Ɔwɔ-mɛ̀n-yrikàn 22:16 - Ɛmɛẅi ankà ankrànkràn 2003

¹⁶ “Mɛ̀n Zhezü, mɛ̀n wá m'ɛkùyüre-wrɔn ɔkɔhɔ̀n kɛ̀ và kè yé eci ndɔ lɔ Ɔwɔ fɛcüè-bɔ̀ mɛ̀n. Mɛ̀n dú Davidɛ̀n mɛ̀n mɛ̀n mɛẅi-wrɔn, ɛcɛ̀n-dɔ̀gbɔ̀.”

Ɔwɔ-mɛ̀n-yrikàn 22:16 Iomraidhean Croise

Matie 1:1

Nyàn Zhezü Krisì nɛ́n nancüì hɔ̀n bi, nɛ́n léyi nɛ̀n dú Davidɛ̀n cokomɛ̀n-wrɔn hɩ Davidɛ̀n mumù mán dú Abrahamɛ̀n mɛ̀n mɛ̀n-wrɔn nɔn.

Matie 2:2

Yɔ yrɛ le: “Tɛyri de ɛnẅì léyi ye bî, hɩ ke le dú Zhüifɛ̀n-bɔ̀ nɛ̀ncüì nɔn ndù nɛ́n? Bɔ̀ kán n'okùcànkrò srɔ ɛmɛẅiemɛ̀n, hɩ kruhú de bɔ́ và, ô bɔ̀ cüe nɛ̀n ankɔ̀rɛ̀ ezìwúɛ nɔn.”

Matie 22:42

“Ankà tán de nye tro Ebɩdie-wrɔn lɔ wú nɛ́n? Antɔnwrɔn mɛẅi-wrɔn dú nɛ̀n?” Yɔ mrɛ́n nɛ̀n ɔmùan le: “Nɛ̀n dú Davidɛ̀n mɛẅi-wrɔn.”

Matie 22:45

Ke dú kɛ Davidɛ̀n ke bi nɛ̀n ‘Ɛẅɛnwrɔn’, anhɔntan de Ebɩdie-wrɔn ke vru ke dú Davidɛ̀n mɛẅi-wrɔn nɛ́n?”

Lükɛ̀n 1:78

B'Ɔwɔ lɔ dú ɛnbɔrɛ-wɔ̀ Wɔ, mán ɛcüɛ̀n Wɔ: nɛ lɛ hán ɛyri-kàn tɔ̀n ke le dú ɛwú kɛ lɛ gbrɛ́n ku bɔ̀ ɛwú, ke le dù kɛ lɛ cá ɛsɔrɔ bri yri-kàn hɔ́,

Lükɛ̀n 20:44

Zɛtɛn Davidɛ̀n ke bi nɛ̀n ‘Ɛẅɛnwrɔn’: Anhɔntan de Ebɩ̀die-wrɔn mán ke le dú Davidɛ̀n mɛẅi wrɔn nɛ́n?”

Rɔmɛ̀n-anmàn-bɔ̀ 15:12

Ezahi mán kɛ dɔ̀ le: “Zhese mɛẅi-wrɔn kɛ lɛ và, ne le tɔhú, ô nɛ̀n nyrɔn ɛnhi-wú anmàn hɔ̀n, kɩ fɛcüè hɔ̀n ke bɩ́ y'esɛ́ lɔ kɛ wá nɛ̀n ɛmɛ̀n.”

Rɔmɛ̀n-anmàn-bɔ̀ 9:5

Yɔ dú bɔ́ nancüì hɔ̀n mɛẅi-bɔ̀ kɩ Krisì léyi dú ɔwrɔnẅì mɛ̀n nɔn, dú yɔ fɛcüè lɔ mɛ̀n, nɛ́n léyi nɛ̀n dú eci lɔ fɛn wú nɔn, Ɔwɔ léyi dú ɛmrɛ́n mɛ̀n ɛnvra lɔ fɛn nɔn. Kè dú ɔmu lɔ.

2 Piɛrɛ̀n 1:19

Ɔmu lɔ de bɔ́ esɛ́ vru dú Ɔwɔ-mùan-ankà-dɔ́-bɔ̀ ankà-dɔ̀ lɔ wú nɔn. Zrɔ tán le nyɛ́n ẅɛn nukù nyɛ́n hɛ́n n'ɛwúɛ: nɛ́n dù nɛ̀n cá kɛniɛn tɔ̀n léyi kɛ gbrɛ́n ɛyri yɔwɔ mɛ̀n hàn kɩ ɛcɛ̀n kɛ kɛ̀n, kɩ ɔsɔwɔrɔ̀ kùcànkrò kɛ wá nyɛ̀n pɔpüɛ̀ ɛnbɔrɛmɛ̀n nɔn.

