Ɔwɔ-mɛ̀n-yrikàn 22:17 - Ɛmɛẅi ankà ankrànkràn 2003

¹⁷ Ɛnhɛ́n mán eyiri-hi kɛ dɔ̀ le: “Và!” Ɔwrɔn léyi kɛ yá ankà ndɔ lɔ nɔn, nɛ́n mán nɛ̀n dɔ̀ le: “Và!” Ɔwrɔn léyi ɛnshi mùan-wù kɛ ẅɛ̀n nɔn, nɛ̀n và; Ɔwrɔn léyi ke ji ɔkɔrɛ shi nɔn, kɛ̀ cɔ́ ɔkɔrɛ shi lɔ ankora.

Ɔwɔ-mɛ̀n-yrikàn 22:17 Iomraidhean Croise

Zhan 1:37

Zhan sɛnkɛn-bɔ̀ anhyrɛ̀ lɔ yá ankà léyi nɛ́n dɔ̀ nɔn kɩ yɔ kɛ́n Zhezü esɛ̀n yɔ hɔ̀n.

Zhan 4:10

Zhezü mrɛ́n nɛ̀n ɔmùan le: “Ke dú kɛ è nyri eci léyi Ɔwɔ kɛ tán nɔn, kɩ è nyri ɔwrɔn léyi kɛ sán mɛ́n ɛnshi kè mì nɔn, vɛ́n de ɛ lɛ gɔ̀ sán nɛ̀n ɛnshi kɩ nɛ lɛ tán mɛ́n ɔkɔrɛ shi.”

Zhan 4:11

Ɛnnyɔnwrɔn lɔ kɛ dɔ́ nɛ̀n le: “Ankà-yé-wrɔn, è sɩ̀ ẅɛ̀n sonu, kɩ ovru lɔ mán vrɛ́n. Anwɔntan de ɛ lɛ hán, ô ɛ̀ cɔ́ ɔkɔrɛ shi nɛ́n?

Zhan 4:14

tɛ́n ɔwrɔn léyi ke le mi ɛnshi léyi mɛ lɛ tán nɛ̀n nɔn, ɛnshi mùanwù ke sɩ̀ vru ẅɛn nɛ̀n mrìmrì. Ɔmuhi, ɛnshi léyi mɛ lɛ tán nɛ̀n nɔn, kɛ lɛ srɔ ɛnshi-bɛ léyi ɛwúvà léyi ke sɩ̀ trɔa nɔn ke le dú nɛ̀n ɛmɛ̀n kɛ̀ gbɛ́ nɔn.”

Zhan 4:29

“Nyɛ́n và nyɛ́n nyan ɔwrɔn tɔ̀n léyi dɔ́ mɛ̀n m'eci lɔ fɛn léyi mɛ̀n hán nɔn. Nɛ́n de ne le dú Ebɩdie-wrɔn lɔ nɛ́n?”

Zhan 7:37

Ɛmɛẅi trɔ koran bì lɔ dú ɛnbì léyi ẅɛn vɔ̀nshɛ́ nɔn. Ɛnbì lɔ, Zhezü nyɔn fɛcüè zìwú kɛ dɔ́ ɔmùan-ɛwú-sɩ́emɛ̀n le: “Ke dú kɛ ɔwrɔn tɔ̀n ɛnshi muanwù kɛ ẅɛ̀n hô, nɛ̀n vá m'eyri ô nɛ̀n mi ɛnshi.

Rɔmɛ̀n-anmàn-bɔ̀ 3:24

Tɛ́n Ɔwɔ, n'ɛzrɔ lɔ mɛ̀n, kɛ hán yɔ, yɔ srɔ ɛnyrɔnnan-bɔ̀ n'ezìwú, ankora, Zhezü Krisì léyi kɛ mrɛ́n yɔ ɛgbàn mɛ̀n sɔhɔ́ nɔn n'ɛkruhú.

1 Korɛntɛ̀n anmàn-bɔ̀ 2:12

Bɔ́ tɛn, bɔ̀ sɩ̀ cɔ̀ ɛnhibù ndɔ lɔ n'ɛnhɛ́n; tɛ́n bɔ̀ cɔ́ ɛnhɛ́n léyi dú Ɔwɔ yri và nɔn, ô bɔ̀ nyri anvrɛn hɔ̀n léyi Ɔwɔ tán bɔ̀ nɔn.

