Ɔwɔ-mɛ̀n-yrikàn 22:11 - Ɛmɛẅi ankà ankrànkràn 2003

¹¹ Kɩ ɔwrɔn léyi dú eci-gbàngbàn-hán-wrɔn nɔn, nɛ̀n dù ɛmɛ̀n nɛ̀n hán eci-gbàngbàn, kɩ ɔwrɔn léyi dú nbrá mɛ̀n nɔn, nɛ̀n yɛ́ nbrá mɛ̀n; ɔwrɔn léyi dú prɔnprɔn nɔn, nɛ̀n nán esù nɛ́n hɔ́n ezì nɛ́n prɔnprɔn dù lɔ mɛ̀n.”

Ɔwɔ-mɛ̀n-yrikàn 22:11 Iomraidhean Croise

Matie 15:14

Nyɛ́n teze yɔ: yɔ dú anvɛ̀-bɔyɛ-bɔ̀ kɔrɛ̀-ẅɛn-bɔ̀! Kɩ ke dú kɛ anvɛ̀-bɔyɛ-wrɔn tɔ̀n kɛ ẅɛn nɛ́n nyran anvɛ̀-bɔyɛ-wrɔn tɔ̀n ɛkɔrɛ̀ hô, anvɛ̀-bɔyɛ-bɔ̀ anhyrɛ̀ lɔ ke lɛ ku ɛnnànmàn mɛ̀n.”

Matie 21:19

Nɛ̀n kán ɛẅì-shi-tɛ̀ tɔ̀n léyi ye bi figie nɔn ɛnlevri mùan kɩ nɛ́n sɔnba yi ɛtɛ̀sɛ̀n, tɛ́n ɛẅi sà kɩ dú nɛ̀n ɛwú. Zɛtɛn Zhezü kɛ dɔ́ ɛẅì-shi-tɛ̀ lɔ le: “E sɩ̀ vru shi ɛẅì mrìmrì!” Ɛnvra zri lɔ ɛẅì-shi-tɛ̀ lɔ wrú.

Matie 25:10

Ɔbrɔ̀sà wúyɔ̀-ẅì hɔ̀n lɔ hɔ́n ɛnzhì wɔ́ yri kɩ ɛnnyɔnwrɔn-nɛ́n-cüì nvà. Wúyɔ̀ ɛnrì ndɔ hɔ̀n léyi ɛnzhì dú kɛniɛn mɛ̀n nɔn, yɔ mán ɛnnyɔnwrɔn-nɛ́n-cüì mɛhi, yɔ bru eyri-wɔn lɔ mɛ̀n kɩ yɛ sɛ́n esù safɛ̀ mɛ̀n.

Matie 5:45

ô nyɛ́n srɔ nyɛ́n Zi léyi dú anhobɩ́ nɔn n'ɛẅì hɔ̀n. Ɔmuhi nɛ hán n'ɛnbri ke di ku anwrɔn gbàngbàn mán ankrànkràn ɛwú nɔn, nɛ hán ɛnshi kɛ nán ku angbàngbàn mán ankrànkràn ɛwú nɔn.

Matie 5:6

Ɛnbɔrɛbru dú anwrɔn léyi Ɔwɔ kɔrɛ̀zì-ci-hán ke wrú ɛnhyà y'ɛnbɔrɛ lɔ mɛ̀n, ɔmuhi Ɔwɔ kɛ lɛ wá y'ɛnbɔrɛ lɔ mɛ̀n, n'ɛkɔrɛ̀zì-ci-hán ndɔ lɔ kokrohô nɔn!

Zhan 8:21

Zhezü vru kɛ dɔ́ yɔ le: “Mɛ lɛ hɔ̀n kɩ nye le ji mɛ̀n, tɛ́n nye le wú ny'ɛgbàn lɔ mɛ̀n. Nye sɩ̀ hɔ́n ɛyri léyi mɛ hɔ̀n nɔn rɔ́.”

Efɛzɛ̀n anmàn-bɔ̀ 5:27

nɛ̀n ji nɛ̀n bɩ́, nɛ́n dúku n'edòmɛ̀n fì lɔ nɛ̀n yé Ɔwɔ-fɛcüè, efi léyi ɛnbrá-ci mán eci-fɔ́n-ci zriɛmɛ́n bàda nɛ́n nmù sá lɔ mɛ̀n.

Kɔlɔsèn anmàn-bɔ̀ 1:22

Tɛ́n zɛtɛ̀ lɔ, owù léyi n'Ɛnẅì cɔ́ n'edùwrú-ẅia mɛ̀n nɔn, hɩ mɛ̀n de Ɔwɔ wɔ́ nyɛ́n mán nɛ́n mɛhi angranmɛ̀n, ô nɛ̀n hán nyɛ̀n, nyɛ́n srɔ n'ezìwú prɔnprɔn mɛ̀n, ɛfifiemɛ̀n, ye bɩ́ cɔ́ ankà-gbàn zriɛmɛ́n ny'ɛwú.

Anhyrɛmɛ̀n timote 3:13

Tɛ́n anbɔrɛ-bɔ̀ mán anhyɔ̀n-bɔ̀ kɛ lɛ hɔ́n esù she y'eci-gbàngbàn hán mɛ̀n, yɔ lɛ frɛ́n anwrɔn ndɔ hɔ̀n kɩ yɔ mán yɔ lɛ frɛ́n yɔ.

Zhüdɛ̀n 1:24

Ɔwrɔn léyi kɛ lɛ wá nyɛ̀n ɛkɔrɛ̀ ebore mɛ̀n, ô kɛ̀ hán nyɛ̀n nyɛ́n dú ɛfifiemɛ̀n nyɛ́n srɔ pɔpüɛ̀ vriemɛ̀n n'eci-zrɔ zìwú nɔn,

Ɔwɔ-mɛ̀n-yrikàn 16:21

Ɛnshi ẅian srɔnsrɔn vri dú anhobɩ́ ku anwrɔnẅì ɛwú. Kɩ anwrɔnẅi kɛ wora Ɔwɔ n'ɛgban-hán-ci hɔ̀n léyi dú ɛnshi ẅian lɔ nɔn kruhú, ɔmuhi nɛ̀n dú ɛgbàn-hán-ci shishi tɔ̀n nɔn.

Ɔwɔ-mɛ̀n-yrikàn 22:3

Ɔwɔ-ẅiɛ̀-dà ke sɩ̀ vru dú eci zriɛmɛ́n wúɛ. Ɔwɔ mán Ɔwɔ-Kɔ̀kɔ̀sɛ̀-ẅì gbú-tòbù ke le dú anmàn lɔ mɛ̀n, kɩ Ɔwɔ-ci-bɩtan-bɔ̀ ke le cüe nɛ̀n ankɔrɛ̀ ezìwúɛ.