Ɔwɔ-mɛ̀n-yrikàn 2:5 - Ɛmɛẅi ankà ankrànkràn 2003

⁵ E nyri ɛyri léyi e dù è bore nɔn, n'ɛwú ciemɛ̀n! Yi ankà kè bru mɛ̀n, ɛ̀ crɔn v'eci-hán-ci, ô ɛ̀ hán eci kɛ̀ hán ɛnkrubɔmɛ̀n hɔ́. Ke dú kɛ e sɩ́ ji ɛ̀ crɔn, mɛ lɛ và cɔ́ mɛ́n, kɩ me le bɩ́ vɛ́n kɛ̀niɛn lɔ mɛ̀n sɔhɔ́ n'ɛhɛ́n-yriɛ.

Ɔwɔ-mɛ̀n-yrikàn 2:5 Iomraidhean Croise

Matie 5:14

Nyɛ́n de nyɛ́n dú ɛnhibù wú yri-kàn. Anmàn léyi dú ɛnkpò wú nɔn, ke sɩ̀ bán rɔ́.

Matie 5:15

Ye sɩ́ dɔ́n kɛniɛn yɛ wá sonu krùgbɛ̀n. Tɛ́n kɛniɛn tɛ̀ wú de yɛ hɛ́n nɛ̀n nɔn, ô nɛ̀n tán anwrɔn hɔ̀n léyi dú anwɔn mɛ̀n nɔn, ɛyri-kàn.

Markɛ̀n 12:9

Zɛtɛn, Zhezü ke yrɛ n'ɛsɛ̀nkɛn-bɔ̀ lɔ le: “Ecitan de ɛkɛ̀tɛ̀-nɛ́n-zi lɔ kɛ lɛ hán nɛ́n? Ɛkɛ̀tɛ̀-nɛ́n-zi kɛ lɛ và ke le wri ɔkɔ̀hɔ̀n-hán-bɔ̀ gbàngbàn hɔ̀n lɔ, kɩ ke le bɩ́ ɛkɛ̀tɛ̀ lɔ kɛ̀ wá anwrɔn nyàntɛn hɔ̀n antamɛ̀n.

Lükɛ̀n 1:17

Nɛ lɛ và kɛ lɛ hán Ɔwɔ-kɔ̀hɔ̀n-hán-wrɔn hɔ́, ne le bɩ́ Ɔwɔ-mùanwú-ankà-dɔ́-wrɔn Eli hɛ́n mán n'ecüì, nɛ̀n hɔ́n Ɔwɔ zìwú, ô nɛ̀n wɔ́ ɛẅì-nɛ́n-zi hɔ̀n mán y'ɛẅì hɔ̀n angranmɛ̀n, ô nɛ̀n bɩ́ nukù-fɔn-bɔ̀ nɛ̀n và di ɛnyrɔnnan-bɔ̀ mɛ̀n, ô nɛ̀n srɔ yɔ Ɛẅɛnwrɔn fɛcüè-bɔ̀.”

Lükɛ̀n 20:16

Ɛkɛ̀tɛ̀-nɛ́n-zi kɛ lɛ và, ne le wri ɔkɔhɔ̀n-hán-bɔ̀ lɔ, kɩ ne le bɩ́ ɛkɛ̀tɛ̀ lɔ nɛ̀n wá anwrɔn nyantɛn antamɛ̀n.” Ɛnvra léyi anwrɔn yá ankà ndɔ lɔ nɔn, yɔ dɔ̀ le: “Eci ndɔ lɔ ke sɩ̀ hán rɔ́!”

Galasi anmàn-bɔ̀ 5:4

Nyɛ́n léyi nye ji yɛ srɔ nyɛ̀n ɛnyrɔnnan-bɔ̀ Ɔwɔ zìwú ɛnyànmàn kɔrɛ̀levriemɛ̀n nɔn, nyɛ́n mán Krisì mɛhi angranmɛ̀n gbɛ́ nyɛ̀n ɔmùan; nyɛ́n sɩ̀ vrù dù Ɔwɔ bɔafɔ̀n lɔ mɛ̀n.

Filipɛ̀n anmàn-bɔ̀ 2:15

ô nyɛ́n dú ɛnyrɔnnanmɛ̀n mán ɛfifiemɛ̀n, nyɛ́n dú Ɔwɔ-ẅì hɔ̀n léyi ɛgbàn zriɛmɛ́n bàdà edomɛ̀n ɛnu ɛnhibù ndɔ lɔ wú, ɛyɔ̀n-bɔ̀ mán anwrɔn gbàngbàn hɔ̀n wanzi. Ke ji le nyɛ́n dú y'ɛmɛ̀n nyɛ́n gbrɛ́n kɛ̀ hán anhobɩ́ kùcànkrò hɔ́,

Ebre-bɔ̀ 10:32

Kè bru nyɛ̀n ɛci hɔ̀n léyi nyɛ́n gɔ̀ kán ny'ɛwúvà lɔ mɛ̀n nɔn. Ɛnvra ndɔ hɔ̀n lɔ mɛ̀n, ɛnvra léyi nyɛ́n cɔ́ Ɔwɔ yrikàn nɔn, nyɛ́n kán ɛgbàn bobrebe, nyɛ́n kɔ́n anhà shishi.

