Ɔwɔ-mɛ̀n-yrikàn 21:4 - Ɛmɛẅi ankà ankrànkràn 2003

⁴ Ne le wurɛn y'anvɛ-shi lɔ fɛn. Owù ke sɩ̀ vru dùɛ, ɛbrà ke sɩ̀ vru dùɛ, obòtò ke sɩ̀ vru dùɛ, ɛgbànkàn ke sɩ̀ vru dùɛ. Annanwɔrɛ mɛ̀n lɔ ɛnbiɛhɛ́n-ci hɔ̀n lɔ kɛ lɛ zrɛ́n.”

Ɔwɔ-mɛ̀n-yrikàn 21:4 Iomraidhean Croise

Matie 24:35

Anhobɩ́ mán ɛnhibù kɛ lɛ vàcì, tɛ́n m'ɔmùan ankà-dɔ̀ ke sɩ̀ vàcí mrìmrì.”

1 Korɛntɛ̀n anmàn-bɔ̀ 15:26

Ɛmɛẅitrɔ gbri-wrɔn léyi yɛ lɛ jrɛ́ nɔn dú owù.

1 Korɛntɛ̀n anmàn-bɔ̀ 7:31

anwrɔn hɔ̀n léyi kɛ cɔ́ ɛnu ɛnhibù wú anvrɛn hɔ̀n lɔ nɔn, kè dù kɛ̀ hán le yɔ sɩ́ cɔ́ anvrɛn hɔ̀n lɔ. Ɔmuhi, ɛnhibù ndɔ lɔ, ɔmu le nɛ̀n hán nɛ́n dù nɔn, nɛ́n sɩ̀ vru mɔɛ̀n nɛ̀n dú ɛnvra sheshe hɛ.

2 Korɛntɛ̀n anmàn-bɔ̀ 5:17

Ɛnvra léyi ɔwrɔn tɔ̀n ke dú Krisì bɔ̀sɔ̀ lɔ mɛ̀n, ne dú ɔwrɔn wrù: eci gbànvri lɔ kɛ zrɛ́n, eci wrù lɔ ke dù.

2 Korɛntɛ̀n anmàn-bɔ̀ 6:17

Hɩ le kruhú de, Ɛẅɛnwrɔn kɛ dɔ̀ le: “Ke ji le nyɛ́n teze yɔ, ô nyɛ́n cɔhɔ́ y'anwanzi. Nyɛ́n bɩ́ tɛ́ ɛnbrá mɛ̀n ci zriɛmɛ́n ɛkɔrɛ̀, kɩ mɛ̀n, me le bɩ́ nyɛ̀n.

Ebre-bɔ̀ 12:27

Ankà-dɔ̀ hɔ̀n léyi dú “Me le vru, ɛdɛ̀n zri” ke yé le ɛci hɔ̀n lɔ fɛn léyi yɛ hán nɔn, yɛ lɛ jɔ̀kɔ yɔ kɩ, yɔ lɛ vàcì, ô eci léyi ye sɩ̀ jɔ̀kɔ̀ rɔ́ nɔn kè dù.

2 Piɛrɛ̀n 3:10

Tɛ́n Ɛẅɛnwrɔn bì lɔ kɛ lɛ và kɛ lɛ hán ɛci-yerɛ-wrɔn hɔ́. Hɩ vra lɔ anhobɩ́ kɛ lɛ vàcí ɛjɔ̀kɔ mɛ̀n mán ɛnjansù vriemɛ̀n, ɛnhyà kɛ lɛ jrɛ́ anhobɩ́ dùwru hɔ̀n lɔ, ɛnhi mán n'ɛci hɔ̀n lɔ fɛn léyi dú nɛ̀n ɛmɛ̀n nɔn, ke sɩ̀ vru dùɛ.

1 Zhan 2:17

Ɛnhibù dú ɛvàciemɛ̀n, nɛ́n mán ɛci hɔ̀n lɔ fɛn léyi anwrɔnẅì kɛ cüɛ̀n nɔn; tɛ́n ɔwrɔn léyi kɛ hán Ɔwɔ kɔrɛ̀zì-ci nɔn, nɛ̀n dú ɛwúvà mɛ̀n ɛnvra lɔ fɛn.

Ɔwɔ-mɛ̀n-yrikàn 20:13

Ecüe tán owú-bɔ̀ hɔ̀n léyi nɛ́n bɩ nɔn. Owù mán owú-bɔ̀-hibù, yɔ mán yɔ tán y'owú-bɔ̀. Kɩ yɔ lɛ fɛn ye ci yɔ ɛmrɛ̀n eci léyi yɔ hán nɔn hɩ wú.

Ɔwɔ-mɛ̀n-yrikàn 20:14

Owù mán owú-bɔ̀-hibù, yɔ lɔ fɛn yɛ kɔ́n yɔ ku ɛnhyà-ẅì nɛnbà lɔ mɛ̀n. Nɛ́nbà ndɔ lɔ dú anhyrɛmɛ̀n wù.

Ɔwɔ-mɛ̀n-yrikàn 21:1

Zɛtɛn mɛ̀n kán anhobɩ́ wrù tɔ̀n mán ɛnhi wrù tɔn. Ɛnvrakpà hobɩ́ mán ɛnvrakpà hi cɔ́wá kɩ ecüe ke sɩ̀ vrù dùɛ.

Ɔwɔ-mɛ̀n-yrikàn 22:3

Ɔwɔ-ẅiɛ̀-dà ke sɩ̀ vru dú eci zriɛmɛ́n wúɛ. Ɔwɔ mán Ɔwɔ-Kɔ̀kɔ̀sɛ̀-ẅì gbú-tòbù ke le dú anmàn lɔ mɛ̀n, kɩ Ɔwɔ-ci-bɩtan-bɔ̀ ke le cüe nɛ̀n ankɔrɛ̀ ezìwúɛ.

Ɔwɔ-mɛ̀n-yrikàn 7:17

Ɔmuhi Ɔwɔ Kɔ̀kɔ̀sɛ̀-ẅì léyi nyɔn ɛgbú-tòbù wanzi nɔn, kɛ lɛ srɔ y'ɔkua-wrɔn, kɩ ke le sɩ́ yɔ ɔkɔrɛ shi-bɛ́ mùan mɛ̀n. Kɩ Ɔwɔ ke le wurɛn yɔ anvɛ-shi lɔ fɛn anvɛmɛ̀n.”