Ɔwɔ-mɛ̀n-yrikàn 3:21 - Ɛmɛẅi ankà ankrànkràn 2003

²¹ Anwrɔn hɔ̀n léyi kɛ kɔ́nkà nɔn, mɛ lɛ tán yɔ ɛkɔrɛ̀levri yɔ le bɩ́ ɛyri m'ɛgbú-tòbù lɔ wú, hán ɔmu le ɛnvra léyi mɛ́n kɔ́nkà nɔn, mɛ́n hɔ̀n mɛ̀n yɛ́, mɛ̀n mán Dade mɛhi n'ɛgbú-tòbù lɔ wú.

Ɔwɔ-mɛ̀n-yrikàn 3:21 Iomraidhean Croise

Matie 19:28

Zhezü kɛ dɔ́ yɔ le: “Mɛ dɔ́ nyɛ̀n annànwɔrɛ mɛ̀n le: ɛnvra léyi ɔwrɔnẅì Ẅì kɛ lɛ yɛ́ n'ecizrɔ gbú-tobù lɔ wú, ɛwúvà wrù lɔ mɛ̀n nɔn, nyɛ́n anwrɔn ɛvà-anhyrɛ̀ hɔ̀n léyi nyɛ́n kɛ́n mɛ̀n ɛsɛ̀n nɔn, nyɛ lɛ yɛ́ ɔmu zri lɔ ɛgbú-tobù wú, nyɛ́n ci Izraɛlɛ̀n mɛ̀n kru ɛvà-anhyrɛ̀ lɔ ɛmrɛ̀n.

Matie 25:21

N'ankà-yé-wrɔn kɛ dɔ́ nɛ̀n le: ‘Kɛ zrɔ, ɔmùan-zri-dì mán eci-bɩtan-wrɔn anvrɛnvrɛn. È di ɔmùan-zri ɛci hɔ̀n léyi kè sɩ̀ ẅɛ̀n vɔ̀nshɛ́ nɔn wú, mɛ lɛ wá mɛ́n yɔ hɔ̀n léyi ẅɛn vɔ̀nshɛ́ nɔn antamɛ̀n, và cɔ́ mɛ̀n bɔ̀ brá pɔ̀püɛ̀.’

Matie 28:18

Zhezü sɔnba yɔ ɛtɛ̀sɛ̀n kɩ kɛ dɔ́ yɔ le: “Yɛ tán mɛ̀n ɛkɔrɛ̀srɔn lɔ fɛn anhobɩ́ mán ɛnhi wú.

Lükɛ̀n 22:30

nye le zî ɛci kɩ nye le mi ɛnshí mɛ́n tɛbrɛ̀ lɔ wú, Anhobɩ́ Nɛ̀ncüì-dúyri, kɩ nyɛ lɛ yɛ́ ɛgbú-tobù wúɛ, ô nyɛ́n ci Izraɛlɛ̀n mɛ̀n kru ɛvà-anhyrɛ̀ lɔ ɛmrɛ̀n.”

Zhan 13:32

Kɩ ke dú kɛ Ɔwɔ ci-zrɔ ke yé n'edomɛ̀n ɛnẅì lɔ mɛ̀n hô, Ɔwɔ mán kɛ lɛ hán n'Ɛnẅì ci-zrɔ ke le dú nɛ̀n edomɛ̀n kɛ̀ srɔ́, kɩ nɛ lɛ hán yi ɛnvra buriemɛ̀n.]

Zhan 16:33

Mɛ̀n dɔ́ nyɛ̀n ankà ndɔ lɔ fɛn, ô nyɛ́n cɔ́ anwɔwɔ nyɛ́n mɛhi b'ɔbɔ̀sɔ̀ lɔ mɛ̀n. Nyɛ lɛ kán ɛgbàn ɛnhibù wú. Tɛ́n edù kè yɩ́ nyɛ̀n! Mɛ́n kɔ̀n ká ɛnhibù!”

Anhyrɛmɛ̀n timote 2:12

ke dú kɛ bɔ́ nyɔn ɛshishiemɛ̀n, bɔ́ mán nɛ́n mɛhi bɔ́ lɛ ẅɛn ɛyri; ke dú kɛ bɔ́ kɔ́n nɛ̀n bɔ́ ze, nɛ́n mán nɛ lɛ kɔ́n bɔ̀ ne le ze;

Ɔwɔ-mɛ̀n-yrikàn 1:6

nɛ̀n srɔ bɔ̀ Ɔwɔ-cice-bɔ̀, ô bo dú nɛ́n Zi Ɔwɔ ci-bɩ̀tan kɔ̀hɔ́n mɛ̀n. Eci-zrɔ mán ɛkɔrɛ̀srɔn kè dú nɛ tɛn ɛnvra lɔ fɛn! Kè dú ɔmu lɔ.

Ɔwɔ-mɛ̀n-yrikàn 12:11

Bo muanẅì hɔ̀n kɔ́nká nɛ̀n Ɔwɔ Kɔ̀kɔ̀sɛ̀-ẅì krɛ̀ kɔrɛ̀levriemɛ̀n, mán ankà léyi yɔ di dalɛfuɛ n'ɛwú nɔn n'ɛmɛ̀n; yɔ sɩ̀ bàn y'ɛwúvà lɔ, yɔ krɔn kpehɛ́n, ô yɔ wù.

