Ɔwɔ-mɛ̀n-yrikàn 3:3 - Ɛmɛẅi ankà ankrànkràn 2003

³ Ankà-yé léyi ɛ cɔ̀ mán ɔmu le ɛ̀ hán ɛ̀ yá nɛ̀n nɔn, è krosi v'edomɛ̀n; è di ɔmùan zri n'ɛtɛ̀sɛ̀n, ô ɛ̀ crɔn v'eci-hán-ci. Ke dú kɛ è sɩ̀ gbɛ́ anvɛ̀, mɛ lɛ và ẅɛn mɛ́n kɛ lɛ hán ɛci-yerɛ-wrɔn hɔ́, kɩ e sɩ̀ nyri ɛnvra léyi mɛ lɛ và nɔn.

Ɔwɔ-mɛ̀n-yrikàn 3:3 Iomraidhean Croise

Matie 25:13

Zɛtɛn Zhezü kɛ dɔ́ n'ɛsɛ̀nkɛn-bɔ̀ le: Nyɛ́n kpri ɛvɛ̀, ɔmuhi nyɛ́n sɩ̀ nyrì ɛnbì mán wacɛ̀n nɔn.”

Markɛ̀n 13:33

Nyɛ́n wá esùva ndà ke bɩ́ wri nyɛ̀n, ɔmuhi nyɛ́n sɩ̀ nyrì ɛnvra léyi ɛnbì lɔ kɛ lɛ cɔ̀ nɔn.

Markɛ̀n 13:36

ke dú kɛ nɛ vá kprú hô, ke sɩ̀ ji le nɛ̀n cɔ́ nyɛ̀n ndà dá mɛ̀n.

1 Tesalonikɛ̀n anmàn-bɔ̀ 5:2

Ɔmuhi nyɛ́n dùku nyɛ́n nyri anvrɛnvrɛn le, Ɛẅɛnwrɔn vá bì lɔ kɛ lɛ ẅɛn nmù kɛ lɛ hán ɛci-yerɛ-wrɔn léyi kɛ vá ɛnnyran nɔn.

Kpàkpà timote 6:20

Annyran anvrɛn Timote, ɛ̀ hɛ́n esùva-wá mɛ̀n, eci léyi yɛ wá mɛ́n antamɛ̀n nɔn. È teze ɛdrɛ̀ woro hɔ̀n léyi kɛ kɛ́n ankaẅìbùtan ankà ezì nɔn, e bɩ́ mrɛ́n ɔmùan ankà lɔ fɛn mɛ̀n, ɛ dɔ́ le, ɛ̀ ẅɛn ɛnkruemɛ̀n.

Anhyrɛmɛ̀n timote 1:13

È bɩ kè dú vɛ́n sɛnpò annànwɔrɛ ankà-dɔ̀ léyi mɛ̀n tán mɛ́n nɔn, ɛ̀ nyɔn ɛshishiemɛ̀n ankaẅìbùtan mɛ̀n mán ɛcüɛ̀n léyi bɔ̀ cɔ́ Zhezü Krisì mɛhi b'ɔbɔ̀sɔ̀ lɔ mɛ̀n nɔn.

Ebre-bɔ̀ 2:1

Hɩ le kruhú de ke ji le ankà hɔ̀n léyi bɔ̀ yá nɔn, bɔ̀ ẅɛ̀n bɔ̀ hɛ́n ɛshishiemɛ̀n, ô bɔ́ bɩ́ hɔ́n bɔ́ ɛzrɛ́n mɛ̀n.

2 Piɛrɛ̀n 1:13

Tɛ́n me tro le, dú eci léyi nyrɔn, me kro nyɛ̀n ankà ɛnvra ɔmu léyi mɛ̀n vru mɛ̀n dú ɛwúvà mɛ̀n nɔn.

2 Piɛrɛ̀n 3:1

Annyran anvrɛn hɔ̀n, vru nyàn anhyrɛmɛ̀n wrú léyi me yüre nyɛ̀n nɔn. Kpàkpà mán anhyrɛmɛ̀n wrú lɔ mɛ̀n, mɛ̀n ji, ô mɛ̀n kro sɩ́ ny'ɛnhɛ́n mɛ̀n, ankàtro prɔnprɔn hɔ̀n léyi m'eci-yé mɛ̀n, mɛ̀n kro nyɛ̀n nɔn.

