Ɔwɔ-mɛ̀n-yrikàn 2:17 - Ɛmɛẅi ankà ankrànkràn 2003

¹⁷ Ke ji le ɔwrɔnwrɔn, ke dú kɛ nɛ̀n ẅɛn nukù hô, nɛ̀n yá anvrɛnvrɛn ankà léyi Ɛnhɛ́n kɛ dɔ́ Ɔwɔ-fɛcüè-bɔ̀ nɔn! Anwrɔn hɔ̀n léyi kɛ lɛ kɔ̀nkà nɔn, mɛ lɛ tán yɔ anhobɩ́ ci-zî léyi dú ɛbánmɛ̀n nɔn. Me le vru mɛ̀n tán ɔwrɔn zrizri y'ɛmɛ̀n lɔ, obùẅì wosù tɔ̀n léyi n'ɛwú lɔ ye merɛ́n ebi wrù tɔ̀n léyi ɔwrɔn zriɛmɛ́n kè sɩ̀ nyrìɛn, ke dú kɛ kè sɩ̀ dù ɔwrɔn léyi yɛ tán ebi lɔ nɔn.”

Ɔwɔ-mɛ̀n-yrikàn 2:17 Iomraidhean Croise

Matie 13:11

Zhezü mrɛ́n yɔ ɔmùan le: “Nyɛ tɛn, nyɛ́n cɔ́ anhobɩ́ ankà-bán-ankà nyɛ́n nyrì, tɛ́n yɔ tɛn yɔ sɩ̀ cɔ̀a.

Markɛ̀n 7:16

Nyɛ́n die nukù anvrɛnvrɛn ke dú kɛ nyɛ́n ẅɛn nukù nyɛ yá ankà!]”

Zhan 4:32

Tɛ́n Zhezü mrɛ́n yɔ ɔmùan le: “Ɛci-zî dú mɛ̀n, kɩ nyɛ́n sɩ̀ nyrì ɛci léyi me le zî nɔn.”

1 Korɛntɛ̀n anmàn-bɔ̀ 2:14

Ɔwrɔn léyi ke sɩ́ ẅɛn esɛ́ nɛ́n dùku n'ankà-nyrì wú nɔn, ɔwrɔn ndɔ lɔ ke sɩ̀ bɩ́ annanwɔrɛ ankà hɔ̀n léyi Ɔwɔ Hɛ́n ke yüre nɛ̀n nɔn: Ɔwɔ Hɛ́n annanwɔrɛ ankà ndɔ lɔ dú nmù-ci-hán tán nɛ̀n; nɛ́n sɩ̀ nyri hɩ ɛmɛ̀n rɔ́, ɔmuhɩ, Ɔwɔ Hɛ́n mɛ̀n de ye le nyri n'ɛmɛ̀n nɔn.

Kɔlɔsèn anmàn-bɔ̀ 3:3

Ɔmuhi nyɛ́n wù kɩ ny'ɛwúvà lɔ mán Krisì mɛhi bán dú Ɔwɔ mɛ̀n.

Ɔwɔ-mɛ̀n-yrikàn 14:3

Anwrɔn tɛ̀buri kru bobrebe ndɔ hɔ̀n lɔ kɛ krɛ́ ɛcɔ̀ wrù tɔ̀n ɛgbú-tòbù zìwú, ɛci kɔrɛkɔrɛ hɔ̀n anzɔ̀ lɔ mán ɛcüìcüì-bɔ̀ zìwú. Ɔwrɔn zriɛmɛ́n ke sɩ̀ ván ɛcɔ̀ ndɔ lɔ rɔ́, ke dú kɛ kè sɩ̀ dù anwrɔn tɛ̀buri kru ɛkoẅi ɔbɔ̀ɛn mán ɛẅì anzɔ̀ hɔ̀n léyi yɛ mrɛ́n anwɔ̀nẅiemɛ̀n yɛ sɔhɔ́ ɛnhi wú nɔn.

Ɔwɔ-mɛ̀n-yrikàn 19:16

N'ɛceci she lɔ wú mán n'annan-bɔ̀n-mɛ̀n ye merɛ́n ebi ndɔ lɔ: “Ɛnnɛncüì hɔ̀n Nɛ̀ncüì mán ɛẅɛn-bɔ̀ Ẅɛnwrɔn”.

Ɔwɔ-mɛ̀n-yrikàn 2:11

Ke ji le ɔwrɔnwrɔn, ke dú kɛ nɛ̀n ẅɛn nukù hô, nɛ̀n yá anvrɛnvrɛn ankà léyi Ɛnhɛ́n kɛ dɔ́ Ɔwɔ-fɛcüè-bɔ̀ nɔn! Anwrɔn hɔ̀n léyi kɛ lɛ kɔ̀nkà nɔn, yɔ sɩ̀ vru wú anhyrɛmɛ̀n wù lɔ.”

Ɔwɔ-mɛ̀n-yrikàn 2:7

Ke ji le ɔwrɔnwrɔn, ke dú kɛ nɛ̀n ẅɛn nukù hô, nɛ̀n yá ankà léyi Ɛnhɛ́n kɛ dɔ́ Ɔwɔ-fɛcüè-bɔ̀ nɔn! Anwrɔn hɔ̀n léyi kɛ kɔ́n kà nɔn, mɛ lɛ tán yɔ ɛcizî ɛwùvà-kɔrɛ̀ tɛ̀-ẅì hɔ̀n léyi dú Ɔwɔ kɛ̀tɛ̀ lɔ mɛ̀n nɔn.”

Ɔwɔ-mɛ̀n-yrikàn 3:22

Ke ji le ɔwrɔnwrɔn, ke dú kɛ nɛ̀n ẅɛn nukù hô, nɛ̀n yá anvrɛnvrɛn ankà léyi Ɛnhɛ́n kɛ dɔ́ Ɔwɔ fɛcüè-bɔ̀ nɔn!”

Ɔwɔ-mɛ̀n-yrikàn 3:6

Ke ji le ɔwrɔnwrɔn ke dú kɛ nɛ̀n ẅɛn nukù hô, nɛ̀n yá anvrɛnvrɛn ankà léyi Ɛnhɛ́n kɛ dɔ́ Ɔwɔ fɛcüè-bɔ̀ nɔn!”