Ɔwɔ-mɛ̀n-yrikàn 2:10 - Ɛmɛẅi ankà ankrànkràn 2003

¹⁰ E bɩ́ sú ɛgbànkàn léyi ɛ lɛ cɔ̀ nɔn. Die nukùɛ: anwawrɔn kɛ lɛ wɔɛn nyɛ̀n nyan, kɩ ny'ɛmɛ̀n lɔ, ne le ku bobrebe anwɔn-mɛ̀n-wá-wɔn mɛ̀n; yɛ lɛ hán nyɛ̀n ɛgbàn ɛbi ɛvà. È di ɔmùan zri hàn kɩ kɛ cɔ́ v'owú vra, kɩ mɛ lɛ tán mɛ́n ɛkɔ̀nkà krusɔn-ci, ɛwúvà léyi ke sɩ́ trɔa nɔn.

Ɔwɔ-mɛ̀n-yrikàn 2:10 Iomraidhean Croise

Matie 10:22

Anwrɔn lɔ fɛn kɛ lɛ gbri nyɛ̀n m'ɛkruhú. Tɛ́n ɔwrɔn léyi kɛ lɛ ẅɛn m'ankà lɔ ɛshishiemɛ̀n hàn kɩ kɛ̀ cɔ́ ɛmɛẅi trɔ vra lɔ nɔn, nɛ lɛ cɔ́ ebɩdie.

Matie 10:28

Nyɛ́n bɩ́ sú anwrɔn hɔ̀n léyi ke wri edùwrú, tɛ́n ke sɩ́ wri ɛnhɛ́n rɔ́a nɔn; tɛ́n nyɛ́n sú Ɔwɔ léyi ke le wri edùwrú mán ɛnhɛ́n tɛ̀, ɛnhyà léyi ke sɩ̀ zɛ́n hán nɔn mɛ̀n.

Matie 24:13

Tɛ́n ɔwrɔn léyi kɛ lɛ ẅɛn nɛ̀n ɛshishiemɛ̀n hàn kɩ kɛ̀ cɔ́ ɛnvra trɔ mùan lɔ nɔn, nɛ lɛ cɔ́ ebɩdie.

Markɛ̀n 13:13

Anwrɔn lɔ fɛn ke le gbri nyɛ̀n m'ɛkruhú. Tɛ́n ɔwrɔn léyi kɛ lɛ ẅɛn nɛ̀n ɛshishiemɛ̀n hàn kɩ kɛ̀ cɔ́ ɛmɛẅitrɔ vra lɔ nɔn, nɛ lɛ cɔ́ ebɩdie.”

Markɛ̀n 8:35

Ɔmuhi ɔwrɔn léyi ke ji kè bɩ́ n'ɛwúvà kè die nɔn kɛ lɛ zrɛ́n nɛ̀n; tɛ́n ɔwrɔn léyi kɛ lɛ zrɛ́n n'ɛwúvà lɔ mɛ kruhú mán Ɔwɔ mɛẅi ankà ankrànkràn kruhú nɔn, ke le bɩ́ n'ɛwúvà lɔ kè die.

Lükɛ̀n 21:12

Tɛ́n eci ndɔ lɔ n'ɛmɛẅi lɔ, yɛ lɛ gɔ̀ ẅɛn nyɛ̀n, yɛ hán nyɛ̀n ɛgbàn, ye le sɩ́ nyɛ̀n ɛcüìcüì-bɔ̀ zìwú, ô ye ci nyɛ̀n ɛmrɛ̀n Ɔwɔ-sɛ́n-wɔn hɔ̀n lɔ mɛ̀n, kɩ yɛ lɛ wá nyɛ̀n anwɔn-mɛ̀n-wá-wɔn mɛ̀n; yɛ lɛ hán nyɛ̀n nyɛ́n srɔ ɛnnɛ̀ncüì hɔ̀n mán anmàn cüìcüì-bɔ̀ ziwú m'ɛkruhú.

Zhan 12:25

Ɔwrɔn léyi kɛ cüɛn n'ɛnhibù wú wúvà lɔ nɔn, kɛ lɛ zrɛ́n nɛ̀n, tɛ́n ɔwrɔn léyi kɛ kɔrɔ ɛnu ɛnhibù wú ci-gbrɛ́n-ci hɔ̀n lɔ nɔn, nɛ lɛ cɔ́ anhɔbɩ́ wúvà léyi ke sɩ́ trɔa nɔn.

Zhan 13:2

Zhezü mán n'ɛsɛnkɛn-bɔ̀ mɛhi ke zî ɔwɔɛ ci. Anwa-wrɔn gɔ́ ci Zhüda, Simɔn Iskariɔtɛ̀n ẅì, ɛnbɔrɛmɛ̀n ô kɛ̀ hɛ́ Zhezü.

