Ɔwɔ-mɛ̀n-yrikàn 20:12 - Ɛmɛẅi ankà ankrànkràn 2003

¹² Zɛtɛn, mɛ̀n kán owú-bɔ̀, ɛcüìcüì hɔ̀n mán ɛẅi hɔ̀n, tɔhú nyɔn ɛgbú-tòbù zìwúɛ. Ye vuru ɛwrú hɔ̀n ɔmùan. Owrú nyantɛn tɔ̀n mán ye vuru ɔmùan, ɔkɔrɛ wrú lɔ. Ye ci owú-bɔ̀ ɛmrɛ̀n eci léyi yɔ hán nɔn wú, hán ɔmu le ye merɛ́n ɛwrú hɔ̀n lɔ mɛ̀n nɔn.

Ɔwɔ-mɛ̀n-yrikàn 20:12 Iomraidhean Croise

Matie 11:22

Hɩ le kruhú de mɛ dɔ́ nyɛ̀n le, ɛmrɛ̀nci bì lɔ, y'ɛgbàn-wɔɛ̀n-dì lɔ kɛ lɛ sɔ́ vrán Tirɛ̀n mán Sidɔn tɛn lɔ.

Matie 16:27

Annànwɔrɛ mɛ̀n, ɔwrɔnẅì Ẅì kɛ lɛ vá nɛ́n Zi ci-zrɔ lɔ mɛ̀n, nɛ́n mán Ɔwɔ-kùyüre-bɔ̀ mɛhi, kɩ zɛtɛn, ne le ci ɔwrɔn wrɔn ɛmrɛ̀n, n'eci léyi nɛ̀n hán nɔn yi wú.

Lükɛ̀n 10:20

Tɛ́n ke sɩ́ ji le nyɛ́n brá pɔpüɛ̀, ɔmuhi anhɛ́n gbangàn ke die nyɛ̀n nukùɛ nɔn; tɛ́n pɔpüɛ̀ kɛ̀ brá nyɛ̀n ɔmuhi ye merɛ́n ny'ebí dú owrúemɛ̀n anhobɩ́ nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 24:15

Mɛ̀n ẅɛn esɛ́ Ɔwɔ mɛ̀n, esɛ́ ndɔ léyi yɔ mumù mán yɔ ẅɛ̀n le, anwrɔn ankrànkràn mán angbàngbàn, yɔ lɔ fɛn, yɔ le dú owúemɛ̀n yɔ frɔ́.

Rɔmɛ̀n-anmàn-bɔ̀ 2:6

kɩ ɛnbì lɔ, nɛ lɛ tán ɔwrɔnwrɔn eci léyi dú nɛ tɛn nɔn.

1 Korɛntɛ̀n anmàn-bɔ̀ 4:5

Hɩ le kruhú de ke sɩ́ ji le nyɛ́n ci ɔwrɔn zriɛmɛ́n ɛ̀mrɛ̀n, ke dú kɛ ɛnvra léyi yɛ wá nɔn kɛ vá cɔ̀. Nyɛ́n vrá Ɛẅɛnwrɔn kɛ̀ và: ne le sɩ́ ɛyri-kán mɛ̀n, eci léyi bán ɛyri-yɔwɔ mɛ̀n, kɩ ne le sɩ́ anwrɔnẅì ankà-tro ci-bán-ci hɔ̀n lɔ fɛn ɛntrɛ. Zɛtɛn ɔwrɔnwrɔn kɛ lɛ cɔ́ Ɔwɔ yri, ɛmrɛ́n léyi dú nɛ tɛn nɔn.

2 Korɛntɛ̀n anmàn-bɔ̀ 5:10

Ɔmuhi ke ji le bɔ́ lɔ fɛn bɔ̀ srɔ Krisì zìwú, ô nɛ̀n ci bɔ̀ ɛmrɛ̀n; zɛtɛn ɔwrɔnwrɔn kɛ lɛ cɔ́ eci léyi dú nɛ tɛn, n'ɛwúvà ankrankran mán angbàngbàn ẅɛn mɛ̀n, n'ɛnu ɛnhi wúvà lɔ mɛ̀n nɔn.

