Ɔwɔ-mɛ̀n-yrikàn 2:3 - Ɛmɛẅi ankà ankrànkràn 2003

³ Ɛ̀ ẅɛn ɛnbɔrɛ-ẅɛ̀n-hɛ́n-sɛ́, ɛ̀ kán ɛgbàn m'ɛkruhú, kɩ è sɩ̀ wù v'edomɛ̀n edù.

Ɔwɔ-mɛ̀n-yrikàn 2:3 Iomraidhean Croise

Markɛ̀n 15:21

Sirɛnɛ̀n anmàn wrɔn tɔ̀n, ye bi nɛ̀n Simɔn, nɛ̀n dú Alɛksandrɛ̀n mán Rüfüsɛ̀n nɛ́n zi, nɛ̀n dú ovomɛ̀n nɛ và, kɩ nɛ̀n ci nanvrɛn. Gɔliɛ-bɔ̀ ẅɛn nɛ̀n ecüìemɛ̀n ô nɛ̀n wɔrɔ Zhezü gbàn-hán-tɛ̀ lɔ.

Lükɛ̀n 14:27

Ɔwrɔn léyi ke sɩ̀ shri n'ɛgbànkàn kè bɩ, hi ke sɩ̀ kɛ̀n mɛ̀n ɛsɛ̀n nɔn, nɛ́n sɩ̀ dú m'ɛsɛnkɛn-wrɔn rɔ́.

Lükɛ̀n 18:1

Zhezü kɛ dɔ́ yɔ nyandrɛn ndɔ lɔ mɛ̀n ankà, ô kè yé yɔ le, ke ji le yɛ sɛ́n Ɔwɔ, edùyiemɛ̀n ɛnvra lɔ fɛn, ô edù ke bɩ́ ká yɔ mrìmrì.

Lükɛ̀n 21:19

Nyɛ́n ẅɛn nɛ̀n nyɛ́n hɛ́n ɛshishiemɛ̀n: ɔmu lɔ de nye le bɩ́ ny'ɛwúvà hɔ̀n lɔ nyɛ́n die nɔn.”

Lükɛ̀n 5:5

Simɔn kɛ dɔ́ Zhezü le: “Ankà-yé-wrɔn, bɔ̀ kán ɛgbàn ɛnnyran mùmù lɔ fɛn, bɔ̀ sɩ̀ ẅɛ̀n eci zriɛmɛ́n, tɛ́n ɔmuhi ɛ dɔ̀ le mɛ̀n hán nɔn, me le die ɛdàn lɔ.”

Lükɛ̀n 8:15

Antɛ̀-ẅì léyi ke cüe ɛnhi ankrànkràn mɛ̀n nɔn, dú yɔ léyi yɔ die ankà-dɔ̀ lɔ nukùɛ, yɔ ẅɛn nɛ̀n yɔ hɛ́n ɛnbɔrɛ anvrɛnvrɛn mɛ̀n, yɔ di ɔmuan zri, kɩ yɔ shi ɛẅì.”

Zhan 15:21

Tɛ́n yɔ lɛ hán nyɛ̀n eci ndɔ lɔ fɛn m'ɛkruhú, ɔmuhi yɔ sɩ̀ nyrɩ̀ ɔwrɔn léyi wá mɛ̀n ɔkɔhɔ̀n nɔn.

Rɔmɛ̀n-anmàn-bɔ̀ 12:12

Nyɛ́n dú pɔpüɛ̀-brá mɛ̀n, ny'esɛ́ léyi nyɛ́n ẅɛn nɔn hɩ kruhú, nyɛ́n ẅɛn ɛnbɔrɛ nyɛ́n hɛ́n ejüedì-gbànkán mɛ̀n; nyɛ́n sɛ́n Ɔwɔ ɔmùan-zri-diemɛ̀n.

Rɔmɛ̀n-anmàn-bɔ̀ 16:12

M'ebinyan kè dú Trifɛnɛ̀n mán Trifozɛ̀n tɛn, yɔ léyi yɔ hán Ɛẅɛnwrɔn kɔ̀hɔ̀n bobrebe kɩ ebinyan zri lɔ kè dú nmàn anvrɛnvrɛn Persidɛ̀n tɛn, nɛ́n léyi nɛ̀n hán Ɛẅɛnwrɔn kɔ̀hɔ̀n bobrebe nɔn.

