Ɔwɔ-mɛ̀n-yrikàn 21:2 - Ɛmɛẅi ankà ankrànkràn 2003

² Kɩ mɛ̀n kán anmàn prɔnprɔn, Zherüzalɛmɛ̀n wrù léyi Ɔwɔ yüre dú anhobɩ́ kakɛ, krɔn kpehɛ́n hán ɛncɔnwrɔn-hi léyi fi n'edomɛ̀n kɛ̀ hɔ́n nɛ́n cüì ɛsù nɔn.

Ɔwɔ-mɛ̀n-yrikàn 21:2 Iomraidhean Croise

Zhan 3:29

Ɛnnyɔnwrɔn-nɛ́n-cüì lɔ, nɛ́n de eyri-hi lɔ dú nɛ tɛn nɔn; tɛ́n ɛnnyɔnwrɔn-nɛ́n-cüì nɛ́n nyran anvrɛn kɛ nyɔn nɛ̀n ɛtɛ̀sɛ̀n kɩ ke die nɛ̀n nukùɛ, kɩ ke dú pɔpüɛ̀-brá mɛ̀n ɛnvra léyi nɛ yá ɛnnyɔnwrɔn-nɛ́n-cüì sùva lɔ nɔn. Pɔpüɛ̀-brà ndɔ lɔ dú mɛ tɛn, kɩ zɛtɛ̀ lɔ nɛ̀n sá nmùɛn.

2 Korɛntɛ̀n anmàn-bɔ̀ 11:2

Mɛ kɔ́n ecüì-hi ny'ɛwú ecüì-hi-kɔ̀n tɔ̀n léyi dú Ɔwɔ yri nvà nɔn: mɛ̀n wá nyɛ̀n eyiri-mùan ɛncɔnwrɔn zri yri, Krisì, kɩ me ji mɛ̀n bɩ́ nyɛ̀n mɛ̀n yé nɛ̀n kɛ hán ɛnnyrɔnẅì tɔ̀n léyi nfì, kè sɩ̀ nyrì ɛncɔnwrɔn ankà nɔn.

Ebre-bɔ̀ 11:10

Ɔmuhi Abrahamɛ̀n kɛ vrá anmàn léyi ẅɛn ɛbù-hinan shishi nɔn, anmàn léyi Ɔwɔ dú n'ɔbɔ̀sɔ-wrɔn mán n'oku-wrɔn nɔn.

Ebre-bɔ̀ 11:16

Annanwɔrɛ mɛ̀n lɔ yɔ ji ɛnhi wú anmàn tɔ̀n léyi zrɔ nɔn, hɩ mɛ̀n kɛ dɔ̀ le, anhobɩ́ anmàn. Hɩ le kruhú de Ɔwɔ anvɛvrà ke sɩ́ ẅɛn hán, ɛnvra léyi ye bi nɛ̀n y'Ɔwɔ nɔn; annanwɔrɛ mɛ̀n lɔ, nɛ̀n hán edúyri anmàn tɔ̀n nɛ̀n hɛ́n yɔa.

Ebre-bɔ̀ 12:22

Tɛ́n nyɛ tɛn nyɛ́n sɔ̀nba Siɔn kpò mán Ɔwɔ kɔrɛkɔrɛ dúyri tɛsɛ̀n, anhobɩ́ Zherüzalɛmɛ̀n, nyɛ́n mán n'ɛkùyüre-bɔ̀ fɛcüè mɛhi.

Ebre-bɔ̀ 13:14

Ɔmuhi ɛnu-hi lɔ bɔ̀ sɩ̀ ẅɛ̀n anmàn cüìcüì léyi ke le dú ɛnvra lɔ fɛn nɔn; bɔ́ ji anmàn cüìcüì léyi dú ezì kɛ lɛ và nɔn.

Ɔwɔ-mɛ̀n-yrikàn 1:1

Owrú ndɔ lɔ kɛ dɔ́ ɛyrikàn léyi Zhezü Krisì ncɔ̀ nɔn n'ankà. Ɔwɔ tán nɛ̀n ɛyrikàn ndɔ lɔ, ô nɛ̀n yé n'eci-bɩ̀tan bɔ̀ eci léyi kɛ lɛ wɔɛn ɛnvra bruemɛ̀n nɔn. Krisì wá n'ɛkùyüre-wrɔn ɔkɔ̀hɔ̀n Zhan yri, ô kɛ̀ tán nɛ̀n nɛ̀n nyri eci léyi kɛ lɛ wɔɛ̀n nɔn.

