Ɔwɔ-mɛ̀n-yrikàn 20:2 - Ɛmɛẅi ankà ankrànkràn 2003

² Nɛ̀n ẅɛn anwàn lɛbrì lɔ, ɛnbiɛhɛ́n lɛbrì, hɩ mɛ̀n kɛ dɔ̀ le anwawrɔn léyi ye bi Satan nɔn, kɩ nɛ̀n tɔ́n yi gbràka mɛ̀n kɛ̀ dì ɛnnanwàn tɛ̀buri.

Ɔwɔ-mɛ̀n-yrikàn 20:2 Iomraidhean Croise

Matie 19:29

Kɩ anwrɔn hɔ̀n léyi m'ɛkruhú tecüe y'ɔwrɔn, yɔ muan-ẅì hɔ́n wúyɔ̀ mán wúcɔ̀, yɔ zi mán yɔ muan, y'ɛẅì hɔ̀n, y'ankɛ̀tɛ̀, kɛ lɛ cɔ́ anjakpà ke le wí ɛkoẅi-ɛnrì kɩ kɛ lɛ cɔ́ ɛwúvà léyi ke sɩ́ trɔa nɔn.

Matie 8:29

Anhɛ́n gbàngbàn hɔ̀n lɔ bukru ke di bobo kɛ dɔ̀ le: “Ankà tán e sɩ́ bɔ̀a, Ɔwɔ Ẅì? Ɛ vá ɛnu lɔ, ô ɛ̀ hán bɔ̀ ɛgbàn yakɛ ɛnvra léyi yɛ wá nɔn kɛ̀ cɔ̀a?”

Markɛ̀n 4:15

Anwrɔn ndɔ hɔ̀n ndù cá ɛnlevri léyi ankà-dɔ̀ ke bru ɛwú nɔn: ɛnvra zri léyi yɔ yá ankà lɔ nɔn, anwa-wrɔn kɛ và ke bɩ́ ankà-dɔ̀ y'ɛnbɔrɛmɛ̀n kɛ sɔhɔ́.

Markɛ̀n 5:7

Kɩ ne di nkù esùva cüìcüìemɛ̀n: “Zhezü, Ɔwɔ léyi dú ɛwú hɛ́n nɔn n'ɛnẅì, cɛci e ji ɛ̀ hán mɛ̀n hàn? Mɛ sɛ́n mɛ́n, Ɔwɔ bɩ́mɛ̀n, e bɩ́ wá mɛ̀n ejüe!”

Zhan 12:31

Zɛtɛ̀ lɔ ɛnvra ndɔ lɔ mɛ̀n, de ye le ci ɛnhibù ɛmrɛ̀n nɔn; zɛtɛ̀ lɔ de yɛ lɛ wrɔ́ ɛnhibù ndɔ lɔ n'ɛnnɛncüì lɔ nɔn.

Zhan 16:11

yɔ zɛ́n ɛmrɛ̀n-cì-ankà wú, ɔmuhi yɔ gɔ́ ci ɛnhibù wú nɛ̀ncüì lɔ ɛmrɛ̀n hàn nɔn.”

Rɔmɛ̀n-anmàn-bɔ̀ 16:20

Ɔwɔ, léyi dú anwɔwɔ shi-bɛ́ nɔn, kɛ lɛ boyɛ anwawrɔn wá ɛnvra buriemɛ̀n ny'annantrɛ̀ krugbɛ̀n. Ke ji le bɔ́ Ɛẅɛnwrɔn Zhezü boafɔ̀n lɔ kɛ và dú nyɛ̀n ɛmɛ̀n!