Rɔmɛ̀n-anmàn-bɔ̀ 2:7

Ne le bɩ́ ɛwúvà léyi ke sɩ́ trɔa nɔn nɛ̀n tán anwrɔn hɔ̀n léyi y'eci-hán-ciemɛ̀n lɔ, kɛ hán anvrɛn kɩ ke ji eci-zrɔ, ɛmrɛ́n mán ɛwúvà-kɔrɛ̀ nɔn.

Rɔmɛ̀n-anmàn-bɔ̀ 8:25

Tɛ́n ke dú kɛ bɔ́ ẅɛn esɛ́ eci léyi bɔ́ sɩ́ kán nɔn wú, bɔ́ vrá eci lɔ ɛnbɔrɛ-ẅɛ̀n-hɛ́n mɛ̀n.

1 Korɛntɛ̀n anmàn-bɔ̀ 13:7

Ɔwrɔn léyi ẅɛn ɛcüɛ̀n nɔn, nɛ ẅɛn ɛnbɔrɛ hɛ́n eci lɔ fɛn mɛ̀n, kɩ nɛ ẅɛn ankaẅì-bùtan, esɛ́ mán ɛnbɔrɛ-ẅɛ̀n-hɛ́n ɛnvra lɔ fɛn mɛ̀n.

1 Korɛntɛ̀n anmàn-bɔ̀ 16:16

nyɛ́n teze ny'edomɛ̀n nyɛ́n tán anwrɔn ɔmu hɔ̀n lɔ mán yɔ hɔ̀n léyi yɔ mɛhi yɔ hán ɔkɔ̀hɔ̀n edùyiemɛ̀n nɔn, kɛ̀ nyrɔn nyɛ̀n.

2 Korɛntɛ̀n anmàn-bɔ̀ 10:15

Ɔmu lɔ de, bɔ́ sɩ́ gbú ɔmùan ke fɛ ɛwú kɩ bɔ́ sɩ́ bɩ́ anwrɔn nyàntɛn kɔ̀hɔ̀n bɔ́ srɔ bɔ́ tɛn. Tɛ́n bɔ̀ ẅɛn esɛ́ le ankaẅì-bùtan kɛ lɛ sàn ku nyɛ̀n ɛmɛ̀n kɩ bɔ́ lɛ hán ɔkɔ̀hɔ̀n léyi ẅɛn vɔ̀nshɛ́ anvrɛnvrɛn nɔn ny'ɛmɛ̀n lɔ, tɛ́n bɔ́ lɛ hán nɛ̀n kɛ̀ cɔ́ ɔvɔ̀n hɔ̀n léyi yɛ wá tán bɔ̀ nɔn.

2 Korɛntɛ̀n anmàn-bɔ̀ 11:23

Yɔ dú Krisì ci-bɩ̀tan-bɔ̀a? Zɛtɛn, mɛ lɛ dɔ́ ankà kɛ lɛ hán tán le ɛnkruemɛ̀n zrɛ́n mɛ̀n kokroho: mɛ̀n dú nɛ̀n mɛ̀n vrán yɔ. Mɛ̀n di ejüe vrán yɔ, mɛ̀n hɔ́n anwɔn-mɛ̀n-wá-wɔn mɛ̀n ɛburiburi, ye gorɛ mɛ̀n bobrebe vrán yɔ, kɩ mɛ̀n dú owú-gbànkán mɛ̀n frɛfrɛ.

2 Korɛntɛ̀n anmàn-bɔ̀ 4:1

Ɔwɔ, n'ɛcüɛn-bɔrɛ lɔ mɛ̀n, wá bɔ̀ ɔkɔ̀hɔ̀n ndɔ lɔ antamɛ̀n, kɩ hɩ le kruhú de bɔ̀ dú ɛnvra lɔ fɛn edùyiemɛ̀n nɔn.

2 Korɛntɛ̀n anmàn-bɔ̀ 4:16

Hɩ le kruhú de bɔ̀ dú edùyiemɛ̀n ɛnvra lɔ fɛn nɔn. Tɛ́n ke dú kɛ b'ɔwrɔnẅì dùwrú ke dú ɛjrɛ́ mɛ̀n janjan hô, bɔ́ ɛnhɛ́n dùwrú kɛ sán srɔ owrù ɛnbì ɛnbì.