2 Piɛrɛ̀n 3:17

Nyɛ tɛn, m'annyran anvrɛn hɔ̀n, ye bi dɔ́ nyɛ̀n zɛtɛ̀ lɔ. Zɛtɛn nyɛ́n wá esùva, nyɛ́n bɩ́ teze ny'edomɛ̀n nyɛ́n zrɛ́n hán, ɛzɛ̀n ci-hán mɛ̀n, nyɛ́n mán ɛnkru-fe-bɔ̀ mɛhi, kɩ nyɛ́n bɩ́ teze ny'esùnàn ankànkràn léyi nyɛ́n ẅɛ̀n nɔn.

Zhüdɛ̀n 1:24

Ɔwrɔn léyi kɛ lɛ wá nyɛ̀n ɛkɔrɛ̀ ebore mɛ̀n, ô kɛ̀ hán nyɛ̀n nyɛ́n dú ɛfifiemɛ̀n nyɛ́n srɔ pɔpüɛ̀ vriemɛ̀n n'eci-zrɔ zìwú nɔn,

Ɔwɔ-mɛ̀n-yrikàn 1:20

Nyàn ankà bán ankà léyi dú okùcankrò ɔbɔ̀ɛn hɔ̀n léyi ɛ kán m'ezì-kɔrɛ̀ kɔrɛ̀ màn lɔ mɛ̀n mán ansikɛ kɛniɛn hɔ̀n ɔbɔ̀ɛn lɔ mɛ̀n nɔn: okùcankrò ɔbɔ̀ɛn hɔ̀n lɔ dú Ɔwɔ fɛcüè hɔ̀n ɔbɔ̀ɛn lɔ y'Ɔwɔ kùyüre-bɔ̀, kɩ kɛniɛn hɔ̀n ɔbɔ̀ɛn lɔ, dú Ɔwɔ fɛcüè hɔ̀n ɔbɔ̀ɛn lɔ.”

Ɔwɔ-mɛ̀n-yrikàn 16:9

Kɩ anwrɔnẅì biɛ ɛnhyà-dɔ̀nwrɔ̀n shishi tɔ̀n mɛ̀n; yɔ wora Ɔwɔ bi, nɛ́n léyi nɛ̀n ẅɛn ɛgbàn-hán-ci hɔ̀n lɔ dú n'ɛkɔrɛ̀srɔn wú nɔn, tɛ́n yɔ krɔ yɔ sɩ́ ji yɔ crɔn y'eci-hán-ci, ô yɔ zrɔ nɛ̀n eci.

Ɔwɔ-mɛ̀n-yrikàn 2:16

Ɛ̀ crɔn v'eci-hán-ci. Kè sɩ̀ dù ɔmu lɔ hô, mɛ lɛ và cɔ́ mɛ́n ɛnvra bruemɛ̀n, kɩ anwrɔn ndɔ hɔ̀n lɔ, mɛ lɛ kɔ́n yɔ anhà, ɛnyan-shé léyí dú mɛ̀n anmùan mɛ̀n kɛ srɔ nɔn, mɛ̀n.

Ɔwɔ-mɛ̀n-yrikàn 2:19

Mɛ̀n nyri v'ɔkɔ̀hɔ̀n-hán-kɔ̀hɔ̀n, v'ɛcüɛ̀n, v'ɔmùan-zri-dì, v'edùyì-ci-hán mán v'ɛnbɔrɛ-ẅɛ̀n-hɛ́n-sɛ́. Mɛ̀n vru mɛ̀n nyri ɔmu le zɛtɛ̀ lɔ, è dú edùyiemɛ̀n vrán ɛnkrubɔmɛ̀n lɔ.

Ɔwɔ-mɛ̀n-yrikàn 2:2

Mɛ̀n nyri v'ɔkɔ̀hɔ̀n-hán-kɔ̀hɔ̀n, ɛgbànkàn léyi ɛ̀ tán v'edomɛ̀n mán v'ɛnbɔrɛ-ẅɛ̀n-hɛ́n-sɛ́. Mɛ̀n nyri ɔmu le e sɩ́ cüɛn anbɔrɛ-bɔ̀, anwrɔn hɔ̀n léyi kɛ krɛ́ y'edomɛ̀n ɔkɔ̀hɔ̀n-wá-bɔ̀ nɔn, ɛ̀ wɔɛn yɔ ɛ̀ nyan, tɛ́n yɔ sɩ̀ dù ɔkɔ̀hɔ̀n-wá-bɔ̀ kɩ ɛ cɔ̀ e nyrì le, yɔ dú anhyɔ̀n-bɔ̀.

Ɔwɔ-mɛ̀n-yrikàn 3:19

Anwrɔn hɔ̀n lɔ fɛn léyi mɛ cüɛ̀n nɔn, me di yɔ ebrè kɩ mɛ ẅɛn yɔ nukù. Zɛtɛn, ɛ̀ hán edùyi-ci, ô ɛ̀ crɔn v'eci-hán-ci.