Ɔwɔ-mɛ̀n-yrikàn 2:7 - Ɛmɛẅi ankà ankrànkràn 2003

⁷ Ke ji le ɔwrɔnwrɔn, ke dú kɛ nɛ̀n ẅɛn nukù hô, nɛ̀n yá ankà léyi Ɛnhɛ́n kɛ dɔ́ Ɔwɔ-fɛcüè-bɔ̀ nɔn! Anwrɔn hɔ̀n léyi kɛ kɔ́n kà nɔn, mɛ lɛ tán yɔ ɛcizî ɛwùvà-kɔrɛ̀ tɛ̀-ẅì hɔ̀n léyi dú Ɔwɔ kɛ̀tɛ̀ lɔ mɛ̀n nɔn.”

Ɔwɔ-mɛ̀n-yrikàn 2:7 Iomraidhean Croise

Matie 11:15

Nyɛ́n die nukù anvrɛnvrɛn, ke dú kɛ nyɛ́n ẅɛn nukù!

Matie 13:43

Tɛ́n, zɛtɛn anwrɔn hɔ̀n léyi kɛ wá Ɔwɔ nɔn kɛ lɛ gbrɛ́n kɛ̀ hán ɛnbri léyi dú yɔ Zi dúyri lɔ nɔn hɔ́. Nyɛ́n die nukù anvrɛnvrɛn, ke dú kɛ nyɛ́n ẅɛn nukù!”

Matie 13:9

Kɩ Zhezü vru kɛ dɔ̀ le: “Nyɛ́n die nukù anvrɛnvrɛn, ke dú kɛ nyɛ́n ẅɛn nukù!”

Markɛ̀n 4:9

Kɩ Zhezü kɛ dɔ̀ le: “Nyɛ́n die nukùɛ anvrɛnvrɛn, ke dú kɛ nyɛ́n ẅɛn nukù nyɛ yá ankà!”

Markɛ̀n 7:15

Kè sɩ̀ dù eci léyi ke dú ɛntrɛ ke bru ɔwrɔnẅì mɛ̀ntɛ̀ lɔ mɛ̀n nɔn de kɛ wá nɛ̀n ɛnbrá edomɛ̀n nɔn. Tɛ́n eci léyi ke dú nɛ̀n ɛnbɔrɛmɛ̀n kɛ srɔ nɔn de kɛ wá nɛ̀n ɛnbrá edomɛ̀n nɔn. [

Markɛ̀n 7:16

Nyɛ́n die nukù anvrɛnvrɛn ke dú kɛ nyɛ́n ẅɛn nukù nyɛ yá ankà!]”

Lükɛ̀n 23:43

Zhezü mrɛ́n nɛ̀n ɔmùan le: “Mɛ dɔ́ mɛ́n annànwɔrɛ mɛ̀n le: Ɛnyɔncì lɔ, mɛ̀n mán vɛ́n mɛhi bɔ́ le bru anhobɩ́.”

Lükɛ̀n 8:8

Ɔtrɔmɛ̀n lɔ, ɛci janbɔ̀ cüe ɛnhi ankrànkràn mɛ̀n. Ɛci hɔ̀n lɔ dì, sɔ́, shi ɛẅì; nzri zri ke shi ɛẅì ɛkoẅi-ɛnrì.” Kɩ Zhezü kɛ dɔ̀ le: “Nyɛ́n die nukù anvrɛnvrɛn, ke dú kɛ nyɛ́n ẅɛn nukù nyɛ yá ankà!”

Zhan 16:33

Mɛ̀n dɔ́ nyɛ̀n ankà ndɔ lɔ fɛn, ô nyɛ́n cɔ́ anwɔwɔ nyɛ́n mɛhi b'ɔbɔ̀sɔ̀ lɔ mɛ̀n. Nyɛ lɛ kán ɛgbàn ɛnhibù wú. Tɛ́n edù kè yɩ́ nyɛ̀n! Mɛ́n kɔ̀n ká ɛnhibù!”

1 Korɛntɛ̀n anmàn-bɔ̀ 2:10

Tɛ́n, bɔ́ de Ɔwɔ yé bɔ̀ ankà-bán-ankà ndɔ lɔ Ɛnhɛ́n Prɔnprɔn cüìemɛ̀n nɔn. Annanwɔrɛ mɛ̀n lɔ, Ɛnhɛ́n Prɔnprɔn ẅɛn ɛkɔrɛ̀-levri kɛ lɛ crɛ́n Ɔwɔ mùan-wá-ci hɔ̀n lɔ mɛ̀n, annannan le yɔ hɔ̀n léyi zeze dú ɛbán vriemɛ̀n nɔn.

1 Zhan 2:13

Me merɛ́n nyɛ̀n owrú, dàde hɔ̀n, ɔmuhi nyɛ́n nyri ɔwrɔn léyi dú ɛnkrubɔmɛ̀n hàn hɛ́n nɔn. Me merɛ́n nyɛ̀n owrú, sùgban-bɔ̀, ɔmuhi nyɛ́n kɔ̀nká eci gbàngbàn nɔn.

Ɔwɔ-mɛ̀n-yrikàn 13:9

“Nyɛ́n die nukù anvrɛnvrɛn ke dú kɛ nyɛ́n ẅɛn nukù nyɛ yá ankà!