2 Piɛrɛ̀n 3:10

Tɛ́n Ɛẅɛnwrɔn bì lɔ kɛ lɛ và kɛ lɛ hán ɛci-yerɛ-wrɔn hɔ́. Hɩ vra lɔ anhobɩ́ kɛ lɛ vàcí ɛjɔ̀kɔ mɛ̀n mán ɛnjansù vriemɛ̀n, ɛnhyà kɛ lɛ jrɛ́ anhobɩ́ dùwru hɔ̀n lɔ, ɛnhi mán n'ɛci hɔ̀n lɔ fɛn léyi dú nɛ̀n ɛmɛ̀n nɔn, ke sɩ̀ vru dùɛ.

Ɔwɔ-mɛ̀n-yrikàn 16:15

“Ɛẅɛnwrɔn kɛ dɔ̀ le, è die nukùɛ mɛ và kɛ lɛ hán ɛci-yerɛ-wrɔn hɔ́! Ɛnbɔrɛbru dú ɔwrɔn léyi ke kprí ɛvɛ̀ kɩ kɛ ẅɛn n'ɛci edòmɛ̀n, ô nɛ́n bɩ́ hɔ́n ɛsɛ̀n-kora, ô anvɛvrà kɛ ẅɛn nɛ̀n, ke dú kɛ yɛ kán nɛ̀n nɛ nyɔn ɔmu lɔ.”

Ɔwɔ-mɛ̀n-yrikàn 2:25

Tɛ́n nyɛ́n ẅɛn ɛshishiemɛ̀n eci léyi nyɛ́n ẅɛ̀n nɔn, hàn kɩ mɛ̀n và.

Ɔwɔ-mɛ̀n-yrikàn 2:5

E nyri ɛyri léyi e dù è bore nɔn, n'ɛwú ciemɛ̀n! Yi ankà kè bru mɛ̀n, ɛ̀ crɔn v'eci-hán-ci, ô ɛ̀ hán eci kɛ̀ hán ɛnkrubɔmɛ̀n hɔ́. Ke dú kɛ e sɩ́ ji ɛ̀ crɔn, mɛ lɛ và cɔ́ mɛ́n, kɩ me le bɩ́ vɛ́n kɛ̀niɛn lɔ mɛ̀n sɔhɔ́ n'ɛhɛ́n-yriɛ.

Ɔwɔ-mɛ̀n-yrikàn 22:7

“Zhezü kɛ dɔ̀ le, è die nukù, mɛ vá ɛnvra bruemɛ̀n! Ɛnbɔrɛbru dú anwrɔn hɔ̀n léyi ke bɩ́ ɛshishiemɛ̀n Ɔwɔ-mùan-wú-ankà-dɔ̀ léyi dú owrú ndɔ lɔ mɛ̀n nɔn tɛ́n!”

Ɔwɔ-mɛ̀n-yrikàn 3:11

Mɛ vá ɛnvra buriemɛ̀n. Ɛ̀ ẅɛn ɛshishiemɛ̀n eci léyi dú mɛ́n antamɛ̀n nɔn, ô ɔwrɔn zriɛmɛ́n ke bɩ́ bɩ́ v'ɔkɔ̀nká krusɔn-ci lɔ.

Ɔwɔ-mɛ̀n-yrikàn 3:19

Anwrɔn hɔ̀n lɔ fɛn léyi mɛ cüɛ̀n nɔn, me di yɔ ebrè kɩ mɛ ẅɛn yɔ nukù. Zɛtɛn, ɛ̀ hán edùyi-ci, ô ɛ̀ crɔn v'eci-hán-ci.

Ɔwɔ-mɛ̀n-yrikàn 3:2

Gbɛ̀ anvɛ̀, eci léyi ɛ ẅɛ̀n nɔn, è vru ɛ̀ hán nɛ̀n, nɛ̀n cɔ́ ecüì, yakɛ kɛ̀ cɔ́ ɛnvra léyi ne le wú mrìmrì nɔn. Ɔmuhi mɛ́n cɔ̀ mɛ́n nyrì le, v'eci-hán-ci hɔ̀n lɔ fɛn kè sɩ̀ krɔn kpehɛ́n m'Ɔwɔ zìwú nɔn.