Ɔwɔ-mɛ̀n-yrikàn 17:14

Yɔ lɛ kɔ́n Ɔwɔ-Kɔ̀kɔ̀sɛ̀-ẅì lɔ anhà, tɛ́n Ɔwɔ-Kɔ̀kɔ̀sɛ̀-ẅì kɛ lɛ kɔ̀nká yɔ, ɔmuhi nɛ̀n dú ɛẅɛn-bɔ̀ Ẅɛnwrɔn mán ɛnnɛncüi hɔ̀n Nɛncüì nɔn; nɛ lɛ kɔ̀nká yɔ, nɛ́n mán anwrɔn hɔ̀n léyi nɛ̀n bí, kɩ nɛ̀n mrɛ́n nɛ́n bɩ dú, n'ɔmùan-zri-dí-bɔ̀ nɔn.”

Ɔwɔ-mɛ̀n-yrikàn 2:7

Ke ji le ɔwrɔnwrɔn, ke dú kɛ nɛ̀n ẅɛn nukù hô, nɛ̀n yá ankà léyi Ɛnhɛ́n kɛ dɔ́ Ɔwɔ-fɛcüè-bɔ̀ nɔn! Anwrɔn hɔ̀n léyi kɛ kɔ́n kà nɔn, mɛ lɛ tán yɔ ɛcizî ɛwùvà-kɔrɛ̀ tɛ̀-ẅì hɔ̀n léyi dú Ɔwɔ kɛ̀tɛ̀ lɔ mɛ̀n nɔn.”

Ɔwɔ-mɛ̀n-yrikàn 20:4

Zɛtɛn mɛ̀n kán ɛgbú-tòbù hɔ̀n: anwrɔn hɔ̀n léyi yɛ́ yɔ ɛwúɛ nɔn, cɔ́ ɛkɔrɛ̀srɔn yɔ ci ɛmrɛ̀n. Mɛ̀n vru mɛ̀n kán anhɛ́n hɔ̀n léyi ye wri y'ɔmùan-zri-dì annanwɔrɛ ankà léyi Zhezü yé mán Ɔwɔ mùan-ankà-dɔ̀ wú nɔn. Yɔ sɩ̀ cüè ɔnɔ̀n lɔ mán nɛ́n picɛ̀ lɔ ankɔrɛ̀ ezìwúɛ, kɩ yɔ sɩ̀ cɔ̀ ɔnɔ̀n nrɛ̀n lɔ, ezìwú mán ɛmànmɛ̀n. Yɔ vru yɔ vá ɔkɔrɛ-bɔ̀ mɛ̀n kɩ yɔ ẅɛn ɛyri yɔ mán Krisì mɛhi ɛnnanwàn tɛ̀buri.

Ɔwɔ-mɛ̀n-yrikàn 20:6

Ɛnbɔrɛbru dú anwrɔn hɔ̀n léyi dú ɛnvrapkà wúemɛ̀n-dùfrɔ́ ndɔ lɔ mɛ̀n nɔn! Yɔ dú Ɔwɔ tɛn, kɩ anhyrɛmɛ̀n wú lɔ kè sɩ̀ ẅɛ̀n ɛkɔrɛ̀srɔn y'ɛwú; Yɔ le dú Ɔwɔ mán Krisì cice-bɔ̀, kɩ yɔ mán Krisì mɛhi yɔ lɛ ẅɛn ɛyri ɛnnànwàn tɛ̀buri.

Ɔwɔ-mɛ̀n-yrikàn 5:10

Ɛ̀ srɔ yɔ ɛnnɛ̀ncüi dúyri Wɔ-cice-bɔ̀, ô yɔ dú b'Ɔwɔ lɔ n'ɛcice kɔ̀hɔ́n mɛ̀n, kɩ yɔ lɛ ẅɛn ɛyri ɛnhi wú.”

Ɔwɔ-mɛ̀n-yrikàn 6:2

Mɛ̀n nyan kɩ mɛ̀n kán kpàngɔ wosu tɔ̀n. Ɔwrɔn léyi yɛ́ kpàngɔ lɔ wú nɔn, anlɛbɛn tɔ̀n dú nɛ̀n antamɛ̀n kɩ yɛ tán nɛ̀n ɛnkrusɔn-cì tɔ̀n. Nɛ̀n hɔ́n ɛkɔ̀nká mɛ̀n, ô nɛ̀n vru nɛ̀n kɔ̀nkà.

Ɔwɔ-mɛ̀n-yrikàn 7:17

Ɔmuhi Ɔwɔ Kɔ̀kɔ̀sɛ̀-ẅì léyi nyɔn ɛgbú-tòbù wanzi nɔn, kɛ lɛ srɔ y'ɔkua-wrɔn, kɩ ke le sɩ́ yɔ ɔkɔrɛ shi-bɛ́ mùan mɛ̀n. Kɩ Ɔwɔ ke le wurɛn yɔ anvɛ-shi lɔ fɛn anvɛmɛ̀n.”