Ɔwɔ-mɛ̀n-yrikàn 22:10 - Ɛmɛẅi ankà ankrànkràn 2003

¹⁰ Zɛtɛn nɛ dɔ́ mɛ̀n le: “E bɩ́ tɛhɛ́n ɛbánmɛ̀n Ɔwɔ-mùan-wú-ankà-dɔ̀ hɔ̀n léyi dú owrú ndɔ lɔ mɛ̀n nɔn, ɔmuhi ɛci ndɔ hɔ̀n lɔ, y'ɛnvra léyi yɛ wá nɔn, kɛ́n eburi.

Ɔwɔ-mɛ̀n-yrikàn 22:10 Iomraidhean Croise

Matie 10:27

Ankà léyi mɛ dɔ́ nyɛ̀n ɛnẅìemɛ̀n nɔn nyɛ́n dɔ́ nɛ̀n ɛcɛ̀n pupu mɛ̀n; kɩ ankà léyi yɛ yá ɛshremɛ̀n nɔn, nyɛ́n di bobo nyɛ́n dɔ́ nɛ̀n ɔwɔn wú.

Rɔmɛ̀n-anmàn-bɔ̀ 13:11

Nyɛ́n ẅɛn ankà ndɔ lɔ ɛshishiemɛ̀n nyɛ́n hɛ́n hán ɔmu le nyɛ́n nyri ɛnvra léyi bɔ̀ dú ɛmɛ̀n nɔn: Ɛnvra léyi ke ji, ô nyɛ́n dú ɛndà dá mɛ̀n nyɛ́n tɔhú nɔn, ncɔ̀a. Annànwɔrɛ mɛ̀n lɔ, ɛnkru-kɔrɛ̀ bá bɔ̀ ɛtɛ̀sɛ̀n zɛtɛ̀ lɔ, vrán ɛnvra léyi bɔ̀ bukru bɔ́ ẅɛn ankàẅì-bùtan nɔn.

Rɔmɛ̀n-anmàn-bɔ̀ 13:12

Ɛnnyran gɔ̀n bru ɛmɛ̀n, ɛcɛ̀n bá ɛtɛ̀sɛ̀n. Bɔ́ teze zɛtɛn eci-hán-ci hɔ̀n léyi yɛ hán ɛyri-yɔwɔ mɛ̀n nɔn, ô bɔ̀ bɩ́ anhà-kɔ́n-ci léyi yɛ wá edomɛ̀n ɛcɛ̀n yrikan mɛ̀n nɔn.

2 Tesalonikɛ̀n anmàn-bɔ̀ 2:3

Eci zriɛmɛ́n mán mɛ̀n, nyɛ́n bɩ́ teze ɔwrɔn zriɛmɛ́n kɛ frɛ́n nyɛ̀n. Ɔmuhi ɛnbì ndɔ lɔ ke sɩ̀ và ke dú kɛ Ɛmɛẅitrɔ zìkɛ̀n ankà lɔ mán anbɔrɛ ci-hán-wrɔn kɛ vá srɔ, nɛ́n léyi nɛ́n dú ɛjrɛ́ tɛn nɔn.

1 Piɛrɛ̀n 4:7

Ɛci hɔ̀n lɔ fɛn y'ɔtrɔ vra bá ɛtɛ̀sɛ̀n: Zɛtɛn nyɛ́n dú ɛnkruemɛ̀n-ẅɛ̀n wúvà mɛ̀n, ɛnhɛ́n kè dú nyɛ̀n ɛvɛ̀ kpriemɛ̀n, ô nyɛ́n cɔ́ Ɔwɔ-sɛ́n yri.

Ɔwɔ-mɛ̀n-yrikàn 1:11

esùva lɔ kɛ dɔ̀ le: “È merɛ́n owrú tɔ̀n mɛ̀n eci léyi ɛ kàn nɔn, ô, è bɩ́ owrú lɔ è yüre Ɔwɔ fɛcüè hɔ̀n ɔbɔ̀ɛn lɔ: Efɛzɛ̀n anmàn, Smirnɛ̀n anmàn, Pergamɛ̀n anmàn, Tiatirɛ̀n anmàn, Sardɛ̀n anmàn, Filadɛlfi mán Laodise anmàn.”