Ebre-bɔ̀ 2:14

Ɔmuhi ɛẅì ndɔ hɔ̀n lɔ fɛn dú anẅia mán ɛnkrɛ̀ ci nɔn, Zhezü dùku mán ndù hán yɔ hɔ́, nɛ́n mán nɛ̀n dú y'ɔwrɔnẅì wúvà lɔ mɛ̀n. Ɔmu lɔ de n'owù lɔ mɛ̀n, anwawrɔn léyi ẅɛn owú kɔrɛ̀srɔn lɔ hɛ́n nɔn, nɛ̀n bɔyɛ yi nɛ̀n wá,

1 Piɛrɛ̀n 5:8

Anvɛ̀ kè kpri nyɛ̀n, anvɛmɛ̀n kè bi nyɛ̀n! Ɔmuhi ny'egbriwrɔn anwawrɔn, kɛ gbrɛnkɛn ɔmùan kɛ hán gɔ̀ngɔ̀sɔvɛ̀ léyi esùvamɛ̀n ke shrì ke ji ɔwrɔn tɔ̀n kɛ̀ rá nɔn.

2 Piɛrɛ̀n 2:4

Annanwɔrɛ mɛ̀n lɔ, Ɔwɔ ke sɩ̀ mrɛ̀n ɛkùyüre-wrɔn gbàngbàn zriɛmɛ́n ke teze hɛ̀, tɛ́n nɛ̀n kɔ́n yɔ lɛ fɛn nɛ̀n ku ɛnhyà vriemɛ̀n, nanvrɛn de yɛ tɔ́n yɔ gbràka mɛ̀n, ɛyri yɔwɔ mɛ̀n, yɔ vrá ɛmrɛ̀nci bì lɔ.

Zhüdɛ̀n 1:6

Ɔwɔ kùyüre-bɔ̀ léyi Ɔwɔ tán ɛkɔrɛ̀srɔn, kɩ ndɔ lɔ kè sɩ̀ cüɛ̀n yɔ ɛvɛ̀, yɔ teze yɔ dùku y'edúyri, y'ankà kè bru nyɛ̀n: Ɔwɔ hɛ́n yɔ ɛnhi, ɛyri yɔwɔ mɛ̀n, gbràka mɛ̀n ɛnvra lɔ fɛn, yɔ vrá ɛmrɛ̀nci bì vri lɔ.

Ɔwɔ-mɛ̀n-yrikàn 12:13

Ɛnvra léyi anwàn-lɛ̀brì lɔ ncɔ̀ nnyrì le yɛ kɔ́n nɛ̀n ze ɛnhi wú nɔn, nɛ̀n bukru nɛ kɛ́n ɛnnyɔnwrɔn léyi bî ɛnẅì nɔn ɛsɛ̀n.

Ɔwɔ-mɛ̀n-yrikàn 12:15

Zɛtɛn ɛnlɛ̀brì lɔ bɩ́ n'ɔmùan mɛ̀n shi wá ɛnnyɔnwrɔn lɔ hán mancüè shi hɔ́, dú ɛnnyɔnwrɔn lɔ ɛmɛẅi, ô ɛnshi lɔ kɛ̀ wán nɛ̀n kè bɩ.

Ɔwɔ-mɛ̀n-yrikàn 12:17

Ɛmɛ̀nhyì léyi nɛ̀n ẅɛn ɛnnyɔnwrɔn lɔ wú nɔn, wá tán nɛ̀n nɛ̀n hɔ̀n kɔ́n ɛnnyɔnwrɔn lɔ n'ɛmɛẅi-bɔ̀ anhà, yɔ léyi yɔ wá Ɔwɔ nyanmàn kɩ yɔ di ɔmùan zri Zhezü annanwɔrɛ ankà léyi yé nɔn hɩ wú.

Ɔwɔ-mɛ̀n-yrikàn 12:3

Eci-woroanci nyàntɛn tɔ̀n srɔ anhobɩ́: anwàn-lɛ̀brì wɔnsɛn vri tɔ̀n di ɛnkru ɔbɔ̀ɛn kɩ ɛtrù ɛvà mán ɛnkrusɔn-ci dú n'ɛnkru hɔ̀n ɔbɔ̀ɛn lɔ wú.

