Ɔwɔ-mɛ̀n-yrikàn 2:13 - Ɛmɛẅi ankà ankrànkràn 2003

¹³ Mɛ̀n nyri ɛyri léyi ɛ̀ sɔ́n ebɩ́ nɔn: ɛyri léyi anwa-bɔ̀ wrɔn cüìcüì gbú-tòbù ndù nɔn. Ɛ̀ brɛ́ mɛ̀n kɩkɩ ɛ̀ hɛ́n kɩ è sɩ̀ crɔ̀n ankàẅìbùtan léyi ɛ̀ ẅɛn mɛ̀n ɛmɛ̀n nɔn, annannan le ɛnvra léyi ye wri Antipasɛ̀n, mɛ́n dalɛfuɛ mùan-zri-di-wrɔn, ny'anmàn, ɛyri leyi anwa-bɔ̀ wrɔn cüìcüì sɔ́n ebɩ́ nɔn.

Ɔwɔ-mɛ̀n-yrikàn 2:13 Iomraidhean Croise

Matie 10:23

Ɛnvra léyi yɛ lɛ hán nyɛ̀n ɛgbàn anmàn tɔ̀n mɛ̀n nɔn, nyɛ́n srɛ́, nyɛ́n hɔ́n anmàn nyàntɛn. Mɛ dɔ́ nyɛ̀n annànwɔrɛ mɛ̀n le: nyɛ́n sɩ̀ ci Izraɛlɛ̀n anmàn hɔ̀n lɔ fɛn wú kɛ̀ trɔ kɩ ɔwrɔnẅì Ẅì vá vra lɔ kɛ lɛ cɔ̀.

Matie 24:9

Zɛtɛn anwrɔn ke le bɩ́ nyɛ̀n kɛ tán yɔ, ô yɛ hán nyɛ̀n nyɛ́n di ejüe kɩ ye le di nyɛ̀n owúemɛ̀n. Fɛcüè lɔ fɛn ke le gbri nyɛ̀n m'ɛkruhú.

Matie 4:10

Zɛtɛn Zhezü kɛ dɔ́ nɛ̀n le: “Sɔ̀n hɔ́n ɛmɛẅi, Anwa-wrɔn! Ɔmuhi Owrú Prɔnprɔn kɛ dɔ̀ le: ‘È cüe Ɛẅɛnwrɔn v'Ɔwɔ ankɔ̀rɛ̀ ezìwúɛ, ô ɛ̀ sɛ́n nɛ́n zri kɩ.’ ”

Lükɛ̀n 21:17

Anwrɔn lɔ fɛn ke le gbrí nyɛ̀n m'ɛkruhú.

Ɔkɔ̀hɔ̀n-wá-bɔ̀ kɔ̀hɔ̀n hán 22:20

Kɩ ɛnvra léyi ye wri Etiɛnɛ̀n, vɛ́n dalɛfuɛ-di-wrɔn lɔ nɔn, mɛ̀n mán mɛ̀n dú nanvrɛn lɔ. Anwrɔn hɔ̀n léyi ke wri nɛ̀n nɔn, mɛ̀n dú y'ɛmɛẅi kɩ mɛ̀n bɩ́ y'ɛceci hɔ̀n lɔ mɛ̀n hɛ́n.’

Ɔkɔ̀hɔ̀n-wá-bɔ̀ kɔ̀hɔ̀n hán 9:14

Kɩ nɛ̀n vá ɛnu lɔ, Ɔwɔ-cice-bɔ̀ kɔrɛ̀-levriemɛ̀n, ô nɛ̀n ẅɛn anwrɔn léyi ke bɩ́ v'ebɩ́ lɔ nɔn.”

1 Tesalonikɛ̀n anmàn-bɔ̀ 5:21

Tɛ́n nyɛ́n crɛn eci lɔ fɛn mɛ̀n anvrɛnvrɛn: nyɛ́n bɩ́ hɩ léyi zrɔ nɔn,

Kpàkpà timote 5:8

Ke dú kɛ ɔwrɔn tɔ̀n, ke sɩ́ wá n'ɛmɛ̀n-wrɔn esùva, annànnàn le nɛ́n dùku n'ɛmɛ̀n-bɔ̀, nɛ frɛ́n n'ankaẅì-bùtan kɩ, nɛ̀n krɛfɔn nɛ̀n vrán ɔwrɔn tɔ̀n léyi kè sɩ̀ ẅɛ̀n ankaẅì-bùtan nɔn.

