Ɔwɔ-mɛ̀n-yrikàn 19:8 - Ɛmɛẅi ankà ankrànkràn 2003

⁸ Yɛ tán nɛ̀n ɛceci tɔ̀n léyi ye bɩ́ jese-ẅì càsa léyi kɛ gbrɛ́n ki fì nɔn, ye dù.” (Jese-ẅì càsa lɔ de dú ɛnyrɔnnan ci-hán hɔ̀n lɔ fɛn léyi Ɔwɔ-fɛcüè-bɔ̀ kɛ hán nɔn.)

Ɔwɔ-mɛ̀n-yrikàn 19:8 Iomraidhean Croise

Matie 17:2

Nɛ̀n crɔn n'edomɛ̀n y'ezìwú; n'ezì bukru kɛ gbrɛ́n kɛ hán ɛnbri hɔ́ kɩ n'ɛceci hɔ̀n lɔ srɔ ɛwosu hán ɛyri-kàn hɔ́.

Matie 22:12

Ne yrɛ ɔwrɔn lɔ le: ‘Annyran anvrɛn, anhɔntan ɛ̀ hán è bru ɛnu lɔ, kɩ è sɩ̀ bɩ ɔkoran ceci hɛ́?’ Tɛ́n, ɔwrɔn lɔ ke sɩ́ dɔ́ ankà zriɛmɛ́n.

Markɛ̀n 9:3

n'ɛceci lɔ kɛ gbrɛ́n, srɔ ɛwosu, ye sɩ̀ cɔ́ eci wosu zriɛmɛ́n kɛ̀ krɔn nɛ̀n ɛnhibù lɔ wú.

Lükɛ̀n 24:4

Yɔ sɩ́ nyri ankà léyi yɔ le tro kɩ wúcɔ̀ anhyrɛ̀ cɔ́ ɛceci wosú srɔ.

Ɔkɔ̀hɔ̀n-wá-bɔ̀ kɔ̀hɔ̀n hán 1:10

Yɔ dú Zhezü ɛnyanmɛ̀n n'anhobɩ́ hɔ́n mɛ̀n, kɩ anwrɔn anhyrɛ̀ cɔ́ ɛceci wosu nyɔn yɔ ɛtɛsɛ̀n

Rɔmɛ̀n-anmàn-bɔ̀ 13:14

Nyɛ́n ẅɛn edomɛ̀n, eci lɔ fɛn léyi Zhezü Krisì Ɛẅɛnwrɔn tán bɔ̀ nɔn, ô nyɛ́n bɩ́ vru teze ny'edomɛ̀n nyɛ́n tán nyɛ́n dukú ny'eci-gbàngbàn léyi nyɛ́n cüɛn n'ɛhán nɔn.

Rɔmɛ̀n-anmàn-bɔ̀ 3:22

Ɔwɔ kɛ srɔ anwrɔnẅì ɛnnyrɔnnan-bɔ̀ n'ezìwú y'ankaẅì-bùtan léyi yɔ ẅɛn Zhezü Krisì mɛ̀n nɔn hɩ wú. Nɛ hán ndɔ lɔ tán anwrɔn hɔ̀n lɔ fɛn léyi ẅɛn ankaẅì-bùtan Krisì mɛ̀n nɔn, ɔmuhi yɔ lɔ fɛn nzriɛmɛ́n kè sɩ̀ vɛ̀n hàn nɔn:

Ɔwɔ-mɛ̀n-yrikàn 15:4

Ɛẅɛnwrɔn, antɔn de ke sɩ̀ ẅɛn v'ɛwá nɛ́n? Antɔn de kɛ lɛ krɔ, ke sɩ̀ zrɔ mɛ́n eci nɛ́n? Ɔmuhi vɛ́n zri kɩ è dú prɔnprɔn, ɛnhi anmàn hɔ̀n lɔ fɛn kɛ lɛ và cüe mɛ́n ankɔrɛ̀ ezìwúɛ, ɔmuhi v'ɛnyrɔn ci-hán hɔ̀n ke yé tán yɔ, kpetemɛ̀n yɔ nyrì nɔn.”

Ɔwɔ-mɛ̀n-yrikàn 15:6

Ɔwɔ-kùyüre-bɔ̀ ɔbɔ̀ɛn léyi ẅɛn ɛgbàn-hán-ci hɔ̀n ɔbɔ̀ɛn lɔ anta nɔn dú Ɔwɔ-cice wɔn mɛ̀n srɔ ɛntrɛ; y'ɛceci hɔ̀n léyi yɔ ẅɛn edomɛ̀n nɔn, kɛ gbrɛ́n kɩ dú ɛwosu, kɩ yɔ mú ansikɛ pɛtɛ̀n angbà.

Ɔwɔ-mɛ̀n-yrikàn 19:14

Anhobɩ́ anhà-kɔ́n fɛcüè hɔ̀n dú nɛ̀n ɛmɛẅi, yɔ yɛ́ kpàngɔ wosu wú, kɩ yɔ cɔ́ ɛcàsa ẅì ceci wosu fifi.

Ɔwɔ-mɛ̀n-yrikàn 3:18

Hɩ le kruhú de me wore-ankà mɛ̀n yé mɛ́n, ô ɛ̀ wɔ́ ansikɛ léyi ɛnhyá nfi nɔn, m'antamɛ̀n, ô ɛ̀ srɔ ɛnnɛ̀ncüì annanwɔrɛ mɛ̀n. È vru ɛ̀ wɔ́ ɛceci wosú, ɛ̀ ẅɛn edomɛ̀n, ô ɛsɛ̀n-kora-nyɔn anvɛvrà ke bɩ́ ẅɛn mɛ́n, ɔmu zri lɔ ɛ̀ wɔ́ anvɛ̀ háwi, ɛ̀ hán v'anvɛ̀ ɛci ô yɔ kán ɛyri.