Ɔwɔ-mɛ̀n-yrikàn 3:11 - Ɛmɛẅi ankà ankrànkràn 2003

¹¹ Mɛ vá ɛnvra buriemɛ̀n. Ɛ̀ ẅɛn ɛshishiemɛ̀n eci léyi dú mɛ́n antamɛ̀n nɔn, ô ɔwrɔn zriɛmɛ́n ke bɩ́ bɩ́ v'ɔkɔ̀nká krusɔn-ci lɔ.

Ɔwɔ-mɛ̀n-yrikàn 3:11 Iomraidhean Croise

1 Korɛntɛ̀n anmàn-bɔ̀ 9:25

Ɛsrɛ́-bɔ̀ lɔ fɛn léyi dú ɛsrɛ́ ci-hán mɛ̀n nɔn kɛ tán y'edomɛ̀n ɔkɔ̀hɔ̀n shishi. Yɔ hán ɔmu lɔ, ô yɔ cɔ́ ɛnkrusɔn-ci léyi kɛ gɔ́ jrɛ́ nɔn; tɛ́n bɔ́, bɔ́ hán nɛ̀n, ô bɔ̀ cɔ́ ɛnkrusɔn-ci léyi ke sɩ́ jrɛ́ mrìmrì nɔn.

Filipɛ̀n anmàn-bɔ̀ 4:5

Ke ji le ny'ɛzrɔ lɔ kè di ebɩ anwrɔn lɔ fɛn zìwú. Ɛẅɛnwrɔn kɛ lɛ vá ɛnvra bruemɛ̀n.

Anhyrɛmɛ̀n timote 2:5

Ànnyàn-kɔ́n-wrɔn léyi ke ji kɛ kɔ̀nkà nɔn, ke ji le nɛ́n nyrì kɔ́n ànnyàn lɔ n'ɔkɔrɛ̀zì.

Anhyrɛmɛ̀n timote 4:8

Kɩ zɛtɛ̀ lɔ ɛkɔ̀nkà wɔ̀ɛndi kɛ vrá mɛ̀n: ɔwɔ̀ɛndì ndɔ lɔ dú ɛnkrukɔrɛ̀ krusɔnci léyi Ɛẅɛnwrɔn, ɛnyrɔnnan mrɛ̀nci-wrɔn, kɛ lɛ tán mɛ̀n ɛmrɛ̀nci bì lɔ nɔn, kɩ kè sɩ̀ dù mɛ́n zri kɩ, tɛ́n anwrɔn lɔ fɛn léyi kɛ vrá ɛcüɛn mɛ̀n ɛnvra léyi Ɛẅɛnwrɔn kɛ lɛ srɔ nɔn.

Zhakɛ̀n 1:12

Ɛnbɔrɛbru dú tán ɔwrɔn léyi kɛ ẅɛn ecüì ɔwɔɛ̀nnyan mɛ̀n; ɔmuhi, ɛnvra léyi ne yé nɛ́n biakpa-ẅɛn lɔ nɔn, nɛ lɛ cɔ́ ɔkɔ̀nkà krusɔn-ci, ɛwúvà léyi ke sɩ́ troa hɩ Ɔwɔ wá ɔmùan tán anwrɔn hɔ̀n léyi ẅɛn n'ɛcüɛ̀n nɔn.

Zhakɛ̀n 5:9

Anwrɔn-nɛ́n-muan-ẅì hɔ̀n, nyɛ́n bɩ́ bɩ́ ny'edomɛ̀n ɛmɛ̀nhyì, ke dú ɔmu lɔ hô, Ɔwɔ ke le ci nyɛ̀n ɛmrɛ̀n. Ɛmrɛ̀n-ci-wrɔn bá ɛtɛ̀sɛ̀n, nɛ́n krɔn pkehɛ́n, ô nɛ̀n bru anwɔn mɛ̀n!

Ɔwɔ-mɛ̀n-yrikàn 1:3

Ɛnbɔrɛbru dú ɔwrɔn léyi kɛ krɛ́ owrú ndɔ lɔ nɔn tɛn, ɛnbɔrɛbru dú anwrɔn hɔ̀n léyi ke díe Ɔwɔ-mùanwú-ankà-dɔ̀ ndɔ lɔ nukùɛ, kɩ kɛ ẅɛn eci léyi ye merɛ́n nɔn n'ankà ɛshishiemɛ̀n kɛ hɛ́n nɔn tɛn! Ɔmuhi ɛnvra léyi yɛ wá ô ɛci hɔ̀n lɔ kɛ̀ hán nɔn, kɛ́n eburiɛ.

Ɔwɔ-mɛ̀n-yrikàn 16:15

“Ɛẅɛnwrɔn kɛ dɔ̀ le, è die nukùɛ mɛ và kɛ lɛ hán ɛci-yerɛ-wrɔn hɔ́! Ɛnbɔrɛbru dú ɔwrɔn léyi ke kprí ɛvɛ̀ kɩ kɛ ẅɛn n'ɛci edòmɛ̀n, ô nɛ́n bɩ́ hɔ́n ɛsɛ̀n-kora, ô anvɛvrà kɛ ẅɛn nɛ̀n, ke dú kɛ yɛ kán nɛ̀n nɛ nyɔn ɔmu lɔ.”