Anhyrɛmɛ̀n timote 1:13

È bɩ kè dú vɛ́n sɛnpò annànwɔrɛ ankà-dɔ̀ léyi mɛ̀n tán mɛ́n nɔn, ɛ̀ nyɔn ɛshishiemɛ̀n ankaẅìbùtan mɛ̀n mán ɛcüɛ̀n léyi bɔ̀ cɔ́ Zhezü Krisì mɛhi b'ɔbɔ̀sɔ̀ lɔ mɛ̀n nɔn.

Anhyrɛmɛ̀n timote 2:12

ke dú kɛ bɔ́ nyɔn ɛshishiemɛ̀n, bɔ́ mán nɛ́n mɛhi bɔ́ lɛ ẅɛn ɛyri; ke dú kɛ bɔ́ kɔ́n nɛ̀n bɔ́ ze, nɛ́n mán nɛ lɛ kɔ́n bɔ̀ ne le ze;

Ebre-bɔ̀ 10:23

Bɔ̀ ẅɛn esɛ́ léyi bɔ́ gbú n'ɔmùan nɔn ɛshishiemɛ̀n bɔ̀ hɛ́n, ɔmuhi Ɔwɔ ke di ɔmùan-zri n'ɔmùan-wá hɔ̀n lɔ mɛ̀n nɔn.

Ebre-bɔ̀ 3:6

Tɛ́n Krisì dú ɔmùan-zri-di-wrɔn, nɛ́n léyi nɛ̀n dú ɛnkru, Ɔwɔ wɔn lɔ mɛ̀n nɔn. Kɩ bɔ̀ dú n'ɔwɔn lɔ, ke dú kɛ bɔ́ bɩ́ b'ankàẅì-bùtan mán bɔ́ esɛ́ ke dú b'ɔmùan-gbú-ci.

Zhakɛ̀n 2:7

Yɔ de yɔ dɔ́ ankà gbàngbàn ku ebɩ́ ankrankran léyi Ɔwɔ tán nyɛ̀n nɔn ɛwú.

Ɔwɔ-mɛ̀n-yrikàn 1:5

kè dú Zhezü Krisì léyi dú ɔmùan-zri dì dalɛfuɛ-wrɔn, ezì-hɛ́ ẅì, kpàpkà-wrɔn léyi ye bɩ́ owú-bɔ̀ mɛ̀n ye sɩ́ ɔkɔrɛ-bɔ̀ mɛ̀n nɔn, mán ɛnhibù wú nɛ̀ncüì hɔ̀n nɛ̀ncüì, yri kɛ̀ và cɔ́ nyɛ̀n. Krisì kɛ cüɛn bɔ̀, kɩ n'eci ce mɛ̀n lɔ, nɛ̀n mrɛ́n bɔ̀ ɛgbàn mɛ̀n nɛ̀n sɔhɔ́,

Ɔwɔ-mɛ̀n-yrikàn 11:3

Mɛ lɛ wá mɛ́n dalɛfuɛ-di-bɔ̀ anhyrɛ̀ ɔkɔ̀hɔ̀n, yɔ le ku ɛbrá ceci edù, kɩ yɔ lɛ dɔ́ ɛmɛẅi ankà léyi yɔ cɔ́ Ɔwɔ yri ɛbi tɛ̀buri kru zri mán ɛkɔẅi ɛvà anhɔ̀n ndɔ hɔ̀n granmɛ̀n nɔn.”

Ɔwɔ-mɛ̀n-yrikàn 12:11

Bo muanẅì hɔ̀n kɔ́nká nɛ̀n Ɔwɔ Kɔ̀kɔ̀sɛ̀-ẅì krɛ̀ kɔrɛ̀levriemɛ̀n, mán ankà léyi yɔ di dalɛfuɛ n'ɛwú nɔn n'ɛmɛ̀n; yɔ sɩ̀ bàn y'ɛwúvà lɔ, yɔ krɔn kpehɛ́n, ô yɔ wù.

