Ɔwɔ-mɛ̀n-yrikàn 21:3 - Ɛmɛẅi ankà ankrànkràn 2003

³ Mɛ̀n yá esùva cüìcüì tɔ̀n dú ɛgbú-tòbù wú kɛ và kɩ kɛ dɔ̀ le: “Zɛtɛ̀ lɔ Ɔwɔ-dúyri dú anwrɔnẅiemɛ̀n! Nɛ́n mán yɔ mɛhi yɔ le dù kɩ yɔ lɛ srɔ nɛ́n fɛcüè-bɔ̀. Ɔwɔ dùku mán ke le dú yɔ ɛmɛ̀n, ne le dú y'Ɔwɔ.

Ɔwɔ-mɛ̀n-yrikàn 21:3 Iomraidhean Croise

Zhan 1:14

Ɔwrɔn léyi dú ankà-dɔ̀ nɔn srɔ ɔwrɔnẅì kɩ vá dú bɔ̀ ɛmɛ̀n, nboafɔ̀n mán annanwɔrɛ yɩ́ nɛ̀n ɛmɛ̀n. Bɔ̀ kán n'eci-zrɔ, eci-zrɔ léyi Ɛnẅì zri kpokpo kɛ cɔ́ nɛ́n zi yri nɔn.

Zhan 14:23

Zhezü mrɛ́n nɛ̀n ɔmùan le: “Ɔwrɔn léyi kɛ cüɛn mɛ̀n nɔn, nɛ lɛ wá m'ɔmùan ankà-dɔ̀. Dade kɛ lɛ cüɛn nɛ̀n, kɩ Dade mán mɛ̀n, bɔ́ lɛ vá n'eyri, kɩ bɔ́ le sɔ́n ebɩ́ n'ebɩ́ lɔ mɛ̀n.

2 Korɛntɛ̀n anmàn-bɔ̀ 6:16

Ɔmùan-krɔn tán de ke le dú Ɔwɔ-cice-wɔn mán antɛ̀-buri-Wɔ wɔn angranmɛ̀n nɛ́n? Ɔmuhi bɔ́ dùku bɔ̀ dú Ɔwɔ kɔrɛkɔrɛ lɔ n'ecice-wɔn, hán ɔmu le Ɔwɔ dùku dɔ̀ nɔn: “Me le dú yɔ ɛmɛ̀n, kɩ yɔ mɛhi bɔ́ lɛ nán esù, me le dú y'Ɔwɔ kɩ yɔ le dú mɛ́n fɛcüè.”

2 Korɛntɛ̀n anmàn-bɔ̀ 6:18

Me le dú nyɛ́n Zi tɔ̀n kɩ nye le dú m'ɛẅì hɔ̀n wúcɔ̀ mán wúyɔ̀, ɔmu lɔ de Ɛẅɛnwrɔn, ɛkɔrɛ̀-srɔn-wrɔn kɛ dɔ̀ nɔn.”

1 Tesalonikɛ̀n anmàn-bɔ̀ 3:11

Ke ji le Ɔwɔ dùku, bɔ Zi, mán bɔ́ Ɛẅɛnwrɔn Zhezü kè srú bɔ̀ ɛnlevri léyi kɛ hɔ́n ny'anmàn nɔn esù!

Ebre-bɔ̀ 11:16

Annanwɔrɛ mɛ̀n lɔ yɔ ji ɛnhi wú anmàn tɔ̀n léyi zrɔ nɔn, hɩ mɛ̀n kɛ dɔ̀ le, anhobɩ́ anmàn. Hɩ le kruhú de Ɔwɔ anvɛvrà ke sɩ́ ẅɛn hán, ɛnvra léyi ye bi nɛ̀n y'Ɔwɔ nɔn; annanwɔrɛ mɛ̀n lɔ, nɛ̀n hán edúyri anmàn tɔ̀n nɛ̀n hɛ́n yɔa.

