Ɔwɔ-mɛ̀n-yrikàn 20:13 - Ɛmɛẅi ankà ankrànkràn 2003

¹³ Ecüe tán owú-bɔ̀ hɔ̀n léyi nɛ́n bɩ nɔn. Owù mán owú-bɔ̀-hibù, yɔ mán yɔ tán y'owú-bɔ̀. Kɩ yɔ lɛ fɛn ye ci yɔ ɛmrɛ̀n eci léyi yɔ hán nɔn hɩ wú.

Ɔwɔ-mɛ̀n-yrikàn 20:13 Iomraidhean Croise

Matie 11:23

Kɩ vɛ́n, Kapɛrnahümɛ̀n, e tro le e le sɩ́ v'edomɛ̀n ɛwú hàn kɩ ɛ̀ cɔ́ anhobɩ́ hɛ́? Ye le sɩ́ mɛ́n ɛnhi hàn kɩ ɛ lɛ cɔ́ owú-bɔ̀ anmàn. Ɔmuhi anvɛmɛ̀n-frɛ́n-ci hɔ̀n léyi yɛ hán v'eyri nɔn, ke dú kɛ yɛ hán yɔ Sodɔmɛ̀n anmàn hô, anmàn ndɔ lɔ ke le vru kè dú ɛnyɔncì lɔ.

Matie 16:27

Annànwɔrɛ mɛ̀n, ɔwrɔnẅì Ẅì kɛ lɛ vá nɛ́n Zi ci-zrɔ lɔ mɛ̀n, nɛ́n mán Ɔwɔ-kùyüre-bɔ̀ mɛhi, kɩ zɛtɛn, ne le ci ɔwrɔn wrɔn ɛmrɛ̀n, n'eci léyi nɛ̀n hán nɔn yi wú.

1 Korɛntɛ̀n anmàn-bɔ̀ 15:26

Ɛmɛẅitrɔ gbri-wrɔn léyi yɛ lɛ jrɛ́ nɔn dú owù.

Ɔwɔ-mɛ̀n-yrikàn 1:18

Mɛ̀n dú ɔkɔrɛ-wrɔn. Mɛ́n wù, tɛ́n zɛtɛ̀ lɔ mɛ̀n dú ɔkɔrɛ-wrɔn ɛnvra lɔ fɛn. Mɛ̀n ẅɛn ɛkɔrɛ̀srɔn owù mán owú-bɔ̀ hi wú.

Ɔwɔ-mɛ̀n-yrikàn 2:23

Kɩ me le vru mɛ̀n hán n'ɛẅì hɔ̀n kè wù. Ɔmu lɔ de Ɔwɔ-fɛcüè-bɔ̀ lɔ fɛn ke le nyri ɔmu le me nyri anwrɔnẅì ankatro hɔ̀n mán y'ɛnbɔrɛmɛ̀n ci hɔ̀n lɔ nɔn. Me le di ɔwrɔnwrɔn eci léyi nɛ̀n hán nɔn yi wɔ̀ɛn.

Ɔwɔ-mɛ̀n-yrikàn 20:12

Zɛtɛn, mɛ̀n kán owú-bɔ̀, ɛcüìcüì hɔ̀n mán ɛẅi hɔ̀n, tɔhú nyɔn ɛgbú-tòbù zìwúɛ. Ye vuru ɛwrú hɔ̀n ɔmùan. Owrú nyantɛn tɔ̀n mán ye vuru ɔmùan, ɔkɔrɛ wrú lɔ. Ye ci owú-bɔ̀ ɛmrɛ̀n eci léyi yɔ hán nɔn wú, hán ɔmu le ye merɛ́n ɛwrú hɔ̀n lɔ mɛ̀n nɔn.

Ɔwɔ-mɛ̀n-yrikàn 20:14

Owù mán owú-bɔ̀-hibù, yɔ lɔ fɛn yɛ kɔ́n yɔ ku ɛnhyà-ẅì nɛnbà lɔ mɛ̀n. Nɛ́nbà ndɔ lɔ dú anhyrɛmɛ̀n wù.

Ɔwɔ-mɛ̀n-yrikàn 21:4

Ne le wurɛn y'anvɛ-shi lɔ fɛn. Owù ke sɩ̀ vru dùɛ, ɛbrà ke sɩ̀ vru dùɛ, obòtò ke sɩ̀ vru dùɛ, ɛgbànkàn ke sɩ̀ vru dùɛ. Annanwɔrɛ mɛ̀n lɔ ɛnbiɛhɛ́n-ci hɔ̀n lɔ kɛ lɛ zrɛ́n.”

Ɔwɔ-mɛ̀n-yrikàn 6:8

Mɛ̀n nyan kɩ mɛ̀n kán kpangɔ tɔ̀n léyi di ɛẅi wɔ̀ dùwru nɔn. Ɔwrɔn léyi yɛ́ nɛ̀n ɛwú nɔn, ye bi nɛ̀n Owù, kɩ ɛnhibùwú-bɔ̀ kɛ kɛ́n nɛ̀n ɛsɛ̀n. Yɛ tán yɔ ɛkɔrɛ̀srɔn ɛnhibù anzɔmɛ̀n cá wú, ô yɛ hán anwrɔn ke wú anhà-kɔ́n mɛ̀n, ɔmùanwúemɛ̀n, ɛnlɔẅiɛ mɛ̀n, ô annɔ̀n gbàngbàn hɔ̀n kɛ̀ hán yɔ yɔ wù.