Biblia Todo Logo
Bìoball air-loidhne

- Sanasan -




Ɔwɔ-mɛ̀n-yrikàn 20:15 - Ɛmɛẅi ankà ankrànkràn 2003

15 Ɔwrɔn totɔtɔ̀n léyi ye sɩ̀ merɛ̀n n'ebi ɔkɔrɛ-wrú lɔ mɛ̀n nɔn, yɛ́ kɔ́n nɛ̀n dí ɛnhyà-ẅì nɛ́nbà lɔ mɛ̀n.

Faic an caibideil Dèan lethbhreac




Ɔwɔ-mɛ̀n-yrikàn 20:15
19 Iomraidhean Croise  

ô kɛ̀ kɔ́n yɔ ku ɛnhyà vri lɔ mɛ̀n, nanvrɛn lɔ de yɔ le wú ɛyú, kɩ yɔ lɛ rá ɛnnyî.


ô kɛ̀ kɔ́n yɔ ku ɛnhyà vri lɔ mɛ̀n. Nanvrɛn lɔ de yɔ lɛ wú eyú kɩ yɔ lɛ rá ɛnnyî nɔn.”


Zɛtɛn, ɛnnɛ̀ncüì lɔ kɛ lɛ dɔ́ yɔ hɔ̀n léyi nyɔn nɛ̀n ebrì-kɔrɛ̀a nɔn le: ‘Nyɛ́n sɔ̀n hɔ́n ɛmɛẅi esù-she m'ɛtɛ̀sɛ̀n, Ɔwɔ-ẅiɛ̀-dá-bɔ̀! Nyɛ́n hɔ́n ɛnhyà léyi ke sɩ́ zɛ́n hán, hɩ yɛ hán dú anwa-wrɔn mán n'ɛsɛ̀nkɛn-bɔ̀ tɛn nɔn mɛ̀n!


Ɔwrɔn léyi ke bùtan ankàẅì, hɩ yɛ wá ɛnshi ɛnkru nɔn nɛ lɛ cɔ́ ebɩdie. Tɛ́n, ɔwrɔn léyi ke sɩ̀ ẅɛ̀n ankàẅì-bùtan nɔn nɛ́n sɩ̀ cɔ́ ebɩdie.


Tɛ́n ke sɩ́ ji le nyɛ́n brá pɔpüɛ̀, ɔmuhi anhɛ́n gbangàn ke die nyɛ̀n nukùɛ nɔn; tɛ́n pɔpüɛ̀ kɛ̀ brá nyɛ̀n ɔmuhi ye merɛ́n ny'ebí dú owrúemɛ̀n anhobɩ́ nɔn.”


Zhezü mrɛ́n nɛ̀n ɔmùan le: “Mɛ̀n dú ɛnlevri, mɛ̀n dú ankà-annanwɔrɛ, mɛ̀n dú ɛwúvà-kɔrɛ̀. Ɔwrɔn zriɛmɛ́n ke sɩ̀ hɔ́n Dade nanvrɛn ke dú kɛ nɛ̀n sɩ̀ cì m'eyri.


Ɔwrɔn léyi ke bú Ɛnẅì lɔ ankà kɛ tán ankaẅì nɔn, nɛ cɔ́ ɛwúvà léyi ke sɩ́ trɔa nɔn. Ɔwrɔn léyi ke sɩ̀ die Ɛnẅì lɔ nukùɛ nɔn, ke sɩ̀ cɔ́ ɛwúvà ndɔ lɔ, tɛ́n ne le dú Ɔwɔ mɛ̀nhyì krugbɛ̀n.”


Ɛnkru-kɔrɛ̀ dú ne yri, ɔmuhi ɛyri zriɛmɛ́n ɛnhibù mumù lɔ fɛn wú, Ɔwɔ kè sɩ̀ tàn anwrɔnẅì ɔwrɔn nyantɛn zriɛmɛ́n léyi ke le bɩ́ bɔ̀ ke die nɔn.”


