Ɔwɔ-mɛ̀n-yrikàn 21:23 - Ɛmɛẅi ankà ankrànkràn 2003

²³ Anmàn lɔ ke sɩ́ ji ɛnbrí mán okù, ô kɛ̀ tán nɛ̀n ɛyrikàn, ɔmuhi Ɔwɔ-ci-zrɔ lɔ kɛ gbrɛ́n ku nɛ̀n ɛwú kɩ Ɔwɔ-Kɔ̀kɔ̀sɛ̀-ẅì dú nɛ́n kɛ̀niɛn nɔn.

Ɔwɔ-mɛ̀n-yrikàn 21:23 Iomraidhean Croise

Matie 16:27

Annànwɔrɛ mɛ̀n, ɔwrɔnẅì Ẅì kɛ lɛ vá nɛ́n Zi ci-zrɔ lɔ mɛ̀n, nɛ́n mán Ɔwɔ-kùyüre-bɔ̀ mɛhi, kɩ zɛtɛn, ne le ci ɔwrɔn wrɔn ɛmrɛ̀n, n'eci léyi nɛ̀n hán nɔn yi wú.

Markɛ̀n 8:38

Ke dú kɛ mɛ kruhú mán m'ankà-dɔ̀ kruhú ɔwrɔn anvɛvrà kɛ ẅɛ̀n, ɛgbàn-hán-bɔ̀ wanzi, ke ji le nɛ̀n nyrì le Ɔwrɔnẅì ẅì mán anvɛvrà kɛ lɛ ẅɛn n'ɛkruhú, ɛnvra léyi nɛ lɛ vá nɛ́n Zi ci-zrɔ lɔ mɛ̀n nɛ́n mán Ɔwɔ-kùyüre-bɔ̀ prɔnprɔn hɔ̀n mɛhi.”

Lükɛ̀n 2:32

hɩ de dú, ɛyri-kàn léyi, kɛ lɛ hán tán ɛnhi wú anmàn lɔ fɛn ke nyri mɛ́n, ô kè dú eci-zrɔ kɛ̀ tán Izraɛlɛ̀n vɛ́n fɛcüè.”

Zhan 1:14

Ɔwrɔn léyi dú ankà-dɔ̀ nɔn srɔ ɔwrɔnẅì kɩ vá dú bɔ̀ ɛmɛ̀n, nboafɔ̀n mán annanwɔrɛ yɩ́ nɛ̀n ɛmɛ̀n. Bɔ̀ kán n'eci-zrɔ, eci-zrɔ léyi Ɛnẅì zri kpokpo kɛ cɔ́ nɛ́n zi yri nɔn.

Zhan 1:18

Ɔwrɔnẅì zriɛmɛ́n kɛ vá kán Ɔwɔ mrìmrì. Tɛ́n Ɛnẅì zri kpokpo léyi dú Ɔwɔ, kɩ dú nɛ́n Zi ɛtɛ̀sɛ̀n nɔn, nɛ́n hán ye nyri nɛ́n Zi.

Zhan 1:4

N'ɛmɛ̀n de ɛwúvà-kɔrɛ̀ ndù nɔn, kɩ ɛwúvà-kɔrɛ̀ ndɔ lɔ kɛ tán anwrɔnẅì ɛyri-kàn.

Zhan 1:9

Ankà-dɔ̀ ndɔ lɔ dú annanwɔrɛ yri-kàn zri kpokpo, hɩ kɛ vá ɛnhibù wú ô kɛ̀ tán anwrɔnẅì lɔ fɛn ɛyri-kàn nɔn.

Zhan 17:24

Dade, ɛ̀ tán mɛ̀n yɔ, kɩ mɛ cüɛ̀n le yɔ dú mɛ̀n ɛtɛsɛ̀n ɛyri léyi me le dù nɔn, ô yɔ kán m'eci-zrɔ lɔ, eci-zrɔ léyi ɛ̀ tán mɛ̀n nɔn, ɔmuhi ɛ̀ cüɛn mɛ̀n yakɛ yɛ hán ɛnhibù nɔn.