Ɔwɔ-mɛ̀n-yrikàn 12:4

Nɛ̀n bɩ́ n'ɛẅiè lɔ nɛ́n tàka anhobɩ́ kùcànkrò hɔ̀n lɔ y'anhɔ́nmɛ̀n cá nɛ̀n cüe ɛnhi wú. Nɛ̀n nyɔn ɛnnyɔnwrɔn léyi kɛ vá ɛnẅì-bî-yri nɔn ezìwúɛ, ô ɛnvra léyi ne bî ɛnẅì lɔ nɔn, nɛ̀n ẅɛn ɛnẅì lɔ nɛ̀n rá.

Ɔwɔ-mɛ̀n-yrikàn 12:9

Yɛ kɔ́n anwàn-lɛ̀brì vri lɔ ye ze ɛntrɛa. Nɛ́n de nɛ̀n dú ɛnlɛ̀brì gbànvri, léyi ye bi anwawrɔn cüìcüì, hɩ kɛ frɛ́n ɛnhibù mumù lɔ fɛn nɔn. Nɛ́n mán n'ɛkùyüre-bɔ̀ mɛhi yɛ kɔ́n yɔ cüe ɛnhi wú.

Ɔwɔ-mɛ̀n-yrikàn 13:2

Ɔnɔn léyi mɛ́n kàn nɔn cá ɛkuan-lɛ̀tù, n'annan ndù hán anwɔ-lɛ̀tù, kɩ n'ɔmùan kɛ cá gɔ̀ngɔ̀nsɔvɛ̀ hɔ́. Anwàn-lɛ̀brì lɔ wá nɛ̀n n'ɛkɔrɛ̀srɔn, n'ɛgbú-tòbù mán ɛkɔrɛ̀srɔn vri tɔ̀n antamɛ̀n.

Ɔwɔ-mɛ̀n-yrikàn 13:4

Anwrɔn lɔ fɛn bukru ke cüe anwàn-lɛ̀bri lɔ ankɔrɛ̀ ezìwú, ɔmuhi nɛ̀n tán ɔnɔ̀n lɔ ɛkɔrɛ̀srɔn nɔn. Yɔ lɛ fɛn, ɔmu zri lɔ mán de yɔ cüe ɔnɔ̀n lɔ ankɔrɛ̀ ezìwú kɩ yɔ dɔ̀ le: “Antɔ̀n de dù cá ɔnɔ̀n lɔ nɛ́n? Antɔ̀n de kɛ lɛ kɔ́n nɛ̀n anhà tɛ̀ nɛ́n?”

Ɔwɔ-mɛ̀n-yrikàn 20:10

Zɛtɛn anwa-wrɔn léyi kɛ frɛ́n yɔ nɔn, yɛ kɔ́n nɛ̀n di ɛnhyà-ẅì nɛ́nbà lɔ mɛ̀n, ɛyri léyi ɔnɔ̀n lɔ mán ɛyɔ̀n-wɔ-mùan-wú-ankà-dɔ́-wrɔn lɔ gɔ́ dù nɔn. Yɔ le dú nanvrɛn ejüediemɛ̀n ɛnnyran mán ɛcɛ̀n ɛnvra lɔ fɛn.

Ɔwɔ-mɛ̀n-yrikàn 20:7

Ɛnvra léyi ɛnnanwàn tɛ̀buri lɔ kɛ lɛ vàcì nɔn, yɛ lɛ mrɛ́n anwa-wrɔn anwɔn-mɛ̀n-wá-wɔn-mɛ̀n yɛ sɔhɔ́,

Ɔwɔ-mɛ̀n-yrikàn 9:11

Yɔ ẅɛn ɛnnɛncüì tɔ̀n ndù, nɛ́n de nɛ̀n dú ɛnnànmàn léyi n'ɛvrɛn kè sɩ̀ ẅɛ̀n ɛnkrutrɔ nɔn n'ɛnnan-wrɔn. Ye bi nɛ̀n ebre mɛ̀n, “Abàdɔn”, kɩ grɛkɛ̀n mɛ̀n “Apoliɔn”, n'ɛmɛ̀n kɛ dɔ̀ le “Eci-jrɛ́-wrɔn vri”.