Ɔwɔ-mɛ̀n-yrikàn 14:13

Zɛtɛn mɛ̀n yá anhobɩ́ sùva tɔ̀n kɛ dɔ́ mɛ̀n le: “È merɛ́n ankà ndɔ lɔ: ‘Ɛnbɔrɛbru dú anwrɔn hɔ̀n léyi zɛtɛ̀ lɔ ke wú Ɛẅɛnwrɔn ci-bɩ̀tan kɔ̀hɔ́n mɛ̀n nɔn!’ – ‘Hɛ̀ɛ̀, yɔ dú ɛnbɔrɛbruemɛ̀n, ɔmu lɔ de Ɛnhɛ́n kɛ dɔ̀ nɔn. Yɔ lɛ cɔ́ y'ɔkɔ̀hɔ̀n-shishi-hán wrɔncüe, ɔmuhi anvrɛn léyi yɔ hán nɔn, kɛ kɛ́n yɔ ɛsɛ̀n!’ ”

Ɔwɔ-mɛ̀n-yrikàn 15:2

Zɛtɛn mɛ̀n kán eci cá ecüe léyi ɛmɛ̀n bí hán zɛnci hɔ́, ɛnhyà dú nɛ̀n ɛmɛ̀n. Anwrɔn hɔ̀n lɔ fɛn léyi kɔ́nká ɔnɔ̀n lɔ, nɛ́n picɛ̀ mán eci-krɛ̀ léyi dú n'ebi lɔ wú nɔn, nyɔn ɛwú, ecüe zɛnci ndɔ lɔ wú. Anhɛ́ mràn léyi Ɔwɔ tán yɔ nɔn, dú yɔ antamɛ̀n.

Ɔwɔ-mɛ̀n-yrikàn 2:11

Ke ji le ɔwrɔnwrɔn, ke dú kɛ nɛ̀n ẅɛn nukù hô, nɛ̀n yá anvrɛnvrɛn ankà léyi Ɛnhɛ́n kɛ dɔ́ Ɔwɔ-fɛcüè-bɔ̀ nɔn! Anwrɔn hɔ̀n léyi kɛ lɛ kɔ̀nkà nɔn, yɔ sɩ̀ vru wú anhyrɛmɛ̀n wù lɔ.”

Ɔwɔ-mɛ̀n-yrikàn 2:17

Ke ji le ɔwrɔnwrɔn, ke dú kɛ nɛ̀n ẅɛn nukù hô, nɛ̀n yá anvrɛnvrɛn ankà léyi Ɛnhɛ́n kɛ dɔ́ Ɔwɔ-fɛcüè-bɔ̀ nɔn! Anwrɔn hɔ̀n léyi kɛ lɛ kɔ̀nkà nɔn, mɛ lɛ tán yɔ anhobɩ́ ci-zî léyi dú ɛbánmɛ̀n nɔn. Me le vru mɛ̀n tán ɔwrɔn zrizri y'ɛmɛ̀n lɔ, obùẅì wosù tɔ̀n léyi n'ɛwú lɔ ye merɛ́n ebi wrù tɔ̀n léyi ɔwrɔn zriɛmɛ́n kè sɩ̀ nyrìɛn, ke dú kɛ kè sɩ̀ dù ɔwrɔn léyi yɛ tán ebi lɔ nɔn.”

Ɔwɔ-mɛ̀n-yrikàn 21:7

Ɔwrɔn totɔtɔ̀n léyi kɛ lɛ kɔ̀nkà nɔn, nɛ lɛ cɔ́ m'antamɛ̀n ecice ndɔ lɔ; me le dú n'Ɔwɔ, kɩ ne le dú m'ɛnẅì.

Ɔwɔ-mɛ̀n-yrikàn 22:14

Ɛnbɔrɛbru dú anwrɔn hɔ̀n léyi ke jru y'ɛceci hɔ̀n lɔ, kɩ ẅɛn ɛkɔrɛ̀levri ke le zî ɔkɔrɛ-tɛ̀ tɛ̀-ẅì hɔ̀n lɔ, ô kè ci ɛsù-gbàtà hɔ̀n mɛ̀n ke bru anmàn.

Ɔwɔ-mɛ̀n-yrikàn 22:17

Ɛnhɛ́n mán eyiri-hi kɛ dɔ̀ le: “Và!” Ɔwrɔn léyi kɛ yá ankà ndɔ lɔ nɔn, nɛ́n mán nɛ̀n dɔ̀ le: “Và!” Ɔwrɔn léyi ɛnshi mùan-wù kɛ ẅɛ̀n nɔn, nɛ̀n và; Ɔwrɔn léyi ke ji ɔkɔrɛ shi nɔn, kɛ̀ cɔ́ ɔkɔrɛ shi lɔ ankora.

Ɔwɔ-mɛ̀n-yrikàn 22:2

kɩ kɛ gbɛ́ anmàn drɛn-mɔɛn wanzi. Ɔkɔrɛ-tɛ̀ léyi ke shi ɛẅì andɛ̀n ɛvà-anhyrɛ̀ ɛnnanwàn zri granmɛ̀n, ɛdɛ̀n zri okù lɔ fɛn mɛ̀n nɔn, dú mancüe zì mán ɛmɛẅi. N'ɛẅi hɔ̀n lɔ, ye bɩ yɛ kɔrɛ ɛnhi wú anmàn hɔ̀n.