Zɛtɛn nyɛ́n wá esùva! Nyɛ́n díe ɔwrɔn léyi kɛ dɔ́ nyɛ̀n ankà nɔn nukùɛ. Anwrɔn hɔ̀n léyi krɔ kɩ kè sɩ̀ dìe ankà-bi-dɔ́-wrɔn nukù ɛnu ɛnhibù wú nɔn, ɛgbàn-wɔ̀ɛndì lɔ, kè sɩ̀ vɔ́n yɔ ɛwú. Annànnàn le, ɛgbàn-wɔ̀ɛndì n'd'o lɔ, ke sɩ̀ vɔ́n bɔ̀ ɛwú ke dú kɛ bɔ́ crɛ ejüí bɔ́ sɔ́n ɔwrɔn léyi dú anhobɩ́ kɛ dɔ́ bɔ̀ ankà nɔn.


Zɛtɛn, anhɔntan de bɔ́ lɛ hán, ô bɔ́ bɩ́ cɔ́ ɛgbàn wɔ̀ɛn-dì, ke dú kɛ bɔ́ sɩ́ wá ɛnkrukɔrɛ̀ ndɔ lɔ n'ankà ɛnkruemɛ̀n nɛ́n? Ɛẅɛnwrɔn dùku dú ɛnvrakpà wrɔn dɔ́ n'ankà, zɛtɛn anwrɔn hɔ̀n léyi yá Ɛẅɛnwrɔn ɔmùan nɔn, dɔ́ nɛ́n vɔ̀nshɛ́-ẅɛn-ankà.


Yɛ ẅɛn ɔnɔ̀n lɔ, ɔmu zri lɔ yɛ ẅɛn ɛyɔ̀n-wɔ-mùan-wú-ankà-dɔ́-wrɔn léyi hán anvɛmɛ̀n-frɛ́n-ci hɔ̀n lɔ n'ezìwú, ô kɛ̀ zrɛ́n anwrɔn hɔ̀n léyi cɔ́ ɔnɔ̀n lɔ n'ɛnrɛ̀n, kɩ ke cüe nɛ́n picɛ̀ lɔ ankorɛ̀ ezìwúɛ nɔn. Yɛ kɔ́n ɔnɔ̀n lɔ mán ɛyɔ̀n-wɔ-mùan-wú-ankà-dɔ́-wrɔn lɔ ankɔrɛkɔrɛ mɛ̀n ku ɛnhyà-ẅì nɛnbà lɔ mɛ̀n.


Zɛtɛn anwa-wrɔn léyi kɛ frɛ́n yɔ nɔn, yɛ kɔ́n nɛ̀n di ɛnhyà-ẅì nɛ́nbà lɔ mɛ̀n, ɛyri léyi ɔnɔ̀n lɔ mán ɛyɔ̀n-wɔ-mùan-wú-ankà-dɔ́-wrɔn lɔ gɔ́ dù nɔn. Yɔ le dú nanvrɛn ejüediemɛ̀n ɛnnyran mán ɛcɛ̀n ɛnvra lɔ fɛn.


Zɛtɛn, mɛ̀n kán owú-bɔ̀, ɛcüìcüì hɔ̀n mán ɛẅi hɔ̀n, tɔhú nyɔn ɛgbú-tòbù zìwúɛ. Ye vuru ɛwrú hɔ̀n ɔmùan. Owrú nyantɛn tɔ̀n mán ye vuru ɔmùan, ɔkɔrɛ wrú lɔ. Ye ci owú-bɔ̀ ɛmrɛ̀n eci léyi yɔ hán nɔn wú, hán ɔmu le ye merɛ́n ɛwrú hɔ̀n lɔ mɛ̀n nɔn.


Owù mán owú-bɔ̀-hibù, yɔ lɔ fɛn yɛ kɔ́n yɔ ku ɛnhyà-ẅì nɛnbà lɔ mɛ̀n. Nɛ́nbà ndɔ lɔ dú anhyrɛmɛ̀n wù.


Anwrɔn hɔ̀n léyi kɛ lɛ kɔ̀nkà nɔn, ɔmu lɔ yɔ lɛ cɔ́ ɛceci wɔsù; mɛ́n sɩ̀ gbú y'ebi mɛ̀n sɔhɔ́ ɛwúvà kɔrɛ̀ wrú lɔ mɛ̀n. Dade zìwú mán n'ɛkùyüre-bɔ̀ zìwú, me le nyri ɔmu le yɔ dú mɛ tɛn.


Lean sinn:

Sanasan


Sanasan