2 Korɛntɛ̀n anmàn-bɔ̀ 5:9

Tɛ́n eci lɔ fɛn mɛ̀n, bɔ́ ji bɔ̀ cüɛn nɛ̀n ɛvɛ̀, ke dú kɛ bɔ̀ dú edùwrú ndɔ lɔ mɛ̀n mán, kɩ bɔ́ teze nɛ̀n mán.

2 Korɛntɛ̀n anmàn-bɔ̀ 6:5

Yɛ kɔ́n bɔ̀ ejì kɩ yɛ wá bɔ̀ anwɔn-mɛ̀n-wá-wɔn mɛ̀n, ye sɩ́ fɛcüè ɛwú kɛ kɛ́n bɔ̀ ezì; bɔ̀ hán ɔkɔ̀hɔ̀n shishi, bɔ̀ sɩ̀ cɔ̀ ndà mán ɛci-zî.

Galasi anmàn-bɔ̀ 6:2

Nyɛ́n wá ny'edomɛ̀n ɛkɔrɛ̀ ny'ɛnlowru wɔrɔ mɛ̀n: ɔmu lɔ de nyɛ lɛ ẅɛn Krisì nyànmàn kɔrɛ̀-zì nyɛ́n hɛ́n nɔn.

Galasi anmàn-bɔ̀ 6:9

Edù ke bɩ́ ká bɔ̀ anvrɛn-hán mɛ̀n; ɔmuhi ke dú kɛ edù ke sɩ̀ wú bɔ̀ hô, bɔ́ lɛ cɔ́ bɔ́ antɛ̀-ẅì ɛnvra léyi n'ɛküɛ vra kɛ lɛ cɔ̀ nɔn.

Filipɛ̀n anmàn-bɔ̀ 2:16

ô nyɛ́n yé yɔ ɛwúvà mɛẅi ankà. Ɔmu lɔ de, me le gbú ɔmùan ny'ɛwú ɛnbì léyi Krisì kɛ lɛ và nɔn, ɔmuhi m'ɔkɔ̀hɔ̀n mán m'ɛgbànkàn ke sɩ̀ dú eci woro nɔn.

Filipɛ̀n anmàn-bɔ̀ 4:3

Kɩ vɛ́n mán, m'ɔmùan-zri-di-wrɔn mán m'ɛkɔrɛ̀-wá-wrɔn mɛ dɔ́ mɛ́n ɛ̀ wá yɔ ɛkɔrɛ̀; Yɔ mán mɛ̀n mɛhi annanwɔrɛmɛ̀n lɔ, bɔ́ kɔ́n anhà, ô Ɛmɛẅi ankà Ankrankran lɔ kè bonyì, hán ɔmu le bɔ̀ hán bɔ́ mán Kleman mán ɛkɔrɛ̀-wá-bɔ̀ ndɔ hɔ̀n lɔ fɛn léyi y'ebi dú ɔkɔrɛ wrú lɔ mɛ̀n nɔn.

Kɔlɔsèn anmàn-bɔ̀ 1:11

Bɔ́ sán nɛ̀n, nɛ̀n tán nyɛ̀n ecüì eci lɔ fɛn mɛ̀n n'eci-zrɔ kɔrɛ̀-srɔn lɔ mɛ̀n, ô nyɛ́n ẅɛn ɛnbɔrɛ nyɛ́n hɛ́n eci lɔ fɛn mɛ̀n.

1 Tesalonikɛ̀n anmàn-bɔ̀ 1:3

Annanwɔrɛ mɛ̀n lɔ, bɔ́ kro-sɩ́ bɔ́ edomɛ̀n Ɔwɔ bɔ́ Zi zìwú ny'ankaẅì-bùtan léyi ẅɛn vɔ̀nshɛ́, nyɛ cüɛ̀n léyi ẅɛn edùyì mán ny'esɛ́ annanwɔrɛ léyi nyɛ́n ẅɛn bɔ́ Ɛẅɛnwrɔn Zhezü Krisì wú nɔn.