Filipɛ̀n anmàn-bɔ̀ 4:3

Kɩ vɛ́n mán, m'ɔmùan-zri-di-wrɔn mán m'ɛkɔrɛ̀-wá-wrɔn mɛ dɔ́ mɛ́n ɛ̀ wá yɔ ɛkɔrɛ̀; Yɔ mán mɛ̀n mɛhi annanwɔrɛmɛ̀n lɔ, bɔ́ kɔ́n anhà, ô Ɛmɛẅi ankà Ankrankran lɔ kè bonyì, hán ɔmu le bɔ̀ hán bɔ́ mán Kleman mán ɛkɔrɛ̀-wá-bɔ̀ ndɔ hɔ̀n lɔ fɛn léyi y'ebi dú ɔkɔrɛ wrú lɔ mɛ̀n nɔn.

Ɔwɔ-mɛ̀n-yrikàn 11:18

Ɛnhi wú anmàn hɔ̀n sɩ́ y'edomɛ̀n ɛwú ɛmɛ̀nhyiemɛ̀n, tɛ́n zɛtɛ̀ lɔ, v'ɛmɛ̀nhyì bɩ de ke yé n'edomɛ̀n nɔn, owú-bɔ̀ mrɛ̀nci vra lɔ ncɔa, ɛnvra léyi ɛ lɛ bó, v'eci-bɩ̀tan-bɔ̀, Ɔwɔ-mùan-wú-ankà-dɔ́-bɔ̀ mán yɔ hɔ̀n léyi dú vɛ tɛn, kɩ kɛ wá mɛ́n, ɛcüìcüì mán ɛyriyri, anjakpà nɔn, ncɔa; ɛnvra léyi ke ji le yɛ jrɛ́ anwrɔn hɔ̀n léyi kɛ jrɛ́ ɛnhi nɔn, ncɔa!”

Ɔwɔ-mɛ̀n-yrikàn 13:8

Ɛnhi-wú-bɔ̀ lɔ fɛn ke le cüe nɛ̀n ankɔrɛ̀ ezìwúɛ, anwrɔn hɔ̀n léyi ye sɩ̀ merɛ́n yɔ bi ɔkɔrɛ wrú lɔ mɛ̀n ɛnhibù krubɔmɛ̀n hàn hɛ́n, ɔkɔrɛ wrú léyi dú Ɔwɔ kɔ̀kɔ̀sɛ̀-ẅì léyi ye wrì nɔn tɛn.

Ɔwɔ-mɛ̀n-yrikàn 17:8

Ɔnɔ̀n léyi ɛ kàn nɔn, ɛnbiɛhɛ́n lɔ nɛ̀n dú ankɔrɛkɔrɛ mɛ̀n, tɛ́n nɛ̀n sɩ̀ vrù dù ankɔrɛkɔrɛ mɛ̀n hàn; ke ji le nɛ̀n dú gbàzrɔ mɛ̀n nɛ̀n srɔ ɛntrɛ, ô nɛ̀n hɔ́n n'ɛzrɛ́n mɛ̀n. Ɛnhi-wú-anmàn-bɔ̀ léyi ɛnhibù krubɔmɛ̀n hàn-hɛ́n ye sɩ̀ mrɛ̀n yɔ bi, kè dù ɔkɔrɛ wrú lɔ mɛ̀n nɔn, ke le dú anvɛmɛ̀n-frɛ́n mɛ̀n ɛnvra léyi yɔ lɛ kán ɔnɔ̀n lɔ nɔn: annanwɔrɛ mɛ̀n lɔ, ɛnbiɛhɛ́n vra lɔ, nɛ̀n dú ankɔrɛkɔrɛ mɛ̀n, tɛ́n nɛ̀n sɩ̀ vrù dù ɔmu lɔa, kɩ ne le vru nɛ̀n srɔ.

