀ krɛ̀ rɔ́ nɔn. Yɔ dú ɛnhi wú anmàn lɔ fɛn, ɔkpɔsɔ lɔ fɛn, fɛcüè lɔ fɛn mán ɛnbrɛ̀ lɔ fɛn bɔ̀. Yɔ nyɔn ɛgbú-tòbù mán Ɔwɔ Kɔ̀kɔ̀sɛ̀-ẅì zìwú, yɔ cɔ́ ɛceci she wosù kɩ ɛnnangbànkɔrɛ̀ dú yɔ ɛmàn mɛ̀n.