Ɔwɔ-mɛ̀n-yrikàn 22:9 - Ɛmɛẅi ankà ankrànkràn 2003

⁹ Tɛ́n nɛ dɔ́ mɛ̀n le: “E bɩ́ hán eci ndɔ lɔ! Mɛ̀n dú eci-bɩtan-wrɔn tɔ̀n hán vɛ́n hɔ́, hán ɔmuan-ẅì hɔ̀n Ɔwɔ-mùan-wú-ankà-dɔ̀-bɔ̀, kɩ hán anwrɔn hɔ̀n lɔ fɛn léyi kɛ ẅɛn ɛshishiemɛ̀n owrú ndɔ lɔ n'ankà-dɔ̀ hɔ̀n kɛ hɛ́n nɔn. Ɔwɔ de ke ji le è cüe ankɔrɛ̀ ezìwúɛ nɔn!”

Ɔwɔ-mɛ̀n-yrikàn 22:9 Iomraidhean Croise

Matie 4:9

kɩ kɛ dɔ́ nɛ̀n le: “Mɛ lɛ tán mɛ́n ɛci ndɔ hɔ̀n lɔ fɛn, ke dú kɛ ɛ shɛ́n mɛ̀n ezìwú annankruemɛ̀n e cüe mɛ̀n ankɔ̀rɛ̀ ezìwúɛ.”

Lükɛ̀n 4:7

Ke dú kɛ ɛ shɛ́n mɛ̀n ɛnankru ezìwúɛ, fɛn lɔ dú vɛ tɛn.”

1 Zhan 5:20

Bɔ̀ nyri ɔmu le Ɔwɔ Ẅì nvà, kɩ nɛ̀n tán bɔ̀ ɛnkruemɛ̀n-ẅɛ̀n, ô bɔ̀ nyri Ɔwɔ annanwɔrɛ lɔ. Bɔ̀ dú Ɔwɔ annanwɔrɛ lɔ n'ɔbɔ̀sɔ̀ lɔ mɛ̀n n'Ɛnẅì Zhezü Krisì mɛ̀n. Nɛ́n de nɛ̀n dú Ɔwɔ annanwɔrɛ lɔ nɔn, nɛ́n de nɛ̀n dú ɛwúvà léyi ke sɩ́ trɔa nɔn.

Ɔwɔ-mɛ̀n-yrikàn 1:1

Owrú ndɔ lɔ kɛ dɔ́ ɛyrikàn léyi Zhezü Krisì ncɔ̀ nɔn n'ankà. Ɔwɔ tán nɛ̀n ɛyrikàn ndɔ lɔ, ô nɛ̀n yé n'eci-bɩ̀tan bɔ̀ eci léyi kɛ lɛ wɔɛn ɛnvra bruemɛ̀n nɔn. Krisì wá n'ɛkùyüre-wrɔn ɔkɔ̀hɔ̀n Zhan yri, ô kɛ̀ tán nɛ̀n nɛ̀n nyri eci léyi kɛ lɛ wɔɛ̀n nɔn.

Ɔwɔ-mɛ̀n-yrikàn 1:11

esùva lɔ kɛ dɔ̀ le: “È merɛ́n owrú tɔ̀n mɛ̀n eci léyi ɛ kàn nɔn, ô, è bɩ́ owrú lɔ è yüre Ɔwɔ fɛcüè hɔ̀n ɔbɔ̀ɛn lɔ: Efɛzɛ̀n anmàn, Smirnɛ̀n anmàn, Pergamɛ̀n anmàn, Tiatirɛ̀n anmàn, Sardɛ̀n anmàn, Filadɛlfi mán Laodise anmàn.”

Ɔwɔ-mɛ̀n-yrikàn 14:7

Nɛ dɔ́ esùva cüìcüìemɛ̀n le: “Nyɛ́n sɩ́ ny'edomɛ̀n ɛnhi nyɛ́n tán Ɔwɔ, ô nyɛ́n zrɔ nɛ̀n eci! Ɔmuhi, ɛnvra léyi ne le ci anwrɔnẅì ɛmrɛ̀n nɔn ncɔ̀a. Nyɛ́n cüe ɔwrɔn léyi hán anhobɩ́, ɛnhi, ecüe mán ɛnshi-bɛ́ hɔ̀n nɔn, ankɔrɛ̀ ezìwúɛ!”

