Ɔwɔ-mɛ̀n-yrikàn 20:9 - Ɛmɛẅi ankà ankrànkràn 2003

⁹ Nyàn yɔ de yɔ nán esù hɔ́n ɛnhibù mumù lɔ fɛn wú, kɩ yɔ gbrɛnkɛ́n Ɔwɔ-fɛcüè bɩ́ lɔ ɔmùan, anmàn léyi Ɔwɔ kɛ cüɛn nɔn. Tɛ́n ɛnhyà dú anhobɩ́ kakɛ kɩ jrɛ́ yɔ.

Ɔwɔ-mɛ̀n-yrikàn 20:9 Iomraidhean Croise

Lükɛ̀n 17:29

Tɛ́n ɛnbì léyi Lɔtɛ̀n cɔhɔ́ Sodɔmɛ̀n anmàn nɔn, ɛnhyà mán ɛnhyà-ẅì dú anhobɩ́ kɛ nàn kɛ hán ɛnshi hɔ́; kɩ hán yɔ lɔ fɛn yɔ wù.

Lükɛ̀n 19:43

Ɔmuhi, ɛnbì hɔ̀n kɛ lɛ vá v'ɛkruhú, kɩ v'egbri-bɔ̀ ke le bɩ́ anhà-kɔ́n-ci kɛ̀ gbrɛnkɛn mɛ́n ɔmùan, kɛ lɛ wá mɛ́n angán kɩ yɔ lɛ bɔrɛ mɛ́n ɛyri lɔ fɛn.

Lükɛ̀n 21:20

“Ɛnvra léyi nyɛ́n lɛ kán anhà-kɔ́n-bɔ̀ kɛ̀ gbrɛ̀nkɛ́n Zherüzalɛmɛ̀n anmàn ɔmùan nɔn, kɩ nyɛ́n le nyrì le, hɩ vra lɔ de yɛ lɛ gbɔ̀ngbɔ́ nɛ̀n ɛnvra bruemɛ̀n nɔn.

Lükɛ̀n 9:54

Ɛnvra léyi Zhakɛ̀n mán Zhan mɛhi kán eci léyi anmàn-bɔ̀ lɔ hán nɔn, yɔ dɔ́ Zhezü le: “Ɛẅɛnwrɔn e ji le bɔ̀ hán anhobɩ́ hyà kɛ̀ và kɛ̀ biɛ yɔ lɔ fɛn hán?”

2 Tesalonikɛ̀n anmàn-bɔ̀ 1:8

nɛ lɛ vá ɛnhyà wɔnsɛ́n mɛ̀n, ô nɛ̀n hán anwrɔn hɔ̀n léyi kɛ kɔrɔ ke sɩ́ ji kè nyri Ɔwɔ, hɩ ke sɩ́ ẅɛn bɔ́ Ɛẅɛnwrɔn Zhezü Mɛẅi ankà Ankrankran lɔ kɛ hɛ́n hàn nɔn, ɛgbàn.

Ebre-bɔ̀ 13:13

Bɔ̀ hɔ́n nɛ̀n ɛtɛ̀sɛ̀n anmàn mɛẅi, ô bɔ̀ shrì bɔ̀ bɩ́ egbrì léyi nɛ́n mán nɛ́n bɩ nɔn.

Ɔwɔ-mɛ̀n-yrikàn 11:5

Ke dú kɛ ɔwrɔn tɔ̀n ke ji kɛ hán yɔ anbɔrɛci, ɛnhyà ke dú y'ɔmùan lɔ mɛ̀n kɛ̀ srɔ kɩ kɛ lɛ jrɛ́ y'egbri-bɔ̀ lɔ; ɔmu lɔ de, ɔwrɔn totɔtɔ̀n léyi ke le ji yɔ anbɔrɛci hán yri nɔn, ke le wù nɔn.

Ɔwɔ-mɛ̀n-yrikàn 13:13

Anhyrɛmɛ̀n nɔ̀n ndɔ lɔ kɛ hán anvɛmɛ̀n-frɛ́n-ci ɛvrivri, nɛ hán ɛnhyà ke dú anhobɩ́ kɛ kakɛ ɛnhi wú anwrɔnẅì lɔ fɛn zìwú.