Ɔwɔ-mɛ̀n-yrikàn 19:14 - Ɛmɛẅi ankà ankrànkràn 2003

¹⁴ Anhobɩ́ anhà-kɔ́n fɛcüè hɔ̀n dú nɛ̀n ɛmɛẅi, yɔ yɛ́ kpàngɔ wosu wú, kɩ yɔ cɔ́ ɛcàsa ẅì ceci wosu fifi.

Ɔwɔ-mɛ̀n-yrikàn 19:14 Iomraidhean Croise

Matie 21:5

“Nyɛ́n dɔ́ Siɔn anmàn-bɔ̀ le: Nyàn, v'ɛnnɛ̀ncüì lɔ kɛ vá mɛ́n, anwɔwɔ yɩ́ nɛ̀n ɛmɛ̀n, nɛ̀n yɛ́ frimú-sɛ̀n mán frimú-ẅì wúɛ, frimú-sɛ̀n ẅì.”

Matie 26:53

È sɩ̀ nyrì ɔmu le me le bi Dade tɛ̀, ô kɛ̀ wá mɛ̀n ɛkɔrɛ̀ kɩ kpatakpata lɔ ne le yüre mɛ̀n Ɔwɔ-kùyüre-bɔ̀ anhà-kɔ́n fɛcüè, ke le wi ɛvà-anhyrɛ̀ hà?

Matie 28:3

Nɛ́n dù nɛ̀n hán ɛwú-yà hɔ́ kɩ n'ɛceci hɔ̀n lɔ dú ɛwosu hán ecüe dà-fù hɔ́.

2 Tesalonikɛ̀n anmàn-bɔ̀ 1:7

kɩ nɛ lɛ tán nyɛ̀n anwɔwɔ, nyɛ́n léyi nyɛ kán ɛgbàn mán bɔ́ mɛhi. Ndɔ lɔ kɛ lɛ wɔɛ̀n ɛnvra léyi Ɛẅɛnwrɔn Zhezü ke le dú anhobɩ́ kɛ̀ srɔ nɛ́n mán n'ɛkɔrɛ̀-srɔn wɔ-kùyüre-bɔ̀ mɛhi;

Zhüdɛ̀n 1:14

Enɔkɛ̀n, Adamɛ̀n mɛẅi, ɔbɔ̀ɛn mɛ̀n ẅì kprɔ̀hɔ́, de ɛnvra sheshe mɛ̀n dɔ́ y'ɛwú ankà, kɩ nɛ́n dɔ̀ le: “Nyɛ́n die nukùɛ, Ɛẅɛnwrɔn kɛ lɛ và nɛ́n mán n'ɛkùyüre-bɔ̀ prɔnprɔn hɔ̀n bobrebe mɛhi,

Ɔwɔ-mɛ̀n-yrikàn 14:1

Mɛ̀n vru mɛ̀n nyan: mɛ̀n kán Ɔwɔ kɔ̀kɔ̀sɛ̀-ẅì nyɔn Siɔn kpò wúɛ, nɛ́n mán anwrɔn tɛ̀buri kru ɛkoẅi ɔbɔɛ̀n mán ɛẅì anzɔ̀ léyi dí n'ebɩ́ mán nɛ́n Zi bɩ́ ye merɛ́n ezìwú.

Ɔwɔ-mɛ̀n-yrikàn 14:20

Yɛ boyɛ antɛ̀ẅì lɔ ɛntàn-borɛ-ci lɔ mɛ̀n anmàn mɛẅi; ɛntàn-borɛ-ci lɔ mɛ̀n, ɛnkrɛ̀ shi dú srɔ, hɔ́n cɔ́ kpàngɔ hɔ̀n mùan mɛ̀n, kɩ bonyi esù-she cɔ́ anhɛ́-kɔrɛ̀ tɛ̀buri-kru zri mán ɛẅì ɛkoẅi ɛnrì dɛ̀n ɔwole.

Ɔwɔ-mɛ̀n-yrikàn 17:14

Yɔ lɛ kɔ́n Ɔwɔ-Kɔ̀kɔ̀sɛ̀-ẅì lɔ anhà, tɛ́n Ɔwɔ-Kɔ̀kɔ̀sɛ̀-ẅì kɛ lɛ kɔ̀nká yɔ, ɔmuhi nɛ̀n dú ɛẅɛn-bɔ̀ Ẅɛnwrɔn mán ɛnnɛncüi hɔ̀n Nɛncüì nɔn; nɛ lɛ kɔ̀nká yɔ, nɛ́n mán anwrɔn hɔ̀n léyi nɛ̀n bí, kɩ nɛ̀n mrɛ́n nɛ́n bɩ dú, n'ɔmùan-zri-dí-bɔ̀ nɔn.”

Ɔwɔ-mɛ̀n-yrikàn 19:11

Zɛtɛn mɛ̀n kán anhobɩ́ gbɛ́ ɔmùan, kɩ kpàngɔ wosu tɔ̀n srɔ. Ɔwrɔn léyi yɛ́ nɛ̀n ɛwú nɔn, ye bi nɛ̀n Ɔmùanzri-dì mán Annanwɔrɛ; ne ci ɛmrɛ̀n kɩ nɛ kɔ́n anhà ɛnyrɔnnan mɛ̀n.

Ɔwɔ-mɛ̀n-yrikàn 19:8

Yɛ tán nɛ̀n ɛceci tɔ̀n léyi ye bɩ́ jese-ẅì càsa léyi kɛ gbrɛ́n ki fì nɔn, ye dù.” (Jese-ẅì càsa lɔ de dú ɛnyrɔnnan ci-hán hɔ̀n lɔ fɛn léyi Ɔwɔ-fɛcüè-bɔ̀ kɛ hán nɔn.)

Ɔwɔ-mɛ̀n-yrikàn 3:4

Tɛ́n, v'anwrɔn jan-bɔ̀, Sardɛ̀n anmàn dùku lɔ, kè sɩ̀ wá y'ɛceci hɔ̀n ɛnbrá edomɛ̀n. Yɔ lɛ hɔ̀n sɩ́ mɛ̀n, ɛceci wosuemɛ̀n, ɔmuhi yɔ ẅɛn yi kɔrɛ̀levri lɔ nɔn.

Ɔwɔ-mɛ̀n-yrikàn 4:4

Ɛgbú-tòbù lɔ dòmɛ̀n, ɛgbú-tòbù ɛẅia anzɔ̀ nyantɛn hɔ̀n ndù, y'ɛwú lɔ ɛcüìcüì-bɔ̀ ɛẅia anzɔ̀ cɔ́ ɛceci wosú yɛ́, kɩ ansikɛ krusɔn-ci dú yɔ ɛnkru.

Ɔwɔ-mɛ̀n-yrikàn 7:9

Eci ndɔ lɔ n'ɛmɛẅi lɔ, mɛ̀n vru mɛ̀n nyan kɩ mɛ̀n kán anwrɔn fɛcüè vri léyi ɔwrɔn zriɛmɛ́n ke sɩ̀ krɛ̀ rɔ́ nɔn. Yɔ dú ɛnhi wú anmàn lɔ fɛn, ɔkpɔsɔ lɔ fɛn, fɛcüè lɔ fɛn mán ɛnbrɛ̀ lɔ fɛn bɔ̀. Yɔ nyɔn ɛgbú-tòbù mán Ɔwɔ Kɔ̀kɔ̀sɛ̀-ẅì zìwú, yɔ cɔ́ ɛceci she wosù kɩ ɛnnangbànkɔrɛ̀ dú yɔ ɛmàn mɛ̀n.