Zhan 13:27

Ɛnvra lɔ tɛ̀ léyi, Zhüda bɩ́ abùtùkumɛ́n buri lɔ nɔn, anwa-wrɔn bru nɛ̀n ɛnborɛmɛ̀n. Zhezü kɛ dɔ́ nɛ̀n le: “Eci léyi ke ji le ɛ̀ hán nɔn, ɛ̀ hán nɛ̀n kprakpra!”

Ɔkɔ̀hɔ̀n-wá-bɔ̀ kɔ̀hɔ̀n hán 20:24

Tɛ́n mɛ́n dùku m'ɛwúvà, kè sɩ̀ dù eci zriɛmɛ́n m'ezìwú; hɩ le dú ɛshishi nɔn, dú hɩ le, ke ji le mɛ̀n hɔ̀n mɛ̀n cɔ́ m'ɔkɔ̀hɔ̀n lɔ n'ɛnkrutrɔ, ô mɛ̀n trɔ ɔkɔ̀hɔ̀n léyi Ɛẅɛnwrɔn Zhezü tán mɛ̀n nɔn n'ɛhán: Ɔwɔ boafɔ̀n lɔ, n'Ɛmɛẅi ankà Ankrankran lɔ, mɛ̀n dɔ́ nɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 21:13

Tɛ́n nɛ̀n mrɛ́n ɔmùan le: “Ecitan kruhú kɛ nye wú eyú kɩ nye ji nyɛ́n wú mɛ̀n edùɛ? Mɛ̀n krɔn kpehɛ́n, mɛ̀n, ke sì dù hɩ léyi yɛ lɛ kora mɛ̀n kɩ, tɛ́n mɛ́n shrì me le wú Zherüzalɛmɛ̀n anmàn Ɛẅɛnwrɔn Zhezü kruhú.”

1 Korɛntɛ̀n anmàn-bɔ̀ 9:25

Ɛsrɛ́-bɔ̀ lɔ fɛn léyi dú ɛsrɛ́ ci-hán mɛ̀n nɔn kɛ tán y'edomɛ̀n ɔkɔ̀hɔ̀n shishi. Yɔ hán ɔmu lɔ, ô yɔ cɔ́ ɛnkrusɔn-ci léyi kɛ gɔ́ jrɛ́ nɔn; tɛ́n bɔ́, bɔ́ hán nɛ̀n, ô bɔ̀ cɔ́ ɛnkrusɔn-ci léyi ke sɩ́ jrɛ́ mrìmrì nɔn.

Efɛzɛ̀n anmàn-bɔ̀ 2:2

Nyɛ hán ɛnu ɛnhi wúvà ci; nyɛ wá ɛnhɛ́n cüìcüì léyi ẅɛn ɛwú ɛkɔrɛ̀-srɔn, ɛnhɛ́n ndɔ léyi zɛtɛ̀ lɔ dú anwrɔn hɔ̀n léyi kɛ kɛ́n Ɔwɔ ezì nɔn edomɛ̀n.

Efɛzɛ̀n anmàn-bɔ̀ 6:12

Ɔmuhi bɔ́ mán anwrɔnẅì mɛhi bɔ̀ sɩ̀ ẅɛ̀n anhà-kɔ̀n, tɛ́n bɔ́ mán ɛkɔrɛ̀-srɔn hɛ́n gbàngbàn hɔ̀n léyi dú anhobɩ́ anmàn nɔn, ɛkɔrɛ̀levri-bɔ̀ mán anwrɔn-ẅɛn-bɔ̀ léyi dú ɛnhibù yɔwɔ ndɔ lɔ wú nɔn de yɔ mɛhi bɔ̀ ẅɛn anhàkɔ̀n nɔn.

Zhakɛ̀n 1:12

Ɛnbɔrɛbru dú tán ɔwrɔn léyi kɛ ẅɛn ecüì ɔwɔɛ̀nnyan mɛ̀n; ɔmuhi, ɛnvra léyi ne yé nɛ́n biakpa-ẅɛn lɔ nɔn, nɛ lɛ cɔ́ ɔkɔ̀nkà krusɔn-ci, ɛwúvà léyi ke sɩ́ troa hɩ Ɔwɔ wá ɔmùan tán anwrɔn hɔ̀n léyi ẅɛn n'ɛcüɛ̀n nɔn.

1 Piɛrɛ̀n 5:4

Kɩ ɛnvra léyi annɔn-kua-bɔ̀ fra-wrɔn lɔ kɛ lɛ srɔ nɔn, nyɛ lɛ cɔ́ eci-zrɔ krusɔ́n-ci léyi n'ɛgbrɛ́n ke sɩ̀ zrɛ́n mrìmrì nɔn.