Ɔwɔ-mɛ̀n-yrikàn 2:10

E bɩ́ sú ɛgbànkàn léyi ɛ lɛ cɔ̀ nɔn. Die nukùɛ: anwawrɔn kɛ lɛ wɔɛn nyɛ̀n nyan, kɩ ny'ɛmɛ̀n lɔ, ne le ku bobrebe anwɔn-mɛ̀n-wá-wɔn mɛ̀n; yɛ lɛ hán nyɛ̀n ɛgbàn ɛbi ɛvà. È di ɔmùan zri hàn kɩ kɛ cɔ́ v'owú vra, kɩ mɛ lɛ tán mɛ́n ɛkɔ̀nkà krusɔn-ci, ɛwúvà léyi ke sɩ́ trɔa nɔn.

Ɔwɔ-mɛ̀n-yrikàn 2:13

Mɛ̀n nyri ɛyri léyi ɛ̀ sɔ́n ebɩ́ nɔn: ɛyri léyi anwa-bɔ̀ wrɔn cüìcüì gbú-tòbù ndù nɔn. Ɛ̀ brɛ́ mɛ̀n kɩkɩ ɛ̀ hɛ́n kɩ è sɩ̀ crɔ̀n ankàẅìbùtan léyi ɛ̀ ẅɛn mɛ̀n ɛmɛ̀n nɔn, annannan le ɛnvra léyi ye wri Antipasɛ̀n, mɛ́n dalɛfuɛ mùan-zri-di-wrɔn, ny'anmàn, ɛyri leyi anwa-bɔ̀ wrɔn cüìcüì sɔ́n ebɩ́ nɔn.

Ɔwɔ-mɛ̀n-yrikàn 2:25

Tɛ́n nyɛ́n ẅɛn ɛshishiemɛ̀n eci léyi nyɛ́n ẅɛ̀n nɔn, hàn kɩ mɛ̀n và.

Ɔwɔ-mɛ̀n-yrikàn 22:12

“Zhezü kɛ dɔ̀ le, è die nukùɛ, mɛ vá ɛnvra buriemɛ̀n! Me le sɩ́ anjakpà léyi mɛ lɛ tán ɔwrɔnwrɔn n'eci léyi nɛ̀n hán nɔn hɩ wú.

Ɔwɔ-mɛ̀n-yrikàn 22:20

Ɔwrɔn léyi ke dí annanwɔrɛ ankà ndɔ lɔ nɛ́n dalɛfuɛ nɔn, kɛ dɔ̀ le: “Hɛ̀ɛ̀, mɛ vá ɛnvra buriemɛ̀n!” Annanwɔrɛ mɛ̀n! Kè dú ɔmu lɔ! Và, Ɛẅɛnwrɔn Zhezü!

Ɔwɔ-mɛ̀n-yrikàn 22:7

“Zhezü kɛ dɔ̀ le, è die nukù, mɛ vá ɛnvra bruemɛ̀n! Ɛnbɔrɛbru dú anwrɔn hɔ̀n léyi ke bɩ́ ɛshishiemɛ̀n Ɔwɔ-mùan-wú-ankà-dɔ̀ léyi dú owrú ndɔ lɔ mɛ̀n nɔn tɛ́n!”

Ɔwɔ-mɛ̀n-yrikàn 3:3

Ankà-yé léyi ɛ cɔ̀ mán ɔmu le ɛ̀ hán ɛ̀ yá nɛ̀n nɔn, è krosi v'edomɛ̀n; è di ɔmùan zri n'ɛtɛ̀sɛ̀n, ô ɛ̀ crɔn v'eci-hán-ci. Ke dú kɛ è sɩ̀ gbɛ́ anvɛ̀, mɛ lɛ và ẅɛn mɛ́n kɛ lɛ hán ɛci-yerɛ-wrɔn hɔ́, kɩ e sɩ̀ nyri ɛnvra léyi mɛ lɛ và nɔn.

Ɔwɔ-mɛ̀n-yrikàn 4:10

ɛcüicüì-bɔ̀ ɛẅia anzɔ̀ lɔ, kɛ shran annankruemɛ̀n, ɔwrɔn léyi yɛ́ ɛgbù-tòbù wú nɔn zìwú, yɔ cüe ɔwrɔn léyi dú ɛwúvà mɛ̀n ɛnvra lɔ fɛn nɔn ankɔrɛ̀ ezìwúɛ. Yɔ kɔ́n y'ɛnkrusɔ́n-ci hɔ̀n lɔ cüe ɛgbú-tòbù zìwú kɩ yɔ dɔ̀ le:

Ɔwɔ-mɛ̀n-yrikàn 4:4

Ɛgbú-tòbù lɔ dòmɛ̀n, ɛgbú-tòbù ɛẅia anzɔ̀ nyantɛn hɔ̀n ndù, y'ɛwú lɔ ɛcüìcüì-bɔ̀ ɛẅia anzɔ̀ cɔ́ ɛceci wosú yɛ́, kɩ ansikɛ krusɔn-ci dú yɔ ɛnkru.