1 Tesalonikɛ̀n anmàn-bɔ̀ 2:9

Anwrɔn-nɛ́n-muan-ẅì hɔ̀n, annanwɔrɛ mɛ̀n lɔ, bɔ́ ɛgbànkàn mán bɔ́ edùkà ke bru nyɛ̀n: bɔ̀ hán ɔkɔ̀hɔ̀n ɛnnyran mán ɛcɛ̀n ô bɔ́ bɩ́ srɔ ɛnlowru bɔ́ tán ɔwrɔn zriɛmɛ́n, ɔmu tɛ̀kɩ bɔ́ dɔ́ nyɛ̀n Ɔwɔ Mɛẅi ankà Ankrànkràn lɔ.

1 Tesalonikɛ̀n anmàn-bɔ̀ 5:12

Amwrɔn-nɛ́n-muan-ẅì hɔ̀n, bɔ́ dɔ́ nyɛ̀n nyɛ́n wá anwrɔn hɔ̀n léyi dú nyɛ̀n ɛmɛ̀n kɛ hán ɔkɔ̀hɔ̀n, anwrɔn hɔ̀n léyi Ɛẅɛnwrɔn kɔrɛ̀levriemɛ̀n kɛ nyrɔn nyɛ̀n kɩ ke bi-dɔ́ nyɛ̀n nɔn.

2 Tesalonikɛ̀n anmàn-bɔ̀ 3:13

Tɛ́n, nyɛ́n, anwrɔn-nɛ́n-muan-ẅì hɔ̀n, edù ke bɩ́ ká nyɛ̀n anvrɛn-hán mɛ̀n.

2 Tesalonikɛ̀n anmàn-bɔ̀ 3:5

Ɛẅɛnwrɔn kɛ̀ ẅɛn ny'ɛnbɔrɛ hɔ̀n lɔ kè dú Ɔwɔ cüɛn mɛ̀n mán ɛnbɔrɛ-ẅɛn-hɛ́n léyi Krisì kɛ tán nɔn mɛ̀n.

2 Tesalonikɛ̀n anmàn-bɔ̀ 3:8

Bɔ̀ sɩ̀ sàn ɔwrɔn zriɛmɛ́n ɛci-zî kora; tɛ́n, bɔ̀ shri ɛgbànkàn mán edùkà, bɔ̀ hán ɔkɔ̀hɔ̀n ɛnnyran mán ɛcɛ̀n, ô bɔ́ bɩ́ srɔ ɛnlowru bɔ́ tán ɔwrɔn zriɛmɛ́n ny'ɛmɛ̀n lɔ.

Kpàkpà timote 4:10

Annànwɔrɛ mɛ̀n lɔ, ke dú kɛ bɔ́ kán ɛgbàn kɩ bɔ́ dú ɛcüìwrɔn mɛ̀n hô, bɔ̀ nyri ɔmu le, bɔ̀ bɩ́ bɔ́ esɛ́ lɔ bɔ̀ wá Ɔwɔ kɔrɛkɔrɛ lɔ mɛ̀n, nɛ́n léyi nɛ̀n dú anwrɔnẅì lɔ fɛn bɩdie-wrɔn, anannan le yɔ hɔ̀n léyi ẅɛn ankaẅìbùtan nɔn.

Kpàkpà timote 5:17

Ɛcüìcüì-bɔ̀ léyi kɛ nyrɔn Ɔwɔ-fɛcüè lɔ nɔn, zrɔ tán le y'ɔwɔ̀ɛn-dì lɔ kɛ̀ hɔ́n ɛwú, anannan le yɔ hɔ̀n léyi kɛ dɔ̀, kɩ ke yé Ɔwɔ ankà nɔn.

Ebre-bɔ̀ 10:36

Ɛnbɔrɛ-ẅɛn-hɛ́n kè dú ny'eci, ô nyɛ́n hán Ɔwɔ kɔrɛ̀zì-ci, ô ɔmu lɔ nyɛ́n cɔ́ n'ɔmùan-wá-ci lɔ.

