Ɔwɔ-mɛ̀n-yrikàn 2:14 - Ɛmɛẅi ankà ankrànkràn 2003

¹⁴ Tɛ́n, mɛ̀n ẅɛn ebrè jan me le di mɛ́n: ɛ̀ ẅɛn anwrɔn dú mɛ́n ɛbemɛ̀n kɛ hán Balaamɛ̀n wɔ kɔ̀hɔ̀n. Ɔwrɔn ndɔ lɔ kɛ wá balakɛ̀n ankà kɛ̀ krɔn Izraɛlɛ̀n ẅì hɔ̀n antawrɔn, ô yɔ rá ecice nɔ̀n léyi yɛ tán antɛ̀buri-wɔ, kɩ kɛ wá tán yɔ yɔ hán eci-gbàngbàn kɔ̀hɔ̀n.

Ɔwɔ-mɛ̀n-yrikàn 2:14 Iomraidhean Croise

Matie 18:7

Ɛnhibù muzhie lɔ, dú eci-hán ndɔ hɔ̀n léyi ndù ke sɩ́ anwrɔnẅì ɛgbàn mɛ̀n nɔn! Ɛnvra lɔ fɛn, eci-hán ndɔ lɔ ke dù, tɛ́n muzhie dú tán ɔwrɔn léyi ke le di n'ɛmɛ̀n *sùmannu nɔn!

Ɔkɔ̀hɔ̀n-wá-bɔ̀ kɔ̀hɔ̀n hán 15:29

ye bɩ́ rá annɔ̀n léyi ye ce antɛ̀-buri-Wɔ nɔn; ye bɩ́ rá ɛnkrɛ̀; ye bɩ́ rá ɛnɔ̀n léyi ye wri antamɛ̀n nɔn; ye bɩ́ hán eci gbàngbàn. Nyɛ́n wá ny'edomɛ̀n esùvá ɛci ndɔ hɔ̀n lɔ fɛn yɔ hán tɛ̀sɛ̀n. Anwrɔn-nɛ́n-muan-ẅì hɔ̀n mɛ̀n, bo bi nyɛ̀n nyan!”

Ɔkɔ̀hɔ̀n-wá-bɔ̀ kɔ̀hɔ̀n hán 21:25

Anwrɔn hɔ̀n léyi kè sɩ̀ dù Zhüifɛ̀n-bɔ̀ hɩ srɔ Zhezü sɛ̀nkɛn-bɔ̀ nɔn, bɔ̀ yüre yɔ owrú bɔ̀ dɔ́ yɔ b'ɔmùan wú ankà: ke sɩ́ ji le yɔ rá ecice nɔ̀n zriɛmɛ́n, ɛnɔ̀n léyi ye wri antamɛ̀n, n'ɛnkrɛ̀ mán, n'anẅia mán, ye bɩ́ rá; kɩ ke ji le yɔ wá y'edomɛ̀n esùva, eci léyi kè sɩ̀ dù eci-hán-ci nɔn tɛ̀sɛ̀n.”

Rɔmɛ̀n-anmàn-bɔ̀ 11:9

Davidɛ̀n mán dɔ̀ le: “Ke ji le y'ɔkoran lɔ kɛ̀ srɔ y'antanwrɔn léyi kɛ lɛ ẅɛn yɔ nɔn, kè dú eci léyi kɛ lɛ hán yɔ, yɔ bore, ô yɔ cɔ́ ɛgbàn-hán léyi vɛ́n yɔ nɔn.

Rɔmɛ̀n-anmàn-bɔ̀ 14:13

Ke ji le bɔ̀ teze bɔ́ edomɛ̀n mrɛ̀ncì-ci-hán. Nyɛ́n bɔ̀sɔ́ ny'edomɛ̀n anvrɛnvrɛn, ô ny'eci-hán-ci zriɛmɛ́n ke bɩ́ sɩ́ nyɛ́n muan-ẅì ɛzɛ́n mɛ̀n.

Rɔmɛ̀n-anmàn-bɔ̀ 14:21

Hɩ le zrɔ nɔn, dú hɩ le ke sɩ́ ji le yɛ rá ɔnɔn, ye bɩ́ mi ɛntàn wɔnsɛn, ye teze ɛci hɔ̀n lɔ fɛn léyi kɛ lɛ hán ɔwrɔn-nɛ́n-muan-ẅì ke bore ɛgbàn mɛ̀n nɔn.

Rɔmɛ̀n-anmàn-bɔ̀ 9:32

Ecitan kruhúɛ? Ɔmuhi yɔ sɩ́ ji ɛyri, ô yɔ cüɛn Ɔwɔ ɛvɛ̀ ankaẅì-bùtan-ẅɛn mɛ̀n, yɔ tro le yɔ lɛ srɔ ɛnyrɔnnan-bɔ̀ y'eci-hán mɛ̀n. Yɔ sɔ́n “obù léyi kɛ hán yɛ trɛnshɛn nɔn” ɛnan,

1 Korɛntɛ̀n anmàn-bɔ̀ 1:23

Bɔ́ tɛn, bɔ́ dɔ́ Krisì léyi yɛ gɔ́n-brɛ́ ɛgbàn-hán-tɛ̀ wú nɔn n'ankà: ndɔ lɔ dú anvɛvrà-ankà tán Zhüifɛ̀n-bɔ̀ kɩ vru dú nmù ankà tán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn;

1 Korɛntɛ̀n anmàn-bɔ̀ 7:2

Tɛ́n, ɛwúvà-gbàngbàn-ẅɛ̀n léyi bonyì nɔn, hɩ kruhú ke ji le ɛncɔnwrɔn kɛ̀ ẅɛn nɛ́n hi, kɩ ɛnnyɔnwrɔn mán kɛ̀ ẅɛn nɛ́n cüì.