Ɔwɔ-mɛ̀n-yrikàn 1:4

Ebinyan ndɔ lɔ dú Zhan yri kɛ và, kè dú Ɔwɔ-fɛcüè ɔbɔ̀ɛn hɔ̀n léyi dú Azi kpɔsɔ wú nɔn tɛn: Nboafɔ̀n mán anwɔwɔ kè dú Ɔwɔ léyi ndù, ngo dù kɩ kɛ và nɔn, ne yri kɛ̀ và cɔ́ nyɛ̀n, kè dú anhɛ́n hɔ̀n ɔbɔ̀ɛn léyi nyɔn n'ɛgbú-tòbù zìwú, y'eyri kɛ̀ và cɔ́ nyɛ̀n,

Ɔwɔ-mɛ̀n-yrikàn 1:9

Mɛ̀n dú Zhan, nyɛ́n muan-ẅì; mɛ̀n mán mɛ̀n dú Zhezü bɔ̀sɔ̀ lɔ mɛ̀n hán nyɛ́n hɔ́, mɛ̀n dú ny'ɛkɔrɛ̀-wá-wrɔn ejüediemɛ̀n, mɛ̀n dú ɛnnɛ̀ncüì-dúyri mán ɛnbɔrɛ-ẅɛ̀n-hɛ́n-sɛ́ mɛ̀n. Yɛ sɩ́ mɛ̀n anwɔ̀nẅìemɛ̀n Patmɔsɛ̀n shi-vú-ta wú, m'ɔmùan zri-dì Ɔwɔ mùan-ankà wú mán annanwɔrɛ yrikàn léyi mɛ̀n cɔ́ Zhezü mɛ̀n nɔn, hɩ kruhú.

Ɔwɔ-mɛ̀n-yrikàn 11:2

Tɛ́n è teze ɔhɔnan, ecice-wɔn bɩ́ lɔ; e bɩ́ wɔɛn nɛ̀n, ɔmuhi ye bɩ́ nɛ̀n yɛ tán anwrɔn hɔ̀n léyi ke sɩ̀ nyrì Ɔwɔ nɔn, kɩ kɛ lɛ nán esù anmàn prɔnprɔn lɔ ɛwú okù ɛkoẅi anhyrɛ̀ mán ɛẅì anhyrɛ̀.

Ɔwɔ-mɛ̀n-yrikàn 21:10

Ɛnhɛ́n bru mɛ̀n edù kɩ Ɔwɔ-kùyüre-wrɔn bɩ́ mɛ̀n hɔ́n nkpò tɔ̀n léyi ci ɛwú nɔn wú. Nɛ̀n yé mɛ̀n anmàn prɔnprɔn lɔ, Zherüzalɛmɛ̀n léyi Ɔwɔ yüre, dú anhobɩ́ kakɛ,

Ɔwɔ-mɛ̀n-yrikàn 21:9

Ɔwɔ-kùyüre-bɔ̀ ɔbɔ̀ɛn hɔ̀n léyi ɛmɛẅitrɔ gbán-hán-ci yɩ́ grashɛ̀n ɔbɔ̀ɛn dú antamɛ̀n nɔn, ɔtɔ̀n nvà kɛ dɔ́ mɛ̀n le: “Và kɩ me le yé mɛ́n eyiri-hi lɔ, Ɔwɔ Kɔ̀kɔ̀sɛ̀-ẅì hi lɔ.”

Ɔwɔ-mɛ̀n-yrikàn 22:17

Ɛnhɛ́n mán eyiri-hi kɛ dɔ̀ le: “Và!” Ɔwrɔn léyi kɛ yá ankà ndɔ lɔ nɔn, nɛ́n mán nɛ̀n dɔ̀ le: “Và!” Ɔwrɔn léyi ɛnshi mùan-wù kɛ ẅɛ̀n nɔn, nɛ̀n và; Ɔwrɔn léyi ke ji ɔkɔrɛ shi nɔn, kɛ̀ cɔ́ ɔkɔrɛ shi lɔ ankora.

Ɔwɔ-mɛ̀n-yrikàn 22:19

Kɩ ke dú kɛ ɔwrɔn tɔ̀n kɛ mrɛ́n ankà-dɔ̀ zri ankà-dɔ̀ léyi dú owrú ndɔ lɔ mɛ̀n kɛ sɔhɔ́, Ɔwɔ kɛ lɛ mrɛ́n ɔkɔrɛ-tɛ̀ tɛ̀-ẅì léyi dú nɛ tɛn nɔn kɛ lɛ sɔhɔ́, hɩ mán anmàn prɔnprɔn léyi yɛ dɔ́ n'ankà owrú ndɔ lɔ mɛ̀n nɔn.

Ɔwɔ-mɛ̀n-yrikàn 3:12

Ɔkɔ̀nká-wrɔn lɔ, mɛ lɛ srɔ nɛ̀n m'Ɔwɔ lɔ n'ecice wɔn hinan-bù, kɩ nɛ́n sɩ̀ vru dú nanvrɛn lɔ nɛ̀n srɔ mrìmrì. N'ɛwú lɔ, me le merɛ́n m'Ɔwɔ bi mán m'Ɔwɔ anmàn bi, Zherüzalɛmɛ̀n wrù léyi dú anhobɩ́ kakɛ hɩ m'Ɔwɔ hán và. N'ɛwú lɔ me le vru mɛ̀n merɛ́n m'ebi wrù lɔ.