Ɔwɔ-mɛ̀n-yrikàn 20:11 - Ɛmɛẅi ankà ankrànkràn 2003

¹¹ Zɛtɛn mɛ̀n kán ɛgbú-tòbù wosu vri tɔ̀n mán ɔwrɔn léyi yɛ́ nɛ̀n ɛwú nɔn. Ɛnhi mán anhobɩ́ srɛ́ esù she n'ɛtɛ̀sɛ̀n, kɩ ye sɩ̀ vru kàn yɔa.

Ɔwɔ-mɛ̀n-yrikàn 20:11 Iomraidhean Croise

Matie 11:22

Hɩ le kruhú de mɛ dɔ́ nyɛ̀n le, ɛmrɛ̀nci bì lɔ, y'ɛgbàn-wɔɛ̀n-dì lɔ kɛ lɛ sɔ́ vrán Tirɛ̀n mán Sidɔn tɛn lɔ.

Matie 24:35

Anhobɩ́ mán ɛnhibù kɛ lɛ vàcì, tɛ́n m'ɔmùan ankà-dɔ̀ ke sɩ̀ vàcí mrìmrì.”

Matie 25:31

“Ɛnvra léyi ɔwrɔnẅì Ẅì kɛ lɛ vá n'eci-zrɔ lɔ mɛ̀n, nɛ́n mán Ɔwɔ-kùyüre-bɔ̀ lɔ fɛn mɛhi nɔn, nɛ lɛ yɛ́ n'eci-zrɔ-gbú-tobù lɔ wú.

Rɔmɛ̀n-anmàn-bɔ̀ 2:5

Tɛ́n ɛ̀ ẅɛn ɛnbɔrɛ shishi, e sɩ́ ji ɛ̀ crɔn. Hɩ le kruhú de, ɛ lɛ wán ɛgbàn-wɔ̀ɛn-dì vri è sɩ́ v'ɛwú ɛnbì léyi Ɔwɔ ke le yé n'ɛmɛ̀nhyì mán n'ɛnyrɔnnan mrɛ̀ncì,

2 Piɛrɛ̀n 3:7

Hɩ le kɛ crɛ nyan anhobɩ́ mán ɛnhi léyi dú zɛtɛ nɔn, Ɔwɔ mùan-ankà-dɔ̀ zri lɔ ẅɛn yɔ hɛ́n kɛ̀ tán ɛnhyà léyi kɛ lɛ jrɛ́ yɔ nɔn. Ye bɩ́ yɔ, yɔ hɛ́n yɛ vrá ɛmrɛ̀nci bì lɔ mán ɛgbán-hán-bɔ̀ jrɛ́ vra.

Ɔwɔ-mɛ̀n-yrikàn 12:8

Tɛ́n anwàn-lɛ̀bri anhà nkà, kɩ nɛ́n mán n'ɛkuyüre-bɔ̀ mɛhi yɔ sɩ̀ vrù cɔ̀ ɛyri anhobɩ́ yɔ yɛ̀a.

Ɔwɔ-mɛ̀n-yrikàn 16:20

Ɛnshiwú-vu-ta hɔ̀n lɔ fɛn zrɛ́n kɩ ye sɩ́ vru kán nkpò zriɛmɛ́n.

Ɔwɔ-mɛ̀n-yrikàn 19:11

Zɛtɛn mɛ̀n kán anhobɩ́ gbɛ́ ɔmùan, kɩ kpàngɔ wosu tɔ̀n srɔ. Ɔwrɔn léyi yɛ́ nɛ̀n ɛwú nɔn, ye bi nɛ̀n Ɔmùanzri-dì mán Annanwɔrɛ; ne ci ɛmrɛ̀n kɩ nɛ kɔ́n anhà ɛnyrɔnnan mɛ̀n.

Ɔwɔ-mɛ̀n-yrikàn 20:2

Nɛ̀n ẅɛn anwàn lɛbrì lɔ, ɛnbiɛhɛ́n lɛbrì, hɩ mɛ̀n kɛ dɔ̀ le anwawrɔn léyi ye bi Satan nɔn, kɩ nɛ̀n tɔ́n yi gbràka mɛ̀n kɛ̀ dì ɛnnanwàn tɛ̀buri.

Ɔwɔ-mɛ̀n-yrikàn 21:1

Zɛtɛn mɛ̀n kán anhobɩ́ wrù tɔ̀n mán ɛnhi wrù tɔn. Ɛnvrakpà hobɩ́ mán ɛnvrakpà hi cɔ́wá kɩ ecüe ke sɩ̀ vrù dùɛ.

Ɔwɔ-mɛ̀n-yrikàn 21:5

Zɛtɛn ɔwrɔn léyi yɛ́ ɛgbú-tòbù wú nɔn kɛ dɔ̀ le: “Zɛtɛ̀ lɔ mɛ hán ecì hɔ̀n lɔ fɛn owrù.” Zɛtɛn nɛ dɔ́ mɛ̀n le: “È merɛ́n ndɔ lɔ, ɔmuhi m'ɔmùan-ankà-dɔ̀ hɔ̀n dú annanwɔrɛ kɩ ẅɛn esɛ́ nɔn.”

Ɔwɔ-mɛ̀n-yrikàn 4:2

Ɛnvra zri lɔ, Ɛnhɛ́n bru mɛ̀n edù. Kɩ anhobɩ́, nanvrɛn lɔ, ɛgbú-tòbù tɔ̀n ndù. Ɛgbú-tòbù ndɔ lɔ wú ɔwrɔn tɔ̀n yɛ́;

Ɔwɔ-mɛ̀n-yrikàn 6:14

Anhobɩ́ cɔ́wá hán owrú léyi ye serɛ nɔn hɔ́. Ɛnkpò hɔ̀n lɔ fɛn mán ɛnshi-wú-vuta hɔ̀n cɔhɔ́ y'ɛnyɔn-yri.