Ɔwɔ-mɛ̀n-yrikàn 1:1

Owrú ndɔ lɔ kɛ dɔ́ ɛyrikàn léyi Zhezü Krisì ncɔ̀ nɔn n'ankà. Ɔwɔ tán nɛ̀n ɛyrikàn ndɔ lɔ, ô nɛ̀n yé n'eci-bɩ̀tan bɔ̀ eci léyi kɛ lɛ wɔɛn ɛnvra bruemɛ̀n nɔn. Krisì wá n'ɛkùyüre-wrɔn ɔkɔ̀hɔ̀n Zhan yri, ô kɛ̀ tán nɛ̀n nɛ̀n nyri eci léyi kɛ lɛ wɔɛ̀n nɔn.

Ɔwɔ-mɛ̀n-yrikàn 1:11

esùva lɔ kɛ dɔ̀ le: “È merɛ́n owrú tɔ̀n mɛ̀n eci léyi ɛ kàn nɔn, ô, è bɩ́ owrú lɔ è yüre Ɔwɔ fɛcüè hɔ̀n ɔbɔ̀ɛn lɔ: Efɛzɛ̀n anmàn, Smirnɛ̀n anmàn, Pergamɛ̀n anmàn, Tiatirɛ̀n anmàn, Sardɛ̀n anmàn, Filadɛlfi mán Laodise anmàn.”

Ɔwɔ-mɛ̀n-yrikàn 1:4

Ebinyan ndɔ lɔ dú Zhan yri kɛ và, kè dú Ɔwɔ-fɛcüè ɔbɔ̀ɛn hɔ̀n léyi dú Azi kpɔsɔ wú nɔn tɛn: Nboafɔ̀n mán anwɔwɔ kè dú Ɔwɔ léyi ndù, ngo dù kɩ kɛ và nɔn, ne yri kɛ̀ và cɔ́ nyɛ̀n, kè dú anhɛ́n hɔ̀n ɔbɔ̀ɛn léyi nyɔn n'ɛgbú-tòbù zìwú, y'eyri kɛ̀ và cɔ́ nyɛ̀n,

Ɔwɔ-mɛ̀n-yrikàn 2:11

Ke ji le ɔwrɔnwrɔn, ke dú kɛ nɛ̀n ẅɛn nukù hô, nɛ̀n yá anvrɛnvrɛn ankà léyi Ɛnhɛ́n kɛ dɔ́ Ɔwɔ-fɛcüè-bɔ̀ nɔn! Anwrɔn hɔ̀n léyi kɛ lɛ kɔ̀nkà nɔn, yɔ sɩ̀ vru wú anhyrɛmɛ̀n wù lɔ.”

Ɔwɔ-mɛ̀n-yrikàn 2:17

Ke ji le ɔwrɔnwrɔn, ke dú kɛ nɛ̀n ẅɛn nukù hô, nɛ̀n yá anvrɛnvrɛn ankà léyi Ɛnhɛ́n kɛ dɔ́ Ɔwɔ-fɛcüè-bɔ̀ nɔn! Anwrɔn hɔ̀n léyi kɛ lɛ kɔ̀nkà nɔn, mɛ lɛ tán yɔ anhobɩ́ ci-zî léyi dú ɛbánmɛ̀n nɔn. Me le vru mɛ̀n tán ɔwrɔn zrizri y'ɛmɛ̀n lɔ, obùẅì wosù tɔ̀n léyi n'ɛwú lɔ ye merɛ́n ebi wrù tɔ̀n léyi ɔwrɔn zriɛmɛ́n kè sɩ̀ nyrìɛn, ke dú kɛ kè sɩ̀ dù ɔwrɔn léyi yɛ tán ebi lɔ nɔn.”

Ɔwɔ-mɛ̀n-yrikàn 2:7

Ke ji le ɔwrɔnwrɔn, ke dú kɛ nɛ̀n ẅɛn nukù hô, nɛ̀n yá ankà léyi Ɛnhɛ́n kɛ dɔ́ Ɔwɔ-fɛcüè-bɔ̀ nɔn! Anwrɔn hɔ̀n léyi kɛ kɔ́n kà nɔn, mɛ lɛ tán yɔ ɛcizî ɛwùvà-kɔrɛ̀ tɛ̀-ẅì hɔ̀n léyi dú Ɔwɔ kɛ̀tɛ̀ lɔ mɛ̀n nɔn.”

