Ɔwɔ-mɛ̀n-yrikàn 19:18 - Ɛmɛẅi ankà ankrànkràn 2003

¹⁸ Nyɛ́n và nyɛ́n rá ɛnnɛncüì hɔ̀n ẅia, anhà-kɔ́n-bɔ̀ cüìcüì mán gɔliɛ-bɔ̀ ẅia, kpàngɔ hɔ̀n mán yɔ kpàngɔ-wú-yɛ́-bɔ̀ ẅia, anwrɔnẅì lɔ fɛn, yɔ hɔ̀n léyi ẅɛn y'edomɛ̀n mán anwɔ̀n-bɔ̀, ɛẅì hɔ̀n mán ɛcüìcüì hɔ̀n ẅia.”

Ɔwɔ-mɛ̀n-yrikàn 19:18 Iomraidhean Croise

Matie 24:28

Ɛyri totɔtɔ̀n léyi ezhe kɛ dɛ́ nɔn, nanvrɛn de *apɛ̀tɛ̀ hɔ̀n kɛ lɛ borɛkru nɔn.”

Lükɛ̀n 17:37

N'ɛsɛnkɛn-bɔ̀ ke yrɛ nɛ̀n le: “Tɛyri de ɛci hɔ̀n lɔ kɛ lɛ wɔɛ̀n nɛ́n?” Kɩ nɛ̀n mrɛ́n ɔmùan le: “Ɛyri léyi ezhe kɛ lɛ dɛ́ nɔn, nanvrɛn lɔ de ɛmrɛ̀ncì mán ke le dù nɔn.”

Ɔwɔ-mɛ̀n-yrikàn 11:18

Ɛnhi wú anmàn hɔ̀n sɩ́ y'edomɛ̀n ɛwú ɛmɛ̀nhyiemɛ̀n, tɛ́n zɛtɛ̀ lɔ, v'ɛmɛ̀nhyì bɩ de ke yé n'edomɛ̀n nɔn, owú-bɔ̀ mrɛ̀nci vra lɔ ncɔa, ɛnvra léyi ɛ lɛ bó, v'eci-bɩ̀tan-bɔ̀, Ɔwɔ-mùan-wú-ankà-dɔ́-bɔ̀ mán yɔ hɔ̀n léyi dú vɛ tɛn, kɩ kɛ wá mɛ́n, ɛcüìcüì mán ɛyriyri, anjakpà nɔn, ncɔa; ɛnvra léyi ke ji le yɛ jrɛ́ anwrɔn hɔ̀n léyi kɛ jrɛ́ ɛnhi nɔn, ncɔa!”

Ɔwɔ-mɛ̀n-yrikàn 13:16

Ɔnɔ̀n lɔ, kɛ wá tán ɛci hɔ̀n lɔ fɛn, ɛcɛ́ mán ɛcüicüì, ɛnnɛ̀ncüì hɔ̀n mán ɛmian-bɔ̀, anwɔ̀n-bɔ̀ mán anwrɔn kora hɔ̀n, kɛ̀ cɔ́ ɛnrɛ̀n kɛ dɛ́ yɔ ezì-kɔrɛ̀ mànmɛ̀n mán ezìwú.

Ɔwɔ-mɛ̀n-yrikàn 17:16

Ɛtrù ɛvà hɔ̀n léyi ɛ kàn mán ɔnɔ̀n lɔ ke le gbri wowie-hi lɔ: yɔ lɛ kua nɛ̀n ɛci lɔ fɛn léyi nɛ́n ẅɛ̀n nɔn, edomɛ̀n yɔ sɔhɔ́, nɛ lɛ nyɔn ɛsɛ̀n kora, yɔ lɛ rá n'anẅia kɩ yɔ lɛ jrɛ́ nɛ́n lokro hɔ̀n lɔ fɛn ɛnhyà mɛ̀n.

Ɔwɔ-mɛ̀n-yrikàn 19:5

Yɛ yá esùva tɔ̀n dú ɛgbú-tòbù wú nvà; nɛ dɔ̀ le: “Nyɛ́n mrɛ́n b'Ɔwɔ lɔ, nyɛ lɛ fɛn n'eci-bɩtan-bɔ̀, nyɛ́n léyi nyɛ́n ẅɛn n'ɛwa, ɛcüìcüì hɔ̀n mán ɛẅì hɔ̀n!”

Ɔwɔ-mɛ̀n-yrikàn 6:15

Ɛnhi-wú-nɛ̀ncüì hɔ̀n, ɛkɔrɛ̀levri-bɔ̀, anhà-kɔ́n-bɔ̀ wrɔn cüicüi, ɛnnɛ̀ncüì hɔ̀n, ɛkɔrɛ̀srɔn-bɔ̀, mán anwrɔn nyantɛn hɔ̀n, anwɔ̀n-bɔ̀, anwrɔn kora hɔ̀n kɛ bán ɛbù nànmàn mɛ̀n mán ɛbù kpɔ̀ granmɛ̀n.