1 Piɛrɛ̀n 5:8

Anvɛ̀ kè kpri nyɛ̀n, anvɛmɛ̀n kè bi nyɛ̀n! Ɔmuhi ny'egbriwrɔn anwawrɔn, kɛ gbrɛnkɛn ɔmùan kɛ hán gɔ̀ngɔ̀sɔvɛ̀ léyi esùvamɛ̀n ke shrì ke ji ɔwrɔn tɔ̀n kɛ̀ rá nɔn.

Ɔwɔ-mɛ̀n-yrikàn 13:14

Nɛ wá ɛnhi-wú-bɔ̀ ɛzrɛ́n mɛ̀n, n'anvɛmɛ̀n-frɛ́n-ci léyi nɛ hán kpàkpà nɔ̀n lɔ zìwú nɔn. Nɛ dɔ́ yɔ, yɔ hán picɛ̀ tɔ̀n kè dú ɔnɔ̀n lɔ n'ɛmrɛ́n, nɛ́n léyi, eci wri nɛ̀n edù anhà-kɔ́n-nyan she mɛ̀n, kɩ vru kɔrɛ̀ nɔn.

Ɔwɔ-mɛ̀n-yrikàn 13:2

Ɔnɔn léyi mɛ́n kàn nɔn cá ɛkuan-lɛ̀tù, n'annan ndù hán anwɔ-lɛ̀tù, kɩ n'ɔmùan kɛ cá gɔ̀ngɔ̀nsɔvɛ̀ hɔ́. Anwàn-lɛ̀brì lɔ wá nɛ̀n n'ɛkɔrɛ̀srɔn, n'ɛgbú-tòbù mán ɛkɔrɛ̀srɔn vri tɔ̀n antamɛ̀n.

Ɔwɔ-mɛ̀n-yrikàn 13:7

Yɛ tán ɛkɔrɛ̀levri nɛ̀n kɔ́n Ɔwɔ-fɛcüè anhà, ô nɛ̀n kɔ̀nkà; nɛ̀n cɔ́ ɛkɔrɛ̀srɔn ɛmɛ̀n lɔ fɛn wú, fɛcüè lɔ fɛn wú, ɛnbrɛ̀ lɔ fɛn wú mán ɛnhi wú anmàn lɔ fɛn wú.

Ɔwɔ-mɛ̀n-yrikàn 17:14

Yɔ lɛ kɔ́n Ɔwɔ-Kɔ̀kɔ̀sɛ̀-ẅì lɔ anhà, tɛ́n Ɔwɔ-Kɔ̀kɔ̀sɛ̀-ẅì kɛ lɛ kɔ̀nká yɔ, ɔmuhi nɛ̀n dú ɛẅɛn-bɔ̀ Ẅɛnwrɔn mán ɛnnɛncüi hɔ̀n Nɛncüì nɔn; nɛ lɛ kɔ̀nká yɔ, nɛ́n mán anwrɔn hɔ̀n léyi nɛ̀n bí, kɩ nɛ̀n mrɛ́n nɛ́n bɩ dú, n'ɔmùan-zri-dí-bɔ̀ nɔn.”

Ɔwɔ-mɛ̀n-yrikàn 2:13

Mɛ̀n nyri ɛyri léyi ɛ̀ sɔ́n ebɩ́ nɔn: ɛyri léyi anwa-bɔ̀ wrɔn cüìcüì gbú-tòbù ndù nɔn. Ɛ̀ brɛ́ mɛ̀n kɩkɩ ɛ̀ hɛ́n kɩ è sɩ̀ crɔ̀n ankàẅìbùtan léyi ɛ̀ ẅɛn mɛ̀n ɛmɛ̀n nɔn, annannan le ɛnvra léyi ye wri Antipasɛ̀n, mɛ́n dalɛfuɛ mùan-zri-di-wrɔn, ny'anmàn, ɛyri leyi anwa-bɔ̀ wrɔn cüìcüì sɔ́n ebɩ́ nɔn.

Ɔwɔ-mɛ̀n-yrikàn 2:9

Mɛ̀n nyri v'ejüedì mán v'ɛmiàn; tɛ́n annanwɔrɛ mɛ̀n lɔ, è di ɛnnɛ̀ncüì! Mɛ̀n nyri ankà gbàn léyi anwrɔn hɔ̀n léyi ke bú y'edomɛ̀n kɛ hán Zhüifɛ̀n-bɔ̀ hɔ́ hɩ kɛ dɔ́ tán mɛ́n nɔn, tɛ́n yɔ sɩ̀ dù Zhüifɛ̀n-bɔ̀: yɔ dú Anwa-wrɔn-fɛcüè tɔ̀n!