Ɔwɔ-mɛ̀n-yrikàn 20:8 - Ɛmɛẅi ankà ankrànkràn 2003

⁸ kɩ nɛ lɛ hɔ̀n nɛ̀n frɛ́n ɛnhi-wú-anmàn hɔ̀n léyi bonyi ɛnhibù mumù lɔ fɛn wú, hɩ mɛ̀n kɛ dɔ̀ le, ɛnhi-wú-anmàn hɔ̀n léyi ke gbri Ɔwɔ-fɛcüè-bɔ̀ nɔn. Nɛ lɛ borɛ yɔ ɛkru, ô yɛ kɔ́n anhà, kɩ yɔ lɛ cüɛn bobrebe kɛ lɛ hán ecüe gbàta-mùan hiẅia hɔ́.

Ɔwɔ-mɛ̀n-yrikàn 20:8 Iomraidhean Croise

Ebre-bɔ̀ 11:12

Ɔmu lɔ de ɔwrɔn zri ndɔ léyi owù di ɛnrɛ̀n edomɛ̀n nɔn, n'ɛmɛ̀n de n'ɛmɛẅì-bɔ̀ bobrebe hɔ̀n léyi cüɛ́n hán anhobɩ́ kùcànkro mán ecüe gbata-mùan hiẅia hɔ́ nɔn, ndù srɔ nɔn.

Ɔwɔ-mɛ̀n-yrikàn 12:9

Yɛ kɔ́n anwàn-lɛ̀brì vri lɔ ye ze ɛntrɛa. Nɛ́n de nɛ̀n dú ɛnlɛ̀brì gbànvri, léyi ye bi anwawrɔn cüìcüì, hɩ kɛ frɛ́n ɛnhibù mumù lɔ fɛn nɔn. Nɛ́n mán n'ɛkùyüre-bɔ̀ mɛhi yɛ kɔ́n yɔ cüe ɛnhi wú.

Ɔwɔ-mɛ̀n-yrikàn 16:14

Yɔ dú anwa-bɔ̀ hɛ́n hɔ̀n léyi kɛ hán anvɛmɛ̀n frɛ́n-ci nɔn. Yɔ hɔ́n ɛnhi mumù lɔ fɛn nɛ̀ncüì hɔ̀n tɛsɛ̀n, ô yɛ bɔrɛ yɔ ɛkru ɛkɔrɛ̀srɔn-Wɔ lɔ n'anhà-kɔ́n bì vri lɔ mɛ̀n.

Ɔwɔ-mɛ̀n-yrikàn 20:10

Zɛtɛn anwa-wrɔn léyi kɛ frɛ́n yɔ nɔn, yɛ kɔ́n nɛ̀n di ɛnhyà-ẅì nɛ́nbà lɔ mɛ̀n, ɛyri léyi ɔnɔ̀n lɔ mán ɛyɔ̀n-wɔ-mùan-wú-ankà-dɔ́-wrɔn lɔ gɔ́ dù nɔn. Yɔ le dú nanvrɛn ejüediemɛ̀n ɛnnyran mán ɛcɛ̀n ɛnvra lɔ fɛn.

Ɔwɔ-mɛ̀n-yrikàn 20:3

Ɔwɔ-kùyüre-wrɔn lɔ kɔ́n nɛ̀n di owú-bɔ̀ dúyri, nɛ̀n sɛ́n esù safɛ̀ mɛ̀n kɩ nɛ̀n wá eci-tɔn-ci nɛ̀n brɛ́ angbàtà wú lɔ, ô anwàn lɛbrì lɔ ke bɩ́ vru zrɛ́n ɛnhi-wú-anmàn-bɔ̀ hàn kɩ annanwàn tɛ̀buri kɛ̀ vàcì. Ndɔ lɔ mɛẅi, ye le teze nɛ̀n ɛnvra buri.

Ɔwɔ-mɛ̀n-yrikàn 7:1

Eci ndɔ lɔ n'ɛmɛẅi lɔ, mɛ̀n kán Ɔwɔ-kùyüre-bɔ̀ anzɔ̀. Yɔ nyɔn ɛnhibù kru d'anzɔ̀ lɔ wú, yɔ kɛ́n ɛndɔ̀nwrɔ̀n anzɔ̀ hɔ̀n lɔ hɛ́n, ô y'ɛmɛ̀n lɔ nzri mán ke bɩ́ cüɛn ɛnhi wú, ecüe wú mán, antɛ̀ wú mán.