Ɔwɔ-mɛ̀n-yrikàn 19:5 - Ɛmɛẅi ankà ankrànkràn 2003

⁵ Yɛ yá esùva tɔ̀n dú ɛgbú-tòbù wú nvà; nɛ dɔ̀ le: “Nyɛ́n mrɛ́n b'Ɔwɔ lɔ, nyɛ lɛ fɛn n'eci-bɩtan-bɔ̀, nyɛ́n léyi nyɛ́n ẅɛn n'ɛwa, ɛcüìcüì hɔ̀n mán ɛẅì hɔ̀n!”

Ɔwɔ-mɛ̀n-yrikàn 19:5 Iomraidhean Croise

Ɔwɔ-mɛ̀n-yrikàn 13:16

Ɔnɔ̀n lɔ, kɛ wá tán ɛci hɔ̀n lɔ fɛn, ɛcɛ́ mán ɛcüicüì, ɛnnɛ̀ncüì hɔ̀n mán ɛmian-bɔ̀, anwɔ̀n-bɔ̀ mán anwrɔn kora hɔ̀n, kɛ̀ cɔ́ ɛnrɛ̀n kɛ dɛ́ yɔ ezì-kɔrɛ̀ mànmɛ̀n mán ezìwú.

Ɔwɔ-mɛ̀n-yrikàn 16:17

Ɔbɔ̀ɛn mɛ̀n Wɔ-kùyüre-wrɔn lɔ cüe nɛ́n grashɛ̀n lɔ ɔwràn mɛ̀n. Esùva cüìcüì tɔ̀n dú Ɔwɔ-cice-wɔn mɛ̀n, nɛ̀n dú ɛgbú-tòbù tɛ̀sɛ̀n nɛ và kɩ nɛ dɔ̀ le: “Yɛ hán trɔa!”

Ɔwɔ-mɛ̀n-yrikàn 19:18

Nyɛ́n và nyɛ́n rá ɛnnɛncüì hɔ̀n ẅia, anhà-kɔ́n-bɔ̀ cüìcüì mán gɔliɛ-bɔ̀ ẅia, kpàngɔ hɔ̀n mán yɔ kpàngɔ-wú-yɛ́-bɔ̀ ẅia, anwrɔnẅì lɔ fɛn, yɔ hɔ̀n léyi ẅɛn y'edomɛ̀n mán anwɔ̀n-bɔ̀, ɛẅì hɔ̀n mán ɛcüìcüì hɔ̀n ẅia.”

Ɔwɔ-mɛ̀n-yrikàn 20:12

Zɛtɛn, mɛ̀n kán owú-bɔ̀, ɛcüìcüì hɔ̀n mán ɛẅi hɔ̀n, tɔhú nyɔn ɛgbú-tòbù zìwúɛ. Ye vuru ɛwrú hɔ̀n ɔmùan. Owrú nyantɛn tɔ̀n mán ye vuru ɔmùan, ɔkɔrɛ wrú lɔ. Ye ci owú-bɔ̀ ɛmrɛ̀n eci léyi yɔ hán nɔn wú, hán ɔmu le ye merɛ́n ɛwrú hɔ̀n lɔ mɛ̀n nɔn.

Ɔwɔ-mɛ̀n-yrikàn 7:15

Hɩ le kruhú de yɔ nyɔn Ɔwɔ gbú-tòbù zìwú kɩ yɔ sɛ́n nɛ̀n ɛnnyran mán ɛcɛ̀n, n'ecice wɔn lɔ mɛ̀n. Ɔwrɔn léyi yɛ́ ɛgbútòbù wú nɔn, kɛ lɛ wá yɔ esùva.