Ɔwɔ-mɛ̀n-yrikàn 20:14 - Ɛmɛẅi ankà ankrànkràn 2003

¹⁴ Owù mán owú-bɔ̀-hibù, yɔ lɔ fɛn yɛ kɔ́n yɔ ku ɛnhyà-ẅì nɛnbà lɔ mɛ̀n. Nɛ́nbà ndɔ lɔ dú anhyrɛmɛ̀n wù.

Ɔwɔ-mɛ̀n-yrikàn 20:14 Iomraidhean Croise

1 Korɛntɛ̀n anmàn-bɔ̀ 15:26

Ɛmɛẅitrɔ gbri-wrɔn léyi yɛ lɛ jrɛ́ nɔn dú owù.

1 Korɛntɛ̀n anmàn-bɔ̀ 15:53

Annanwɔrɛ mɛ̀n lɔ, eci léyi dú ɛjrɛ́-ci nɔn, kè bɩ́ eci léyi ke sɩ́ jrɛ́a nɔn kɛ̀ vá edomɛ̀n; eci léyi ke wù nɔn, kè bɩ́ eci léyi kè sɩ̀ dù owú ci nɔn, kɛ̀ vá edòmɛ̀n.

Ɔwɔ-mɛ̀n-yrikàn 1:18

Mɛ̀n dú ɔkɔrɛ-wrɔn. Mɛ́n wù, tɛ́n zɛtɛ̀ lɔ mɛ̀n dú ɔkɔrɛ-wrɔn ɛnvra lɔ fɛn. Mɛ̀n ẅɛn ɛkɔrɛ̀srɔn owù mán owú-bɔ̀ hi wú.

Ɔwɔ-mɛ̀n-yrikàn 14:10

nɛ́n dùku ne le mí ɛntàn léyi ye ku n'ɛẅì, Ɔwɔ mɛ̀nhyì grashɛ̀n lɔ mɛ̀n nɔn! Anwrɔn ɔmu hɔ̀n lɔ, yɔ le dú ɛgbànkán mɛ̀n ɛnhyà-ẅì-wosu mɛ̀n, Ɔwɔ kùyüre-bɔ̀ prɔnprɔn hɔ̀n mán Ɔwɔ Kɔ̀kɔ̀sɛ̀-ẅì zìwú.

Ɔwɔ-mɛ̀n-yrikàn 19:20

Yɛ ẅɛn ɔnɔ̀n lɔ, ɔmu zri lɔ yɛ ẅɛn ɛyɔ̀n-wɔ-mùan-wú-ankà-dɔ́-wrɔn léyi hán anvɛmɛ̀n-frɛ́n-ci hɔ̀n lɔ n'ezìwú, ô kɛ̀ zrɛ́n anwrɔn hɔ̀n léyi cɔ́ ɔnɔ̀n lɔ n'ɛnrɛ̀n, kɩ ke cüe nɛ́n picɛ̀ lɔ ankorɛ̀ ezìwúɛ nɔn. Yɛ kɔ́n ɔnɔ̀n lɔ mán ɛyɔ̀n-wɔ-mùan-wú-ankà-dɔ́-wrɔn lɔ ankɔrɛkɔrɛ mɛ̀n ku ɛnhyà-ẅì nɛnbà lɔ mɛ̀n.

Ɔwɔ-mɛ̀n-yrikàn 2:11

Ke ji le ɔwrɔnwrɔn, ke dú kɛ nɛ̀n ẅɛn nukù hô, nɛ̀n yá anvrɛnvrɛn ankà léyi Ɛnhɛ́n kɛ dɔ́ Ɔwɔ-fɛcüè-bɔ̀ nɔn! Anwrɔn hɔ̀n léyi kɛ lɛ kɔ̀nkà nɔn, yɔ sɩ̀ vru wú anhyrɛmɛ̀n wù lɔ.”