Zhan 5:23

ô anwrɔn lɔ fɛn kɛ ẅɛn Ɛnẅì wá kɛ hán ɔmu le yɛ wá Ɛnẅì-nɛ́n-zi nɔn hɔ́. Ɔwrɔn léyi ke sɩ́ wá Ɛnẅì lɔ nɔn, nɛ́n sɩ́ wá Ɛnẅì-nɛ́n-zi léyi wá Ɛnẅì ɔkɔ̀hɔ̀n nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 22:11

Ɔmuhi ɛyri-kàn ndɔ lɔ boyɛ mɛ̀n anvɛ̀ nɔn, anwrɔn hɔ̀n léyi dú mɛ̀n ɛtɛ̀sɛ̀n nɔn ẅɛn mɛ̀n ɛkɔrɛ̀ kɩ bɩ́ mɛ̀n hɔ́n Damasɛ̀n anmàn.

Ɔwɔ-mɛ̀n-yrikàn 14:4

Anwrɔn ndɔ hɔ̀n lɔ, kè sɩ̀ wá nbrá edomɛ̀n yɔ mán wúyɔ̀ mɛhi, yɔ dú ɛfifiemɛ̀n. Yɔ dú Ɔwɔ Kɔ̀kɔ̀sɛ̀-ẅì ɛmɛẅi ɛyri lɔ fɛn léyi nɛ hɔ̀n nɔn; yɛ mrɛ́n yɔ anwɔ̀nẅìemɛ̀n yɛ sɔhɔ́ anwrɔnẅiemɛ̀n, ô yɔ dú Ɔwɔ mán Ɔwɔ Kɔ̀kɔ̀sɛ̀-ẅì kpàkpà cice.

Ɔwɔ-mɛ̀n-yrikàn 18:1

Ndɔ lɔ n'ɛmɛẅi, mɛ̀n kán Ɔwɔ-kùyüre-wrɔn nyantɛn tɔ̀n dú anhobɩ́ kakɛ. Nɛ̀n ẅɛn ɛkɔrɛ̀srɔn vri tɔ̀n, kɩ n'evrisì lɔ kɛ gbrɛ́n ɛnhi mumù lɔ wú.

Ɔwɔ-mɛ̀n-yrikàn 21:11

dú Ɔwɔ ci-zrɔ-gbrɛ́n mɛ̀n. Anmàn lɔ n'ɛgbrɛ́n mán n'efì kɛ cá anhàn shishi bù-ẅì hɔ̀n gbrɛ́n mán y'efì.

Ɔwɔ-mɛ̀n-yrikàn 21:25

Anmàn sùgbàtà hɔ̀n lɔ ke le srú dɛ́ ɛcɛ̀n mumù lɔ fɛn; kɩ ye sɩ̀ sɛ́n yɔ mrìmrì, ɔmuhi nanvrɛn lɔ ɛnnyran ke sɩ̀ vru dùɛ.

Ɔwɔ-mɛ̀n-yrikàn 22:5

Ɛnnyran ke sɩ̀ vru dùɛ, kɩ ye sɩ̀ vru ji kɛ̀níɛn mán ɛnbrí yrikàn, ɔmuhi Ɛẅɛnwrɔn Ɔwɔ kɛ lɛ tán yɔ n'ɛyri-kàn, kɩ yɔ lɛ ẅɛn ɛyri ɛnvra lɔ fɛn nɔn.

Ɔwɔ-mɛ̀n-yrikàn 5:6

Kɩ mɛ̀n kán Ɔwɔ kɔ̀kɔ̀sɛ̀ ẅì nyɔn ɛgbú-tòbù wanzi, ɛci kɔrɛkɔrɛ anzɔ̀ hɔ̀n lɔ mán ɛcüìcüì-bɔ̀ gbrɛnkɛ́n nɛ̀n ɔmùan. Nɛ̀n cá eci léyi ye wi esùva nɔn. Nɛ̀n ẅɛn ɛtrù ɔbɔ̀ɛn mán anvɛ̀ ɔbɔ̀ɛn léyi dú Ɔwɔ hɛ́n ɔbɔ̀ɛn léyi yɛ hán dú ɛnhibù mumù lɔ fɛn wú và nɔn.

Ɔwɔ-mɛ̀n-yrikàn 7:17

Ɔmuhi Ɔwɔ Kɔ̀kɔ̀sɛ̀-ẅì léyi nyɔn ɛgbú-tòbù wanzi nɔn, kɛ lɛ srɔ y'ɔkua-wrɔn, kɩ ke le sɩ́ yɔ ɔkɔrɛ shi-bɛ́ mùan mɛ̀n. Kɩ Ɔwɔ ke le wurɛn yɔ anvɛ-shi lɔ fɛn anvɛmɛ̀n.”