Ɔwɔ-mɛ̀n-yrikàn 22:2 - Ɛmɛẅi ankà ankrànkràn 2003

² kɩ kɛ gbɛ́ anmàn drɛn-mɔɛn wanzi. Ɔkɔrɛ-tɛ̀ léyi ke shi ɛẅì andɛ̀n ɛvà-anhyrɛ̀ ɛnnanwàn zri granmɛ̀n, ɛdɛ̀n zri okù lɔ fɛn mɛ̀n nɔn, dú mancüe zì mán ɛmɛẅi. N'ɛẅi hɔ̀n lɔ, ye bɩ yɛ kɔrɛ ɛnhi wú anmàn hɔ̀n.

Ɔwɔ-mɛ̀n-yrikàn 22:2 Iomraidhean Croise

Lükɛ̀n 4:18

“Ɛẅɛnwrɔn Hɛ́n dú mɛ̀n edomɛ̀n, nɛ̀n mrɛ́n mɛ̀n nɛ́n bɩ, ô mɛ̀n bɩ́ Ɛmɛẅí ankà Ankrànkràn lɔ mɛ̀n và sɩ́ ɛmian-bɔ̀. Nɛ̀n wá mɛ̀n ɛnzhì ɛnkru ô mɛ̀n dɔ́ anwɔn-mɛ̀n-wá-bɔ̀ ebɩ̀die ankà, mɛ̀n dɔ́ anvɛ̀-bɔyɛ-bɔ̀ ɛyri-kán ankà, ô ejuezì-bɔ̀ kɛ̀ cɔ́ ɔwrɔncüe,

1 Piɛrɛ̀n 2:24

Nɛ́n dùku n'edùwru ẅia lɔ mɛ̀n, nɛ̀n bɩ́ bɔ́ ɛgbàn hɔ̀n lɔ ɛgbàn-hán-tɛ̀ wú, ô bɔ̀ wú ɛgbàn mɛ̀n, ô bɔ̀ cɔ́ ɛnyrɔnnan wúvà. N'ecifɔn hɔ̀n lɔ mɛ̀n de nyɛ́n cɔ́ ɔkɔrɛ̀ nɔn.

Ɔwɔ-mɛ̀n-yrikàn 2:7

Ke ji le ɔwrɔnwrɔn, ke dú kɛ nɛ̀n ẅɛn nukù hô, nɛ̀n yá ankà léyi Ɛnhɛ́n kɛ dɔ́ Ɔwɔ-fɛcüè-bɔ̀ nɔn! Anwrɔn hɔ̀n léyi kɛ kɔ́n kà nɔn, mɛ lɛ tán yɔ ɛcizî ɛwùvà-kɔrɛ̀ tɛ̀-ẅì hɔ̀n léyi dú Ɔwɔ kɛ̀tɛ̀ lɔ mɛ̀n nɔn.”

Ɔwɔ-mɛ̀n-yrikàn 21:21

Esù-gbàtà hɔ̀n ɛvà-anhyrɛ̀ lɔ dú ɛbreci hɔ̀n ɛvà-anhyrɛ̀; esù gbàtà zri ye bɩ́ ɛbreci zri yɛ hán. Anmàn drɛ́n mɔɛn lɔ dú ansikɛ-ẅì léyi kɛ kán ɛyri kɛ hán zanci hɔ́ nɔn.

Ɔwɔ-mɛ̀n-yrikàn 21:24

Ɛnhi wú anmàn hɔ̀n kɛ lɛ nán esù n'ɛyrikàn lɔ mɛ̀n, kɩ ɛnhi wú nɛ̀ncüi hɔ̀n ke le sɩ́ yɔ nɛ̀ncüì-di-ci hɔ̀n lɔ.

Ɔwɔ-mɛ̀n-yrikàn 22:1

Ɔwɔ-kùyüre-wrɔn lɔ vru yé mɛ̀n ɔkɔrɛ mancüè shi lɔ, kɛ gbrɛ́n kɛ hán obù ẅì fífí hɔ́, dú Ɔwɔ mán Ɔwɔ Kɔ̀kɔ̀sɛ̀-ẅì gbú-tòbù wú kɛ trɛ̀n,

Ɔwɔ-mɛ̀n-yrikàn 22:14

Ɛnbɔrɛbru dú anwrɔn hɔ̀n léyi ke jru y'ɛceci hɔ̀n lɔ, kɩ ẅɛn ɛkɔrɛ̀levri ke le zî ɔkɔrɛ-tɛ̀ tɛ̀-ẅì hɔ̀n lɔ, ô kè ci ɛsù-gbàtà hɔ̀n mɛ̀n ke bru anmàn.

Ɔwɔ-mɛ̀n-yrikàn 22:19

Kɩ ke dú kɛ ɔwrɔn tɔ̀n kɛ mrɛ́n ankà-dɔ̀ zri ankà-dɔ̀ léyi dú owrú ndɔ lɔ mɛ̀n kɛ sɔhɔ́, Ɔwɔ kɛ lɛ mrɛ́n ɔkɔrɛ-tɛ̀ tɛ̀-ẅì léyi dú nɛ tɛn nɔn kɛ lɛ sɔhɔ́, hɩ mán anmàn prɔnprɔn léyi yɛ dɔ́ n'ankà owrú ndɔ lɔ mɛ̀n nɔn.