Ɔwɔ-mɛ̀n-yrikàn 13:2

Ɔnɔn léyi mɛ́n kàn nɔn cá ɛkuan-lɛ̀tù, n'annan ndù hán anwɔ-lɛ̀tù, kɩ n'ɔmùan kɛ cá gɔ̀ngɔ̀nsɔvɛ̀ hɔ́. Anwàn-lɛ̀brì lɔ wá nɛ̀n n'ɛkɔrɛ̀srɔn, n'ɛgbú-tòbù mán ɛkɔrɛ̀srɔn vri tɔ̀n antamɛ̀n.

Ɔwɔ-mɛ̀n-yrikàn 14:12

Nyàn hɩ le kruhú de, anwrɔn hɔ̀n léyi dú Ɔwɔ tɛn, kɛ wá n'ɛnyanmàn hɔ̀n lɔ, kɩ ke di ɔmuan zri Zhezü tɛ̀sɛ̀n nɔn, ke ji le yɔ hán ɛnbɔrɛ-ẅɛ̀n-hɛ́n-ci.

Ɔwɔ-mɛ̀n-yrikàn 17:14

Yɔ lɛ kɔ́n Ɔwɔ-Kɔ̀kɔ̀sɛ̀-ẅì lɔ anhà, tɛ́n Ɔwɔ-Kɔ̀kɔ̀sɛ̀-ẅì kɛ lɛ kɔ̀nká yɔ, ɔmuhi nɛ̀n dú ɛẅɛn-bɔ̀ Ẅɛnwrɔn mán ɛnnɛncüi hɔ̀n Nɛncüì nɔn; nɛ lɛ kɔ̀nká yɔ, nɛ́n mán anwrɔn hɔ̀n léyi nɛ̀n bí, kɩ nɛ̀n mrɛ́n nɛ́n bɩ dú, n'ɔmùan-zri-dí-bɔ̀ nɔn.”

Ɔwɔ-mɛ̀n-yrikàn 17:6

Mɛ̀n nyri ɔmu le ɛnnyɔnwrɔn ndɔ lɔ Ɔwɔ-fɛcüè mán anwrɔn hɔ̀n léyi ye wri y'ɔmùan-zri-dì Zhezü kruhú nɔn, yɔ krɛ̀ tàn kɛ kɔ́n nɛ̀n. Ɛnvra léyi mɛ̀n kán nɛ̀n nɔn, mɛ̀n dú anvɛmɛ̀n-frɛ́n vriemɛ̀n.

Ɔwɔ-mɛ̀n-yrikàn 2:2

Mɛ̀n nyri v'ɔkɔ̀hɔ̀n-hán-kɔ̀hɔ̀n, ɛgbànkàn léyi ɛ̀ tán v'edomɛ̀n mán v'ɛnbɔrɛ-ẅɛ̀n-hɛ́n-sɛ́. Mɛ̀n nyri ɔmu le e sɩ́ cüɛn anbɔrɛ-bɔ̀, anwrɔn hɔ̀n léyi kɛ krɛ́ y'edomɛ̀n ɔkɔ̀hɔ̀n-wá-bɔ̀ nɔn, ɛ̀ wɔɛn yɔ ɛ̀ nyan, tɛ́n yɔ sɩ̀ dù ɔkɔ̀hɔ̀n-wá-bɔ̀ kɩ ɛ cɔ̀ e nyrì le, yɔ dú anhyɔ̀n-bɔ̀.

Ɔwɔ-mɛ̀n-yrikàn 3:11

Mɛ vá ɛnvra buriemɛ̀n. Ɛ̀ ẅɛn ɛshishiemɛ̀n eci léyi dú mɛ́n antamɛ̀n nɔn, ô ɔwrɔn zriɛmɛ́n ke bɩ́ bɩ́ v'ɔkɔ̀nká krusɔn-ci lɔ.

Ɔwɔ-mɛ̀n-yrikàn 3:3

Ankà-yé léyi ɛ cɔ̀ mán ɔmu le ɛ̀ hán ɛ̀ yá nɛ̀n nɔn, è krosi v'edomɛ̀n; è di ɔmùan zri n'ɛtɛ̀sɛ̀n, ô ɛ̀ crɔn v'eci-hán-ci. Ke dú kɛ è sɩ̀ gbɛ́ anvɛ̀, mɛ lɛ và ẅɛn mɛ́n kɛ lɛ hán ɛci-yerɛ-wrɔn hɔ́, kɩ e sɩ̀ nyri ɛnvra léyi mɛ lɛ và nɔn.