Ebre-bɔ̀ 13:4

Eyirì mùan-wá lɔ, eyiri-bɔ̀ lɔ fɛn kɛ̀ ẅɛn nɛ̀n kɛ̀ hɛ́n, ke ji le eyiri-bɔ̀ kè di ɔmùan zri tán y'edomɛ̀n. Ɔwɔ ke le ci anwrɔn hɔ̀n léyi kɛ ẅɛn ankàtro-gbàngbàn ci-hán mán yɔ hɔ̀n léyi kɛ hán ɛncɔnwrɔn-hi-bi-gbàn nɔn.

1 Piɛrɛ̀n 2:8

Kɩ ɛyri nyantɛn ye vru yɛ dɔ̀ le: “Nɛ̀n dú ɔbù léyi ɛnvra léyi nɛ sɔ́n mɛ́n ɛnan nɔn, nɛ hán mɛ́n ɛ trɛnshɛn, ɔbù tɔ̀n léyi kɛ hán mɛ́n e bore.” Anwrɔn ndɔ hɔ̀n lɔ, ɔbù sɔ́n yɔ ɛnan, yɔ trɛnshɛn, yɔ krɔ, yɔ sɩ̀ die Ɔwɔ muan-ankà nukùɛ, kɩ eci-hán-ci ndɔ lɔ de yɛ wá yɛ hɛ́n yɔ nɔn.

2 Piɛrɛ̀n 2:15

Ɛnvra léyi yɔ cɔhɔ́ ɛnlevri léyi nyrɔn nɔn wú nɔn, yɔ zrɛ́n y'edomɛ̀n kɩ yɔ bɩ́ ɛnlevri zri léyi Bosɔr ẅì, Balaamɛ̀n nbɩ nɔn. Ɔwrɔn ndɔ lɔ cüɛn ɔkùa léyi yɛ tán nɛ̀n, ne bɩ nɛ̀n hán ɛgbàn nɔn,

Zhüdɛ̀n 1:11

Muzhie dú yɔ tɛn! Yɔ ci Kahɛ́n levri; yɔ di y'edomɛ̀n ɛzɛ́n mɛ̀n ɔkùa kruhú, hán Balamɛ̀n hɔ́; yɔ wù, ɔmuhi yɔ sɩ́ y'edomɛ̀n ɛwú hán Kore hɔ́ nɔn.

Ɔwɔ-mɛ̀n-yrikàn 2:20

Tɛ́n mɛ̀n ẅɛn ebrè tɔ̀n me le di mɛ́n: ɛ̀ tán Zhezabɛlɛ̀n ɛkɔrɛ̀levri, ɛnnyɔnwrɔn ndɔ léyi ke bú n'edomɛ̀n kɛ hán Ɔwɔ-mùan-wú-ankà-dɔ́-hi nɔn. Nɛ zrɛ́n m'ɛci-bɩ̀tan-bɔ̀, nɛ wá tán yɔ, yɔ hán ɛci gbàngbàn kɩ nɛ hán yɔ, yɔ rá ɛcice nɔ̀n hɔ̀n léyi yɛ tán antɛ̀buri nɔn.

Ɔwɔ-mɛ̀n-yrikàn 2:4

Tɛ́n mɛ̀n ẅɛn ebrè tɔ̀n me le di mɛ́n: e sɩ́ vru cüɛn mɛ̀n kɛ hán ɛnkrubɔmɛ̀n lɔ hɔ́.

Ɔwɔ-mɛ̀n-yrikàn 21:8

Zɛtɛn, nyɛ́n anbrá-di-bɔ̀, anmùan-anhyrɛ̀-dí-bɔ̀, ɛci-gbàngbàn-hán-bɔ̀, anwrɔn-wri-bɔ̀, ɛci-gbangbàn-kɔ̀hɔ̀n-hán-bɔ̀, seke-kɔ̀hɔ̀n-hán-bɔ̀, antɛ̀buri-sɛ́n-bɔ̀ mán anhyɔ̀n-bɔ̀ lɔ fɛn, ny'ɛyri dú ɛnhyà-ẅì nɛ́nbà lɔ mɛ̀n, nɛ́n de nɛ̀n dú anhyrɛmɛ̀n wù lɔ nɔn.”

Ɔwɔ-mɛ̀n-yrikàn 22:15

Tɛ́n yɔ le dú anmàn mɛẅi, ɛci-propromɛ̀n-hán-bɔ̀, yɔ hɔ̀n léyi kɛ hán seke-kɔ̀hɔ̀n, anwrɔn hɔ̀n léyi kɛ hán eci-gbàngbàn-kɔ̀hɔ̀n, anwrɔn-wrì-bɔ̀, anhyɔ̀n-wɔ-sɛ́n-bɔ̀ mán anwrɔn hɔ̀n léyi kɛ cüɛn ɛyɔ̀n-ankà-dɔ̀ mán n'ɔkɔ̀hɔ̀n-hán nɔn!