Ɔwɔ-mɛ̀n-yrikàn 20:10

Zɛtɛn anwa-wrɔn léyi kɛ frɛ́n yɔ nɔn, yɛ kɔ́n nɛ̀n di ɛnhyà-ẅì nɛ́nbà lɔ mɛ̀n, ɛyri léyi ɔnɔ̀n lɔ mán ɛyɔ̀n-wɔ-mùan-wú-ankà-dɔ́-wrɔn lɔ gɔ́ dù nɔn. Yɔ le dú nanvrɛn ejüediemɛ̀n ɛnnyran mán ɛcɛ̀n ɛnvra lɔ fɛn.

Ɔwɔ-mɛ̀n-yrikàn 20:13

Ecüe tán owú-bɔ̀ hɔ̀n léyi nɛ́n bɩ nɔn. Owù mán owú-bɔ̀-hibù, yɔ mán yɔ tán y'owú-bɔ̀. Kɩ yɔ lɛ fɛn ye ci yɔ ɛmrɛ̀n eci léyi yɔ hán nɔn hɩ wú.

Ɔwɔ-mɛ̀n-yrikàn 20:15

Ɔwrɔn totɔtɔ̀n léyi ye sɩ̀ merɛ̀n n'ebi ɔkɔrɛ-wrú lɔ mɛ̀n nɔn, yɛ́ kɔ́n nɛ̀n dí ɛnhyà-ẅì nɛ́nbà lɔ mɛ̀n.

Ɔwɔ-mɛ̀n-yrikàn 20:6

Ɛnbɔrɛbru dú anwrɔn hɔ̀n léyi dú ɛnvrapkà wúemɛ̀n-dùfrɔ́ ndɔ lɔ mɛ̀n nɔn! Yɔ dú Ɔwɔ tɛn, kɩ anhyrɛmɛ̀n wú lɔ kè sɩ̀ ẅɛ̀n ɛkɔrɛ̀srɔn y'ɛwú; Yɔ le dú Ɔwɔ mán Krisì cice-bɔ̀, kɩ yɔ mán Krisì mɛhi yɔ lɛ ẅɛn ɛyri ɛnnànwàn tɛ̀buri.

Ɔwɔ-mɛ̀n-yrikàn 21:4

Ne le wurɛn y'anvɛ-shi lɔ fɛn. Owù ke sɩ̀ vru dùɛ, ɛbrà ke sɩ̀ vru dùɛ, obòtò ke sɩ̀ vru dùɛ, ɛgbànkàn ke sɩ̀ vru dùɛ. Annanwɔrɛ mɛ̀n lɔ ɛnbiɛhɛ́n-ci hɔ̀n lɔ kɛ lɛ zrɛ́n.”

Ɔwɔ-mɛ̀n-yrikàn 21:8

Zɛtɛn, nyɛ́n anbrá-di-bɔ̀, anmùan-anhyrɛ̀-dí-bɔ̀, ɛci-gbàngbàn-hán-bɔ̀, anwrɔn-wri-bɔ̀, ɛci-gbangbàn-kɔ̀hɔ̀n-hán-bɔ̀, seke-kɔ̀hɔ̀n-hán-bɔ̀, antɛ̀buri-sɛ́n-bɔ̀ mán anhyɔ̀n-bɔ̀ lɔ fɛn, ny'ɛyri dú ɛnhyà-ẅì nɛ́nbà lɔ mɛ̀n, nɛ́n de nɛ̀n dú anhyrɛmɛ̀n wù lɔ nɔn.”

Ɔwɔ-mɛ̀n-yrikàn 6:8

Mɛ̀n nyan kɩ mɛ̀n kán kpangɔ tɔ̀n léyi di ɛẅi wɔ̀ dùwru nɔn. Ɔwrɔn léyi yɛ́ nɛ̀n ɛwú nɔn, ye bi nɛ̀n Owù, kɩ ɛnhibùwú-bɔ̀ kɛ kɛ́n nɛ̀n ɛsɛ̀n. Yɛ tán yɔ ɛkɔrɛ̀srɔn ɛnhibù anzɔmɛ̀n cá wú, ô yɛ hán anwrɔn ke wú anhà-kɔ́n mɛ̀n, ɔmùanwúemɛ̀n, ɛnlɔẅiɛ mɛ̀n, ô annɔ̀n gbàngbàn hɔ̀n kɛ̀ hán yɔ yɔ wù.