Ɔwɔ-mɛ̀n-yrikàn 19:5

Yɛ yá esùva tɔ̀n dú ɛgbú-tòbù wú nvà; nɛ dɔ̀ le: “Nyɛ́n mrɛ́n b'Ɔwɔ lɔ, nyɛ lɛ fɛn n'eci-bɩtan-bɔ̀, nyɛ́n léyi nyɛ́n ẅɛn n'ɛwa, ɛcüìcüì hɔ̀n mán ɛẅì hɔ̀n!”

Ɔwɔ-mɛ̀n-yrikàn 2:23

Kɩ me le vru mɛ̀n hán n'ɛẅì hɔ̀n kè wù. Ɔmu lɔ de Ɔwɔ-fɛcüè-bɔ̀ lɔ fɛn ke le nyri ɔmu le me nyri anwrɔnẅì ankatro hɔ̀n mán y'ɛnbɔrɛmɛ̀n ci hɔ̀n lɔ nɔn. Me le di ɔwrɔnwrɔn eci léyi nɛ̀n hán nɔn yi wɔ̀ɛn.

Ɔwɔ-mɛ̀n-yrikàn 20:11

Zɛtɛn mɛ̀n kán ɛgbú-tòbù wosu vri tɔ̀n mán ɔwrɔn léyi yɛ́ nɛ̀n ɛwú nɔn. Ɛnhi mán anhobɩ́ srɛ́ esù she n'ɛtɛ̀sɛ̀n, kɩ ye sɩ̀ vru kàn yɔa.

Ɔwɔ-mɛ̀n-yrikàn 20:13

Ecüe tán owú-bɔ̀ hɔ̀n léyi nɛ́n bɩ nɔn. Owù mán owú-bɔ̀-hibù, yɔ mán yɔ tán y'owú-bɔ̀. Kɩ yɔ lɛ fɛn ye ci yɔ ɛmrɛ̀n eci léyi yɔ hán nɔn hɩ wú.

Ɔwɔ-mɛ̀n-yrikàn 20:15

Ɔwrɔn totɔtɔ̀n léyi ye sɩ̀ merɛ̀n n'ebi ɔkɔrɛ-wrú lɔ mɛ̀n nɔn, yɛ́ kɔ́n nɛ̀n dí ɛnhyà-ẅì nɛ́nbà lɔ mɛ̀n.

Ɔwɔ-mɛ̀n-yrikàn 21:27

Tɛ́n ɛnbrá-ci zriɛmɛ́n ke sɩ̀ bru anmàn ndɔ lɔ mɛ̀n, ɔwrɔn léyi kɛ hán ɛci-promɛ̀n mán ɛyɔ̀n kɔ̀hɔ̀n nɔn. Yɔ léyi ye merɛ́n y'ebi ɔkɔrɛ-wrú léyi dú Ɔwɔ-Kɔ̀kɔ̀sɛ̀-ẅì lɔ tɛn nɔn, yɔ zri kɩ yɔ le bru anmàn ndɔ lɔ mɛ̀n.

Ɔwɔ-mɛ̀n-yrikàn 22:12

“Zhezü kɛ dɔ̀ le, è die nukùɛ, mɛ vá ɛnvra buriemɛ̀n! Me le sɩ́ anjakpà léyi mɛ lɛ tán ɔwrɔnwrɔn n'eci léyi nɛ̀n hán nɔn hɩ wú.

Ɔwɔ-mɛ̀n-yrikàn 3:5

Anwrɔn hɔ̀n léyi kɛ lɛ kɔ̀nkà nɔn, ɔmu lɔ yɔ lɛ cɔ́ ɛceci wɔsù; mɛ́n sɩ̀ gbú y'ebi mɛ̀n sɔhɔ́ ɛwúvà kɔrɛ̀ wrú lɔ mɛ̀n. Dade zìwú mán n'ɛkùyüre-bɔ̀ zìwú, me le nyri ɔmu le yɔ dú mɛ tɛn.