Ɔwɔ-mɛ̀n-yrikàn 3:19 - Ɛmɛẅi ankà ankrànkràn 2003

¹⁹ Anwrɔn hɔ̀n lɔ fɛn léyi mɛ cüɛ̀n nɔn, me di yɔ ebrè kɩ mɛ ẅɛn yɔ nukù. Zɛtɛn, ɛ̀ hán edùyi-ci, ô ɛ̀ crɔn v'eci-hán-ci.

Ɔwɔ-mɛ̀n-yrikàn 3:19 Iomraidhean Croise

Matie 25:7

Zɛtɛn wúyɔ̀-ẅì hɔ̀n ɛvà lɔ gbɛ́ anvɛ̀, kɩ bukru kɛ wá yɔ kɛniɛn esùva.

Zhan 2:17

Owrú Prɔnprɔn ankà-dɔ̀ ndɔ lɔ bru n'ɛsɛnkɛn-bɔ̀ lɔ: “Ɛcüɛ̀n léyi mɛ̀n ẅɛ́n v'ɔwɔn lɔ wú nɔn, ô Ɔwɔ, ke le wrú mɛ̀n edomɛ̀n kɛ lɛ hán ɛnhyà hɔ́.”

Rɔmɛ̀n-anmàn-bɔ̀ 12:11

Nyɛ́n ẅɛn edùyì, tɛ́n nyɛ́n bɩ́ dú ɛjɛ-bɔ̀. Edùyì kè yɩ́ ny'ɛnbɔrɛ lɔ, ô nyɛ́n dú ɛẅɛnwrɔn ci-bɩ̀tan-wrɔn.

1 Korɛntɛ̀n anmàn-bɔ̀ 11:32

Tɛ́n Ɛẅɛnwrɔn ke ci bɔ̀ ɛmrɛ̀n kɩ kɛ ẅɛn bɔ̀ nukù, ô ye bɩ́ bɔ́ bɔ̀ nwù bɔ́ mán ɛnhibù mɛhi.

2 Korɛntɛ̀n anmàn-bɔ̀ 6:9

yɛ nyan bɔ̀ kɛ hán anwrɔn hɔ̀n léyi ye sɩ̀ nyrìɛn nɔn, tɛ́n ye nyri bɔ̀ anvrɛnvrɛn, yɛ nyan bɔ̀ kɛ hán owú-bɔ̀ hɔ́, tɛ́n bɔ́ dú ankɔrɛkɔrɛmɛ̀n. Yɛ hán bɔ̀ ɛgbàn, kɩ ye sɩ́ wri bɔ̀;

2 Korɛntɛ̀n anmàn-bɔ̀ 7:11

Nyɛ́n nyan zɛtɛ̀ lɔ ny'obòtò lɔ nɛ́n vɔ̀nshɛ́ hɔ̀n, hán ɔmu le Ɔwɔ kɛ ji nɔn: ny'eci ɛnbɔrɛ-anvrɛnvrɛn hán mɛ̀n, ny'edomɛ̀n ankà-dɔ̀ tán ɛkpranmàn ci-hán mɛ̀n! Ny'ɔkrɔ ci-hán mɛ̀n, ny'ɛnjansù ci-hán mɛ̀n, ɛcüɛ̀n léyi nyɛ́n ẅɛn m'ɛwú, kɩ nye ji nyɛ́n kán mɛ̀n, ny'edùyì, ny'ecüì léyi nyɛ́n ẅɛn ɛgbàn-kɔrɛ̀ ci-hàn mɛ̀n nɔn! Nyɛ́n yé tán eci lɔ fɛn mɛ̀n le edòmɛ̀n fi nyɛ̀n ankà ndɔ lɔ mɛ̀n.

Galasi anmàn-bɔ̀ 4:18

Annanwɔrɛ mɛ̀n, zrɔ tán le vɔ̀nshɛ́ kè dú ɔwrɔn edomɛ̀n, tɛ́n kè dú anvrɛn hán tɛn, kɩ ndɔ lɔ ɛnvra lɔ fɛn mɛ̀n, kɩ kè sɩ̀ dù ɛnvra léyi mɛ̀n dú nyɛ̀n anwanzi nɔn tɛ̀kɩ.

Titɛ̀n 2:14

Nɛ̀n bɩ́ n'edomɛ̀n nɛ́n dí bɔ́ ɛgbàn-ẅɔ̀ɛn, ô nɛ̀n srɔ bɔ̀ fɛcüè fifi tɔ̀n léyi ke le dú nɛ́n zri nɛ tɛn, ô kɛ̀ ẅɛn edùyì ɛci-ankrànkràn-hán mɛ̀n.

Zhakɛ̀n 1:12

Ɛnbɔrɛbru dú tán ɔwrɔn léyi kɛ ẅɛn ecüì ɔwɔɛ̀nnyan mɛ̀n; ɔmuhi, ɛnvra léyi ne yé nɛ́n biakpa-ẅɛn lɔ nɔn, nɛ lɛ cɔ́ ɔkɔ̀nkà krusɔn-ci, ɛwúvà léyi ke sɩ́ troa hɩ Ɔwɔ wá ɔmùan tán anwrɔn hɔ̀n léyi ẅɛn n'ɛcüɛ̀n nɔn.

Ɔwɔ-mɛ̀n-yrikàn 2:5

E nyri ɛyri léyi e dù è bore nɔn, n'ɛwú ciemɛ̀n! Yi ankà kè bru mɛ̀n, ɛ̀ crɔn v'eci-hán-ci, ô ɛ̀ hán eci kɛ̀ hán ɛnkrubɔmɛ̀n hɔ́. Ke dú kɛ e sɩ́ ji ɛ̀ crɔn, mɛ lɛ và cɔ́ mɛ́n, kɩ me le bɩ́ vɛ́n kɛ̀niɛn lɔ mɛ̀n sɔhɔ́ n'ɛhɛ́n-yriɛ.