Ebre-bɔ̀ 12:1

Bɔ tɛn, fɛcüè vri ndɔ léyi dú bɔ́ dalɛfùɛ-di-bɔ̀ nɔn, de gbrɛnkɛn bɔ̀ ɔmùan nɔn. Bɔ̀ ẅɛn eci lɔ fɛn léyi kɛ hán bɔ́ esùnan lɔ kɛ srɔn nɔn bɔ̀ sɔhɔ́, annànnàn le ɛgbàn léyi kɛ brɛ́ bɔ̀ edomɛ̀n hɩ ke sɩ́ tán bɔ̀ esù anvrɛnvrɛn nán yri, ô bɔ̀ bɩ́ ɛnbɔrɛ zriemɛ̀n ɛsrɛ́ léyi yɛ wá tán bɔ̀ nɔn ô bɔ̀ hán n'eci.

Ebre-bɔ̀ 13:13

Bɔ̀ hɔ́n nɛ̀n ɛtɛ̀sɛ̀n anmàn mɛẅi, ô bɔ̀ shrì bɔ̀ bɩ́ egbrì léyi nɛ́n mán nɛ́n bɩ nɔn.

Ebre-bɔ̀ 6:10

Ɔwɔ dú ɛnyrɔnnan-wrɔn. Ny'ɔkɔ̀hɔ̀n léyi nyɛ hán, ɛcüɛ̀n léyi nye yé n'ɛtɛ̀sɛ̀n, ny'eci-bɩ̀tan-kɔ̀hɔ́n mɛ̀n, kɩ nyɛ́n dú ɛmɛ̀n nyɛ́n hán tán Krisì sɛnkɛn-bɔ̀ janbɔ̀ nɔn, ndɔ lɔ fɛn ke sɩ̀ yuru Ɔwɔ esùva.

Ebre-bɔ̀ 6:12

Nyɛ́n bɩ́ srɔ ɛjɛ́-bɔ̀, tɛ́n nyɛ́n bɩ́ anwrɔn hɔ̀n léyi kɛ ẅɛn ankaẅìbùtan edùyiemɛ̀n, kɩ kɛ cɔ́ Ɔwɔ mùan-wá ci lɔ nɔn, yɔ sɛnpò.

Ebre-bɔ̀ 6:15

Abrahamɛ̀n dú ɛvrá mɛ̀n ɛnbɔrɛ ẅɛ̀n-hɛ́n mɛ̀n, kɩ nɛ̀n cɔ́ Ɔwɔ mùan-wá ci lɔ.

2 Piɛrɛ̀n 1:6

nyɛ́n hán kèkrèmɛ̀n nyɛ́n tán nɛ̀n eci-nyrì mán ny'edomɛ̀n bɔ̀sɔ̀, ny'edomɛ̀n bɔ̀sɔ̀ lɔ nyɛ́n tán nɛ̀n ɛnbɔrɛ-ẅɛ̀n-hɛ́n, ô ɛbɔrɛ-ẅɛ̀n hɛ́n lɔ, nyɛ́n wá nɛ̀n Ɔwɔ mɛ̀n;

Ɔwɔ-mɛ̀n-yrikàn 1:9

Mɛ̀n dú Zhan, nyɛ́n muan-ẅì; mɛ̀n mán mɛ̀n dú Zhezü bɔ̀sɔ̀ lɔ mɛ̀n hán nyɛ́n hɔ́, mɛ̀n dú ny'ɛkɔrɛ̀-wá-wrɔn ejüediemɛ̀n, mɛ̀n dú ɛnnɛ̀ncüì-dúyri mán ɛnbɔrɛ-ẅɛ̀n-hɛ́n-sɛ́ mɛ̀n. Yɛ sɩ́ mɛ̀n anwɔ̀nẅìemɛ̀n Patmɔsɛ̀n shi-vú-ta wú, m'ɔmùan zri-dì Ɔwɔ mùan-ankà wú mán annanwɔrɛ yrikàn léyi mɛ̀n cɔ́ Zhezü mɛ̀n nɔn, hɩ kruhú.

Ɔwɔ-mɛ̀n-yrikàn 3:10

Ɔmuhi ɛ̀ ẅɛn m'ɔmùan ankà-dɔ̀ ɛ̀ hɛ́n esɛ́ mɛ̀n, mɛ̀n mán mɛ lɛ wá mɛ́n esùva ɛnvra léyi ɛgbànkàn kɛ lɛ vá ɛnhibù mumù lɔ wú, ô ɛnhi wú anmàn-bɔ̀ hɔ̀n kè dú ɔwɔ̀ɛn-nyan mɛ̀n.