Ɔwɔ-mɛ̀n-yrikàn 14:13

Zɛtɛn mɛ̀n yá anhobɩ́ sùva tɔ̀n kɛ dɔ́ mɛ̀n le: “È merɛ́n ankà ndɔ lɔ: ‘Ɛnbɔrɛbru dú anwrɔn hɔ̀n léyi zɛtɛ̀ lɔ ke wú Ɛẅɛnwrɔn ci-bɩ̀tan kɔ̀hɔ́n mɛ̀n nɔn!’ – ‘Hɛ̀ɛ̀, yɔ dú ɛnbɔrɛbruemɛ̀n, ɔmu lɔ de Ɛnhɛ́n kɛ dɔ̀ nɔn. Yɔ lɛ cɔ́ y'ɔkɔ̀hɔ̀n-shishi-hán wrɔncüe, ɔmuhi anvrɛn léyi yɔ hán nɔn, kɛ kɛ́n yɔ ɛsɛ̀n!’ ”

Ɔwɔ-mɛ̀n-yrikàn 2:7

Ke ji le ɔwrɔnwrɔn, ke dú kɛ nɛ̀n ẅɛn nukù hô, nɛ̀n yá ankà léyi Ɛnhɛ́n kɛ dɔ́ Ɔwɔ-fɛcüè-bɔ̀ nɔn! Anwrɔn hɔ̀n léyi kɛ kɔ́n kà nɔn, mɛ lɛ tán yɔ ɛcizî ɛwùvà-kɔrɛ̀ tɛ̀-ẅì hɔ̀n léyi dú Ɔwɔ kɛ̀tɛ̀ lɔ mɛ̀n nɔn.”

Ɔwɔ-mɛ̀n-yrikàn 21:2

Kɩ mɛ̀n kán anmàn prɔnprɔn, Zherüzalɛmɛ̀n wrù léyi Ɔwɔ yüre dú anhobɩ́ kakɛ, krɔn kpehɛ́n hán ɛncɔnwrɔn-hi léyi fi n'edomɛ̀n kɛ̀ hɔ́n nɛ́n cüì ɛsù nɔn.

Ɔwɔ-mɛ̀n-yrikàn 21:6

Kɩ nɛ dɔ̀ le: “Ɔmu lɔ de ndù nɔn! Mɛ̀n dú ɛnkrubɔmɛ̀n mán ɔtrɔmɛ̀n. Ɔwrɔn léyi ɛnshi-mùanwù kɛ ẅɛ̀n nɔn, mɛ lɛ tán nɛ̀n ɛnshi ne le mi ankora ɛwúvà-shi-bɛ́ mɛ̀n.

Ɔwɔ-mɛ̀n-yrikàn 21:9

Ɔwɔ-kùyüre-bɔ̀ ɔbɔ̀ɛn hɔ̀n léyi ɛmɛẅitrɔ gbán-hán-ci yɩ́ grashɛ̀n ɔbɔ̀ɛn dú antamɛ̀n nɔn, ɔtɔ̀n nvà kɛ dɔ́ mɛ̀n le: “Và kɩ me le yé mɛ́n eyiri-hi lɔ, Ɔwɔ Kɔ̀kɔ̀sɛ̀-ẅì hi lɔ.”

Ɔwɔ-mɛ̀n-yrikàn 22:1

Ɔwɔ-kùyüre-wrɔn lɔ vru yé mɛ̀n ɔkɔrɛ mancüè shi lɔ, kɛ gbrɛ́n kɛ hán obù ẅì fífí hɔ́, dú Ɔwɔ mán Ɔwɔ Kɔ̀kɔ̀sɛ̀-ẅì gbú-tòbù wú kɛ trɛ̀n,

Ɔwɔ-mɛ̀n-yrikàn 22:16

“Mɛ̀n Zhezü, mɛ̀n wá m'ɛkùyüre-wrɔn ɔkɔhɔ̀n kɛ̀ và kè yé eci ndɔ lɔ Ɔwɔ fɛcüè-bɔ̀ mɛ̀n. Mɛ̀n dú Davidɛ̀n mɛ̀n mɛ̀n mɛẅi-wrɔn, ɛcɛ̀n-dɔ̀gbɔ̀.”

Ɔwɔ-mɛ̀n-yrikàn 7:17

Ɔmuhi Ɔwɔ Kɔ̀kɔ̀sɛ̀-ẅì léyi nyɔn ɛgbú-tòbù wanzi nɔn, kɛ lɛ srɔ y'ɔkua-wrɔn, kɩ ke le sɩ́ yɔ ɔkɔrɛ shi-bɛ́ mùan mɛ̀n. Kɩ Ɔwɔ ke le wurɛn yɔ anvɛ-shi lɔ fɛn anvɛmɛ̀n.”