Ɔwɔ-mɛ̀n-yrikàn 20:5 - Ɛmɛẅi ankà ankrànkràn 2003

⁵ Owú-bɔ̀ nyàntɛn hɔ̀n lɔ ke sɩ̀ vru wɔrɛ̀ vá ɔkɔrɛ̀-bɔ̀ mɛ̀n, ke dú kɛ ɛnnànwàn tɛ̀buri kɛ vá cɔ̀. Ndɔ lɔ dú ɛnvrakpà wuemɛ̀n-dúfrɔ́.

Ɔwɔ-mɛ̀n-yrikàn 20:5 Iomraidhean Croise

Lükɛ̀n 14:14

E le dú ɛnbɔrɛ-bruemɛ̀n, ɔmuhi yɔ sɩ̀ wɔrɛ̀ tán mɛ́n rɔ́ nɔn. Ɔwɔ kɛ lɛ wɔrɛ̀ tán mɛ́n ɛnvra léyi yɔ hɔ̀n léyi hán anvrɛn nɔn, ke le dú owúemɛ̀n kɛ̀ wɔrɛ̀ vá ɔkɔrɛ-bɔ̀ mɛ̀n nɔn.”

Rɔmɛ̀n-anmàn-bɔ̀ 11:15

Annanwɔrɛ mɛ̀n lɔ, ɛnvra léyi yɛ kɛ́n yɔ sɩ́ ɔhɔ́nan nɔn, ɛnhibù mán Ɔwɔ mɛhi angranmɛ̀n nwɔ̀. Zɛtɛn ecitan de kɛ lɛ wɔɛ̀n ɛnvra léyi Ɔwɔ ke le vru ke bɩ́ yɔ nɛ́n? Ke le dú owú-bɔ̀ mɛ̀n mɛẅi vru và annanwɔrɛ ɔkɔrɛ-bɔ̀ mɛ̀n!

Filipɛ̀n anmàn-bɔ̀ 3:11

ô mɛ̀n ẅɛn esɛ́ le ɛnbì tɔ̀n, mɛ̀n mán me le dú owú-bɔ̀ mɛ̀n, mɛ̀n vá ɔkɔrɛ-bɔ̀ mɛ̀n.

1 Tesalonikɛ̀n anmàn-bɔ̀ 4:16

Yɛ lɛ yá ɛnyànmàn-tán bobo tɔ̀n, Ɔwɔ-kùyüre-wrɔn cüìcüì sùva mán Ɔwɔ brɛ̀n kù-dì, kɩ Ɛẅɛnwrɔn dùku ke le dú anhobɩ́ kɛ lɛ kàkɛ. Anwrɔn hɔ̀n léyi wú Krisì ankàẅì-bùtan lɔ mɛ̀n nɔn, yɔ le dú kpàkpà-bɔ̀ yɔ vá ɔkɔrɛ-bɔ̀ mɛ̀n;

Ɔwɔ-mɛ̀n-yrikàn 11:11

Tɛ́n ɛnvra léyi ɛbi anhɔ̀n mán ɛcá lɔ vacì nɔn, ɛwúvàkɔrɛ̀ dɔnwrɔ̀n tɔ̀n dú Ɔwɔ yri và bru yɔ edù; yɔ tɔ́hú kɩ anwrɔn lɔ fɛn léyi kán yɔ nɔn gbɔ̀gbɔ̀ bru edù.

Ɔwɔ-mɛ̀n-yrikàn 11:15

Zɛtɛn ɔbɔɛn mɛ̀n Wɔ kùyüre-wrɔn lɔ mú ɛbrɛ̀n. Esùva cüìcüì hɔ̀n dú anhobɩ́ ke di nkù; yɔ dɔ̀ le: “Ɛnhibù yri ẅɛ̀n zɛtɛ̀ lɔ dú Ɛẅɛnwrɔn mán n'Ebɩdie-wrɔn tɛn, kɩ ɛyri ẅɛ̀n ndɔ lɔ ke le dú ɛnvra lɔ fɛn!”