Ɔwɔ-mɛ̀n-yrikàn 15:4

Ɛẅɛnwrɔn, antɔn de ke sɩ̀ ẅɛn v'ɛwá nɛ́n? Antɔn de kɛ lɛ krɔ, ke sɩ̀ zrɔ mɛ́n eci nɛ́n? Ɔmuhi vɛ́n zri kɩ è dú prɔnprɔn, ɛnhi anmàn hɔ̀n lɔ fɛn kɛ lɛ và cüe mɛ́n ankɔrɛ̀ ezìwúɛ, ɔmuhi v'ɛnyrɔn ci-hán hɔ̀n ke yé tán yɔ, kpetemɛ̀n yɔ nyrì nɔn.”

Ɔwɔ-mɛ̀n-yrikàn 19:10

Mɛ̀n bore nɛ̀n annan zìwú, ô mɛ̀n cüe nɛ̀n ankɔrɛ̀ ezìwúɛ, tɛ́n nɛ dɔ́ mɛ̀n le: “E bɩ́ hán ndɔ lɔ! Mɛ̀n dú eci-bɩtan-wrɔn hán vɛ́n hɔ́, kɩ mɛ́n dù hán ɔmuan-ẅì hɔ̀n léyi di ɔmùan-zri annànwɔrɛ ankà léyi Zhezü yé nɔn wú. Ɔwɔ de ke ji le è cüe ankɔrɛ̀ ezìwúɛ nɔn!” Annanwɔrɛ ankà léyi Zhezü yé nɔn, nyàn eci léyi kɛ nyrɔn Ɔwɔ-mùanwú-ankà-dɔ́-bɔ̀ nɔn.

Ɔwɔ-mɛ̀n-yrikàn 22:10

Zɛtɛn nɛ dɔ́ mɛ̀n le: “E bɩ́ tɛhɛ́n ɛbánmɛ̀n Ɔwɔ-mùan-wú-ankà-dɔ̀ hɔ̀n léyi dú owrú ndɔ lɔ mɛ̀n nɔn, ɔmuhi ɛci ndɔ hɔ̀n lɔ, y'ɛnvra léyi yɛ wá nɔn, kɛ́n eburi.

Ɔwɔ-mɛ̀n-yrikàn 22:18

Mɛ̀n Zhan, me yüre m'ankà-bi-dɔ̀ ɔmùan-ɛwú-siemɛ̀n mɛ tán ɔwrɔn totɔtɔ̀n léyi kɛ yá Ɔwɔ-mùan-ankà léyi dú owrú ndɔ lɔ mɛ̀n nɔn: Ke dú kɛ Ɔwrɔn tɔ̀n ke dí ankà zri ɛmɛ̀n, Ɔwɔ ke le dí n'ɛwúvà lɔ mɛ̀n ɛgbàn-hán-ci hɔ̀n léyi yɛ dɔ́ n'ankà owrú ndɔ lɔ mɛ̀n nɔn.

Ɔwɔ-mɛ̀n-yrikàn 22:7

“Zhezü kɛ dɔ̀ le, è die nukù, mɛ vá ɛnvra bruemɛ̀n! Ɛnbɔrɛbru dú anwrɔn hɔ̀n léyi ke bɩ́ ɛshishiemɛ̀n Ɔwɔ-mùan-wú-ankà-dɔ̀ léyi dú owrú ndɔ lɔ mɛ̀n nɔn tɛ́n!”

Ɔwɔ-mɛ̀n-yrikàn 4:10

ɛcüicüì-bɔ̀ ɛẅia anzɔ̀ lɔ, kɛ shran annankruemɛ̀n, ɔwrɔn léyi yɛ́ ɛgbù-tòbù wú nɔn zìwú, yɔ cüe ɔwrɔn léyi dú ɛwúvà mɛ̀n ɛnvra lɔ fɛn nɔn ankɔrɛ̀ ezìwúɛ. Yɔ kɔ́n y'ɛnkrusɔ́n-ci hɔ̀n lɔ cüe ɛgbú-tòbù zìwú kɩ yɔ dɔ̀ le:

Ɔwɔ-mɛ̀n-yrikàn 9:20

Anwrɔnẅì léyi wɔrɔ dú ɛnhibù wú nɔn, yɔ lɔ fɛn léyi ɛgbán-hán-ci ndɔ hɔ̀n lɔ, kè sɩ̀ wrì yɔ nɔn, yɔ sɩ̀ crɛ̀ ejüì yɔ sɔ̀n antɛ̀buri-wɔ léyi yɔ dùku yɔ bɩ́ y'ɛmàn, yɔ hán nɔn; yɔ dú anwa-bɔ̀ sɛ́n mɛ̀n mán ansíkɛ, ɔkùa, pritù, obù mán antɛ̀buri hɔ̀n léyi ke sɩ́ kán ɛyri rɔ́a, ke sɩ́ yá ankà rɔ́a, ke sɩ́ nán esù rɔ́a nɔn, y'ɛsɛ́n mɛ̀n.