Ɔwɔ-mɛ̀n-yrikàn 1:3

Ɛnbɔrɛbru dú ɔwrɔn léyi kɛ krɛ́ owrú ndɔ lɔ nɔn tɛn, ɛnbɔrɛbru dú anwrɔn hɔ̀n léyi ke díe Ɔwɔ-mùanwú-ankà-dɔ̀ ndɔ lɔ nukùɛ, kɩ kɛ ẅɛn eci léyi ye merɛ́n nɔn n'ankà ɛshishiemɛ̀n kɛ hɛ́n nɔn tɛn! Ɔmuhi ɛnvra léyi yɛ wá ô ɛci hɔ̀n lɔ kɛ̀ hán nɔn, kɛ́n eburiɛ.

Ɔwɔ-mɛ̀n-yrikàn 10:4

Mɛ vá ankà léyi nɛ́n dɔ̀ nɔn e merɛ́n yri, tɛ́n mɛ̀n yá esùva tɔ̀n dú anhobɩ́ kɛ tán mɛ̀n ɛnyanmàn ndɔ lɔ: “Ɛwú kù-dì ɔbɔ̀ɛn mɛẅi ankà lɔ, kè dú v'ankà bán ankà; e bɩ́ merɛ́n nɛ̀n.”

Ɔwɔ-mɛ̀n-yrikàn 22:16

“Mɛ̀n Zhezü, mɛ̀n wá m'ɛkùyüre-wrɔn ɔkɔhɔ̀n kɛ̀ và kè yé eci ndɔ lɔ Ɔwɔ fɛcüè-bɔ̀ mɛ̀n. Mɛ̀n dú Davidɛ̀n mɛ̀n mɛ̀n mɛẅi-wrɔn, ɛcɛ̀n-dɔ̀gbɔ̀.”

Ɔwɔ-mɛ̀n-yrikàn 22:18

Mɛ̀n Zhan, me yüre m'ankà-bi-dɔ̀ ɔmùan-ɛwú-siemɛ̀n mɛ tán ɔwrɔn totɔtɔ̀n léyi kɛ yá Ɔwɔ-mùan-ankà léyi dú owrú ndɔ lɔ mɛ̀n nɔn: Ke dú kɛ Ɔwrɔn tɔ̀n ke dí ankà zri ɛmɛ̀n, Ɔwɔ ke le dí n'ɛwúvà lɔ mɛ̀n ɛgbàn-hán-ci hɔ̀n léyi yɛ dɔ́ n'ankà owrú ndɔ lɔ mɛ̀n nɔn.

Ɔwɔ-mɛ̀n-yrikàn 22:20

Ɔwrɔn léyi ke dí annanwɔrɛ ankà ndɔ lɔ nɛ́n dalɛfuɛ nɔn, kɛ dɔ̀ le: “Hɛ̀ɛ̀, mɛ vá ɛnvra buriemɛ̀n!” Annanwɔrɛ mɛ̀n! Kè dú ɔmu lɔ! Và, Ɛẅɛnwrɔn Zhezü!

Ɔwɔ-mɛ̀n-yrikàn 22:7

“Zhezü kɛ dɔ̀ le, è die nukù, mɛ vá ɛnvra bruemɛ̀n! Ɛnbɔrɛbru dú anwrɔn hɔ̀n léyi ke bɩ́ ɛshishiemɛ̀n Ɔwɔ-mùan-wú-ankà-dɔ̀ léyi dú owrú ndɔ lɔ mɛ̀n nɔn tɛ́n!”

Ɔwɔ-mɛ̀n-yrikàn 22:9

Tɛ́n nɛ dɔ́ mɛ̀n le: “E bɩ́ hán eci ndɔ lɔ! Mɛ̀n dú eci-bɩtan-wrɔn tɔ̀n hán vɛ́n hɔ́, hán ɔmuan-ẅì hɔ̀n Ɔwɔ-mùan-wú-ankà-dɔ̀-bɔ̀, kɩ hán anwrɔn hɔ̀n lɔ fɛn léyi kɛ ẅɛn ɛshishiemɛ̀n owrú ndɔ lɔ n'ankà-dɔ̀ hɔ̀n kɛ hɛ́n nɔn. Ɔwɔ de ke ji le è cüe ankɔrɛ̀ ezìwúɛ nɔn!”

Ɔwɔ-mɛ̀n-yrikàn 5:1

Mɛ̀n kán owrú tɔ̀n ye serɛ dú ɔwrɔn léyi yɛ́ ɛgbù-tòbù wú nɔn n'ezì-kɔrɛ̀ màn lɔ mɛ̀n; owrú zì anhyrɛ̀ lɔ wú ye merɛ́n eci kɩ yɛ sɛn owrú lɔ ɛyri dɛ̀n ɔbɔ̀ɛn.