Ɔwɔ-mɛ̀n-yrikàn 22:1

Ɔwɔ-kùyüre-wrɔn lɔ vru yé mɛ̀n ɔkɔrɛ mancüè shi lɔ, kɛ gbrɛ́n kɛ hán obù ẅì fífí hɔ́, dú Ɔwɔ mán Ɔwɔ Kɔ̀kɔ̀sɛ̀-ẅì gbú-tòbù wú kɛ trɛ̀n,

Ɔwɔ-mɛ̀n-yrikàn 22:11

Kɩ ɔwrɔn léyi dú eci-gbàngbàn-hán-wrɔn nɔn, nɛ̀n dù ɛmɛ̀n nɛ̀n hán eci-gbàngbàn, kɩ ɔwrɔn léyi dú nbrá mɛ̀n nɔn, nɛ̀n yɛ́ nbrá mɛ̀n; ɔwrɔn léyi dú prɔnprɔn nɔn, nɛ̀n nán esù nɛ́n hɔ́n ezì nɛ́n prɔnprɔn dù lɔ mɛ̀n.”

Ɔwɔ-mɛ̀n-yrikàn 22:20

Ɔwrɔn léyi ke dí annanwɔrɛ ankà ndɔ lɔ nɛ́n dalɛfuɛ nɔn, kɛ dɔ̀ le: “Hɛ̀ɛ̀, mɛ vá ɛnvra buriemɛ̀n!” Annanwɔrɛ mɛ̀n! Kè dú ɔmu lɔ! Và, Ɛẅɛnwrɔn Zhezü!

Ɔwɔ-mɛ̀n-yrikàn 22:6

Zɛtɛn Ɔwɔ-kùyüre-wrɔn kɛ dɔ́ mɛ̀n le: “Ankà-dɔ̀ ndɔ hɔ̀n lɔ dú annanwɔrɛ kɩ ẅɛn esɛ́. Kɩ Ɛẅɛnwrɔn Ɔwɔ léyi kɛ tán n'ɔmùan-wú-ankà-dɔ́-bɔ̀ ankà-nyrì nɔn, wá n'ɛkùyüre-wrɔn ɔkɔhɔ̀n kè yé n'eci-bɩtan-bɔ̀ eci léyi kɛ lɛ wɔɛn ɛnvra bruemɛ̀n nɔn.”

Ɔwɔ-mɛ̀n-yrikàn 3:13

Ke ji le ɔwrɔnwrɔn, ke dú kɛ nɛ̀n ẅɛn nukù hô, nɛ̀n yá anvrɛnvrɛn ankà léyi Ɛnhɛ́n kɛ dɔ́ Ɔwɔ-fɛcüè-bɔ̀ nɔn!”

Ɔwɔ-mɛ̀n-yrikàn 3:22

Ke ji le ɔwrɔnwrɔn, ke dú kɛ nɛ̀n ẅɛn nukù hô, nɛ̀n yá anvrɛnvrɛn ankà léyi Ɛnhɛ́n kɛ dɔ́ Ɔwɔ fɛcüè-bɔ̀ nɔn!”

Ɔwɔ-mɛ̀n-yrikàn 3:6

Ke ji le ɔwrɔnwrɔn ke dú kɛ nɛ̀n ẅɛn nukù hô, nɛ̀n yá anvrɛnvrɛn ankà léyi Ɛnhɛ́n kɛ dɔ́ Ɔwɔ fɛcüè-bɔ̀ nɔn!”

Ɔwɔ-mɛ̀n-yrikàn 5:5

Zɛtɛn ɛcüìcüì-bɔ̀ lɔ, ɔtɔ̀n kɛ dɔ́ mɛ̀n le: “E bɩ́ wú eyú. Ɛ̀ nyan: Zhüda mɛ̀n mɛ̀n gɔ̀ngɔsɔvɛ̀ lɔ, ɛnnɛncüi Davidɛ̀n mɛẅi wrɔn, nɛ́n kɔ́nkà; nɛ lɛ bɔyɛ ɛci-tɔn-ci ɔbɔɛ̀n hɔ̀n lɔ tɛ̀, kɩ ne le vuru owrú lɔ.”