Ebre-bɔ̀ 8:10

Ɛẅɛnwrɔn kɛ dɔ̀ le: Nyàn eci léyi ke le dú mìrɛ̀n léyi mɛ lɛ wá mɛ̀n mán Izraɛlɛ̀n fɛ̀cüe mɛhi b'angramɛ̀n ɛnbì hɔ̀n léyi kɛ và nɔn yɔmɛhi; Me le merɛ́n m'ɛnyanmàn hɔ̀n lɔ mɛ̀n wá y'ɛnkruemɛ̀n mán ɛnbɔrɛ mɛ̀n: me le dú y'Ɔwɔ kɩ yɔ le dú mɛ́n fɛcüè.

Ebre-bɔ̀ 8:2

Nɛ hán n'ɔkɔ̀hɔ̀n Ɔwɔ yri prɔnprɔn, hɩ mɛ̀n kɛ dɔ̀ le, dú ɛcasa-wɔn annanwɔrɛ léyi Ɛẅɛnwrɔn kù nɔn, hɩ kè sɩ̀ dù ɔwrɔnẅì kɔrɛ̀-ci nɔn.

Ɔwɔ-mɛ̀n-yrikàn 10:4

Mɛ vá ankà léyi nɛ́n dɔ̀ nɔn e merɛ́n yri, tɛ́n mɛ̀n yá esùva tɔ̀n dú anhobɩ́ kɛ tán mɛ̀n ɛnyanmàn ndɔ lɔ: “Ɛwú kù-dì ɔbɔ̀ɛn mɛẅi ankà lɔ, kè dú v'ankà bán ankà; e bɩ́ merɛ́n nɛ̀n.”

Ɔwɔ-mɛ̀n-yrikàn 10:8

Zɛtɛn esùva léyi mɛ́n gɔ̀ yá dú anhobɩ́ nvà nɔn, vru kɛ dɔ́ mɛ̀n ankà ndɔ lɔ: “Ɛ̀ hɔ̀n bɩ́ owrú cɛ léyi ye vuru dú Ɔwɔ-kùyüre-wrɔn antamɛ̀n, nɛ́n léyi nɛ̀n nyɔn ɛwú ecüemɛ̀n mán ɛnhi wú nɔn.”

Ɔwɔ-mɛ̀n-yrikàn 12:10

Zɛtɛn mɛ̀n yá esùva cüìcüì tɔ̀n dú anhobɩ́ kɛ dɔ̀ le: “Zɛtɛ̀ lɔ ɛnkrukɔrɛ̀ vra ncɔ̀a! Zɛtɛ̀ lɔ b'Ɔwɔ lɔ yé n'ɛkɔrɛ̀srɔn mán n'ɛyri-ẅɛ̀n! Zɛtɛ̀ lɔ ɛkɔrɛlevri dú n'Ebɩdie-wrɔn antamɛ̀n. Ɔmuhi ye dú anhobɩ́ yɛ kɔ́n nɛ̀n ze, nɛ́n léyi nɛ ẅɛn ɛyɔ̀n tán bɔ́ muan-ẅì hɔ̀n, ɛnnyran mán ɛcɛ̀n b'Ɔwɔ zìwú nɔn.

Ɔwɔ-mɛ̀n-yrikàn 21:7

Ɔwrɔn totɔtɔ̀n léyi kɛ lɛ kɔ̀nkà nɔn, nɛ lɛ cɔ́ m'antamɛ̀n ecice ndɔ lɔ; me le dú n'Ɔwɔ, kɩ ne le dú m'ɛnẅì.

Ɔwɔ-mɛ̀n-yrikàn 22:3

Ɔwɔ-ẅiɛ̀-dà ke sɩ̀ vru dú eci zriɛmɛ́n wúɛ. Ɔwɔ mán Ɔwɔ-Kɔ̀kɔ̀sɛ̀-ẅì gbú-tòbù ke le dú anmàn lɔ mɛ̀n, kɩ Ɔwɔ-ci-bɩtan-bɔ̀ ke le cüe nɛ̀n ankɔrɛ̀ ezìwúɛ.

Ɔwɔ-mɛ̀n-yrikàn 7:15

Hɩ le kruhú de yɔ nyɔn Ɔwɔ gbú-tòbù zìwú kɩ yɔ sɛ́n nɛ̀n ɛnnyran mán ɛcɛ̀n, n'ecice wɔn lɔ mɛ̀n. Ɔwrɔn léyi yɛ́ ɛgbútòbù wú nɔn, kɛ lɛ wá yɔ esùva.