Ɔwɔ-mɛ̀n-yrikàn 22:15 - Ɛmɛẅi ankà ankrànkràn 2003

¹⁵ Tɛ́n yɔ le dú anmàn mɛẅi, ɛci-propromɛ̀n-hán-bɔ̀, yɔ hɔ̀n léyi kɛ hán seke-kɔ̀hɔ̀n, anwrɔn hɔ̀n léyi kɛ hán eci-gbàngbàn-kɔ̀hɔ̀n, anwrɔn-wrì-bɔ̀, anhyɔ̀n-wɔ-sɛ́n-bɔ̀ mán anwrɔn hɔ̀n léyi kɛ cüɛn ɛyɔ̀n-ankà-dɔ̀ mán n'ɔkɔ̀hɔ̀n-hán nɔn!

Ɔwɔ-mɛ̀n-yrikàn 22:15 Iomraidhean Croise

Matie 7:6

Nyɛ́n bɩ́ tán ɛnlɛ̀tù hɔ̀n eci léyi dú prɔnprɔn nɔn, ô kɛ wá tán yɔ, yɔ crɛ ezì yɔ kɛ́n nyɛ̀n, yɔ krá nyɛ̀n ɛnnyî. Nyɛ́n bɩ́ tecüe ny'anbɔ̀nmɛ̀n-ci gbrokò hɔ̀n zìwú, kɛ hán tán yɔ nán esù ɛwú.”

Matie 8:12

Tɛ́n anwrɔn léyi dú Anhobɩ́ nɛ̀ncüì-dúyri-bɔ̀ nɔn, yɛ lɛ kɔ́n yɔ cüe ɛntrɛa, ɛyri yɔwɔ mɛ̀n, nanvrɛn lɔ de yɔ le dú eyuwúemɛ̀n mán ɛnnyî-rá mɛ̀n nɔn.”

Zhan 8:46

Ny'ɛmɛ̀n lɔ antɔn de ke le yé tɛ̀ le mɛ́n hán ɛgbàn nɛ́n? Kɩ ke dú kɛ mɛ dɔ́ ankà annanwɔrɛ, cɛci kruhú kɛ nyɛ́n sɩ́ bú m'ankà nyɛ́n tán ankaẅìɛ?

Ɔkɔ̀hɔ̀n-wá-bɔ̀ kɔ̀hɔ̀n hán 8:11

Yɔ ẅɛn n'ɔbɔ̀sɔ̀ bobrebe, ɔmuhi ɛnvra sheshemɛ̀n de nɛ hán anvɛmɛ̀n-frɛ́n-ci seke mɛ̀n ne yé yɔ nɔn.

Filipɛ̀n anmàn-bɔ̀ 3:2

Nyɛ́n wá ny'edomɛ̀n esùva anwrɔn hɔ̀n léyi kɛ hán eci gbàngbàn nɔn y'ɛtɛ̀sɛ̀n; ɛnlɛtù ndɔ hɔ̀n lɔ, yɔ hɔ̀n léyi yɔ dú ɛyɔ̀n-bɔ̀ wúcɔ̀-dòmɛ̀n-wì ankà wú!

Kɔlɔsèn anmàn-bɔ̀ 3:6

Ɛgbàn ndɔ hɔ̀n lɔ de ke sɩ́ Ɔwɔ mɛ̀nhyì-bɩ̀ ku anwrɔn hɔ̀n léyi kɛ kɛ́n nɛ̀n ezì nɔn ɛwú.

Kpàkpà timote 1:10

kè dú ɛwúvà gbàngbàn-ẅɛn-bɔ̀, wúcɔ̀ hɔ̀n léyi ke dɛ́ y'edomɛ̀n, anwrɔn hɛ́-bɔ̀, anhyɔ̀n-bɔ̀ mán anwrɔn hɔ̀n léyi kɛ wá ɛyɔ̀n mùan, mán anwrɔn hɔ̀n léyi kɛ hán eci nyantɛn kɛ kɛ́n ankà-yé annanwɔrɛ ezì nɔn tɛn.

Ɔwɔ-mɛ̀n-yrikàn 18:23

Kèniɛn hyà ke sɩ̀ vru kán ɛyri mrìmrì v'ebɩ́ lɔ mɛ̀n. Ye sɩ̀ vru yá eyiri-bɔ̀ ɔmùan. V'anhàn-zhrɛ-bɔ̀ ẅɛn vɔ̀nshɛ́ ɛnhibù mumù lɔ fɛn wú, kɩ vɛ́n seke-kɔ̀hɔ̀n-hán mɛ̀n lɔ, ɛ̀ zrɛ́n fɛcüè hɔ̀n lɔ fɛn.”

Ɔwɔ-mɛ̀n-yrikàn 21:27

Tɛ́n ɛnbrá-ci zriɛmɛ́n ke sɩ̀ bru anmàn ndɔ lɔ mɛ̀n, ɔwrɔn léyi kɛ hán ɛci-promɛ̀n mán ɛyɔ̀n kɔ̀hɔ̀n nɔn. Yɔ léyi ye merɛ́n y'ebi ɔkɔrɛ-wrú léyi dú Ɔwɔ-Kɔ̀kɔ̀sɛ̀-ẅì lɔ tɛn nɔn, yɔ zri kɩ yɔ le bru anmàn ndɔ lɔ mɛ̀n.

Ɔwɔ-mɛ̀n-yrikàn 21:8

Zɛtɛn, nyɛ́n anbrá-di-bɔ̀, anmùan-anhyrɛ̀-dí-bɔ̀, ɛci-gbàngbàn-hán-bɔ̀, anwrɔn-wri-bɔ̀, ɛci-gbangbàn-kɔ̀hɔ̀n-hán-bɔ̀, seke-kɔ̀hɔ̀n-hán-bɔ̀, antɛ̀buri-sɛ́n-bɔ̀ mán anhyɔ̀n-bɔ̀ lɔ fɛn, ny'ɛyri dú ɛnhyà-ẅì nɛ́nbà lɔ mɛ̀n, nɛ́n de nɛ̀n dú anhyrɛmɛ̀n wù lɔ nɔn.”