Ɔwɔ-mɛ̀n-yrikàn 3:17 - Ɛmɛẅi ankà ankrànkràn 2003

¹⁷ Ɛ dɔ̀ le: ‘Mɛ̀n di ɛnnɛ̀ncüì kɩ mɛ̀n ẅɛn ɛci anvrɛnvrɛn, eci zriɛmɛ́n kè sɩ̀ ẅɛn mɛ̀n ɛmiàn.’ Annanwɔrɛ mɛ̀n lɔ, è sɩ̀ nyrì ɔmu le è dú ɛmian-wrɔn mán ejüedi-wrɔn! È dú ɛmian-wrɔn, ɛ̀ nyɔn ɛsɛ̀nkora, kɩ e sɩ́ kán ɛyri.

Ɔwɔ-mɛ̀n-yrikàn 3:17 Iomraidhean Croise

Matie 5:3

“Ɛnbɔrɛbru dú anwrɔn hɔ̀n léyi ke shri y'ɛmìan lɔ ke bɩ, ɔmuhi Anhobɩ́ nɛ̀ncüì-dúyri dú yɔ tɛn nɔn!

Matie 9:12

Zhezü yá yɔ ɔmùan kɩ kɛ dɔ̀ le: “Anwrɔn hɔ̀n léyi ɛnlɔẅiɛ bàdà edomɛ̀n nɔn, ke sɩ́ ji anháẅi-hán-wrɔn, tɛ́n ɛnlɔẅiɛ-bɔ̀ de ke ji anháẅi-hán-wrɔn nɔn.

Lükɛ̀n 1:53

Nɛ̀n tán ɔmuanwú-bɔ̀ eci bobrebe, kɩ nɛ̀n srɔ ɛnnɛ̀ncüì hɔ̀n ɛmian-bɔ̀.

Lükɛ̀n 6:24

Tɛ́n muzhie dú tán, nyɛ́n léyi nyɛ́n di ɛnnɛncüì, ɔmuhi nyɛ́n gɔ̀ cɔ́ ny'ɛnbɔrɛbru lɔ nɔn!

Rɔmɛ̀n-anmàn-bɔ̀ 11:20

Dú annanwɔrɛ. Yɛ voyan yɔ ɔmuhi ankaẅì-bùtan trɔ yɔ ɛmɛ̀n, kɩ è bɩ́ y'ɛyri lɔ, ankaẅì-bùtan léyi ɛ ẅɛ̀n nɔn hɩ kruhú. Tɛ́n e bɩ́ di tùtre hɩ wú lɔ! Kɩ ke ji le ɛ̀ wá esùva anvrɛnvrɛn.

Rɔmɛ̀n-anmàn-bɔ̀ 11:25

Anwrɔn-nɛ́n-muan-ẅì hɔ̀n, me ji mɛ̀n hán nyɛ̀n nyɛ́n nyri Ɔwɔ ankɔ́nda-ci-hán ankà-bán-ankà lɔ, ô nyɛ́n bɩ́ bú ny'edomɛ̀n nyɛ́n hán ankà-nyri-bɔ̀: Izraɛlɛ̀n fɛcüè cá ke le dú ɔbrɔsa mɛ̀n hàn kɩ kɛ lɛ cɔ́ ɛnvra léyi ɛnhibù fɛcüè nyantɛn kɛ lɛ cɔ́ ɛnkru-kɔrɛ̀ nɔn.

Rɔmɛ̀n-anmàn-bɔ̀ 12:3

Ecice-ci léyi Ɔwɔ tán mɛ̀n n'ɛcüɛ̀n lɔ mɛ̀n nɔn, hɩ kruhú de mɛ dɔ́ tán nyɛ lɛ fɛn le: nyɛ́n bɩ́ ẅɛn ankà-tro ke sevri kɛ vrán nyɛ́n mumù. Tɛ́n nyɛ́n ẅɛn ankà-tro hɔ̀n léyi vɛ́n nyɛ̀n, ɔwrɔnwrɔn n'ankaẅì-bùtan léyi Ɔwɔ tán nɛ̀n nɔn hɩ wú.

Rɔmɛ̀n-anmàn-bɔ̀ 7:24

Ɛnhyɔ̀bɔ-wrɔn léyi dú mɛ̀n nɔn! Antɔn de kɛ lɛ mrɛ́n mɛ̀n edùwrú ndɔ léyi ke sɩ́ mɛ̀n owúemɛ̀n nɔn kɛ̀ sɔhɔ́ nɛ́n?

2 Piɛrɛ̀n 1:9

Tɛ́n ɔwrɔn léyi kè sɩ̀ ẅɛ̀n eci-hán ndɔ lɔ nɔn, anvɛ̀ ke sɩ́ kán nɛ̀n ɛyri esùshe, kɩ nɛ́n dù nɛ̀n hán anvɛ̀-boyɛ-wrɔn hɔ́; esùva yru nɛ̀n le, ye jru nɛ̀n ɛnbiɛhɛ́n gbàn edomɛ̀n yɛ sɔhɔ́.

Ɔwɔ-mɛ̀n-yrikàn 16:15

“Ɛẅɛnwrɔn kɛ dɔ̀ le, è die nukùɛ mɛ và kɛ lɛ hán ɛci-yerɛ-wrɔn hɔ́! Ɛnbɔrɛbru dú ɔwrɔn léyi ke kprí ɛvɛ̀ kɩ kɛ ẅɛn n'ɛci edòmɛ̀n, ô nɛ́n bɩ́ hɔ́n ɛsɛ̀n-kora, ô anvɛvrà kɛ ẅɛn nɛ̀n, ke dú kɛ yɛ kán nɛ̀n nɛ nyɔn ɔmu lɔ.”

Ɔwɔ-mɛ̀n-yrikàn 2:9

Mɛ̀n nyri v'ejüedì mán v'ɛmiàn; tɛ́n annanwɔrɛ mɛ̀n lɔ, è di ɛnnɛ̀ncüì! Mɛ̀n nyri ankà gbàn léyi anwrɔn hɔ̀n léyi ke bú y'edomɛ̀n kɛ hán Zhüifɛ̀n-bɔ̀ hɔ́ hɩ kɛ dɔ́ tán mɛ́n nɔn, tɛ́n yɔ sɩ̀ dù Zhüifɛ̀n-bɔ̀: yɔ dú Anwa-wrɔn-fɛcüè tɔ̀n!

Ɔwɔ-mɛ̀n-yrikàn 3:16

Tɛ́n e sɩ́ friɛ kɩ è sɩ̀ wroà mán, ɛ̀ hán dòhò, kɩ mɛ lɛ vɛ́ mɛ́n m'anmùan mɛ̀n mɛ̀n ze!