Ɔwɔ-mɛ̀n-yrikàn 19:12 - Ɛmɛẅi ankà ankrànkràn 2003

¹² N'anvɛ̀ hɔ̀n lɔ kɛ gbrɛ́n kɛ hán ɛnhyà hɔ́ kɩ ɛnkrusɔn-ci hɔ̀n bobrebe dú nɛ̀n ɛnkru. Nɛ̀n di ebi tɔ̀n ye merɛ́n, kɩ nɛ́n zri kɩ nɛ̀n nyri ebi lɔ.

Ɔwɔ-mɛ̀n-yrikàn 19:12 Iomraidhean Croise

Matie 11:27

Dade wá mɛ̀n eci lɔ fɛn antamɛ̀n. Ɔwrɔn zriɛmɛ́n ke sɩ̀ nyri Ɛnẅì lɔ ke dú kɛ kè sɩ̀ dù Ɛnẅì-nɛ́n-zi, kɩ ɔwrɔn zriɛmɛ́n ke sɩ̀ nyri Ɛnẅì-nɛ́n-zi ke dú kɛ kè sɩ̀ dù Ɛnẅì lɔ mán anwrɔn hɔ̀n léyi Ɛnẅì lɔ ke ji kɛ̀ tán kè nyrì nɔn.

Matie 21:5

“Nyɛ́n dɔ́ Siɔn anmàn-bɔ̀ le: Nyàn, v'ɛnnɛ̀ncüì lɔ kɛ vá mɛ́n, anwɔwɔ yɩ́ nɛ̀n ɛmɛ̀n, nɛ̀n yɛ́ frimú-sɛ̀n mán frimú-ẅì wúɛ, frimú-sɛ̀n ẅì.”

Matie 28:18

Zhezü sɔnba yɔ ɛtɛ̀sɛ̀n kɩ kɛ dɔ́ yɔ le: “Yɛ tán mɛ̀n ɛkɔrɛ̀srɔn lɔ fɛn anhobɩ́ mán ɛnhi wú.

Lükɛ̀n 10:22

Dade tán mɛ̀n ɛci hɔ̀n lɔ fɛn. Ɔwrɔnẅì zriɛmɛ̀n kè sì nyrì ɔwrɔn léyi dú Ɛnẅì nɔn, ke dú kɛ ke sɩ̀ dù Dade, kɩ ɔwrɔnẅì zriɛmɛ̀n kè sɩ̀ nyrì ɔwrɔn léyi dú Dade nɔn, ke dú kɛ kè sɩ̀ dù Ɛnẅì lɔ mán anwrɔn hɔ̀n léyi Ɛnẅì lɔ ke ji kɛ̀ hán tán kè nyrì nɔn.”

Zhan 17:11

Mɛ̀n sɩ̀ vrù dù ɛnhibù wúɛ, tɛ́n yɔ tɛn yɔ dú ɛnhibù wú; mɛ̀n, mɛ hɔ́n v'eyri. Dade Prɔnprɔn, ɛ̀ nyan yɔ v'ebɩ́ kɔrɛ̀srɔn mɛ̀n, ɛkorɛ̀srɔn léyi ɛ̀ tán mɛ̀n nɔn, ô yɔ dú eci zri kɛ̀ hán vɛ́n mán mɛ̀n mɛhi léyi bɔ̀ dú eci zri nɔn hɔ́.

Zhan 17:12

Ɛnvra léyi yɔ mɛhi bɔ́ dù nɔn, mɛ nyan yɔ v'ebɩ́ kɔrɛ̀srɔn mɛ̀n, ɛkorɛ̀srɔn léyi ɛ̀ tán mɛ̀n nɔn. Mɛ̀n wá yɔ esùva kɩ nzri mán kè sɩ̀ zrɛ̀n hàn, ke dú kɛ kè sɩ̀ dù nzri léyi dú ɛzrɛ́n tɛn nɔn, ô Ɔwrú Prɔnprɔn ankà-dɔ̀ lɔ kɛ̀ sá nmù nɔn.

Efɛzɛ̀n anmàn-bɔ̀ 1:21

Anhobɩ́ anmàn lɔ, Krisì dú ɛkɔrɛ̀-levri lɔ fɛn wú, ecüì lɔ fɛn wú, ɛkɔrɛ̀-srɔn lɔ fɛn wú, ɛyri-ẅɛ̀n lɔ fɛn wú mán ɛkɔrɛ̀-wú-ci lɔ fɛn léyi yɛ lɛ cɔ́ ɛnhi ndɔ lɔ wú mán hɩ le yɛ lɛ cɔ́ ɛnhi anmàn léyi dú ezì kɛ và nɔn wú.

Ebre-bɔ̀ 2:9

Tɛ́n bɔ́ kán ndɔ lɔ: ɛnvra cá mɛ̀n Zhezü dú Ɔwɔ kùyüre-bɔ̀ ɛnhi, ô Ɔwɔ nboafɔ̀n lɔ mɛ̀n, nɛ̀n wú anwrɔnẅì lɔ fɛn kruhú; kɩ bɔ́ kán nɛ̀n zɛtɛ̀ lɔ eci-zrɔ mán ɛmrɛ́n dú nɛ tɛn, owú-gbàn léyi nɛ́n kàn nɔn hɩ kruhú.

Ɔwɔ-mɛ̀n-yrikàn 1:14

N'ɛnkruẅie lɔ wo pupu hán kɔ̀kɔ̀sɛ̀ tù wosu hɔ́, kɩ vru cá ɔwɔ̀rɔ̀ dàfù hɔ́, kɩ n'anvɛ̀ hɔ̀n kɛ gbrɛ́n kɛ hán ɛnhyà hɔ́;

Ɔwɔ-mɛ̀n-yrikàn 12:3

Eci-woroanci nyàntɛn tɔ̀n srɔ anhobɩ́: anwàn-lɛ̀brì wɔnsɛn vri tɔ̀n di ɛnkru ɔbɔ̀ɛn kɩ ɛtrù ɛvà mán ɛnkrusɔn-ci dú n'ɛnkru hɔ̀n ɔbɔ̀ɛn lɔ wú.

Ɔwɔ-mɛ̀n-yrikàn 13:1

Zɛtɛn mɛ̀n kán ɔnɔ̀n tɔ̀n dú ecüe mɛ̀n srɔ ɛntrɛ. Nɛ̀n ẅɛn ɛtrù ɛvà mán ɛnkru ɔbɔ̀ɛn; kɩ ye merɛ́n n'ɛnkru hɔ̀n lɔ wú Ɔwɔ bɩ́ wora.

Ɔwɔ-mɛ̀n-yrikàn 19:16

N'ɛceci she lɔ wú mán n'annan-bɔ̀n-mɛ̀n ye merɛ́n ebi ndɔ lɔ: “Ɛnnɛncüì hɔ̀n Nɛ̀ncüì mán ɛẅɛn-bɔ̀ Ẅɛnwrɔn”.

Ɔwɔ-mɛ̀n-yrikàn 3:12

Ɔkɔ̀nká-wrɔn lɔ, mɛ lɛ srɔ nɛ̀n m'Ɔwɔ lɔ n'ecice wɔn hinan-bù, kɩ nɛ́n sɩ̀ vru dú nanvrɛn lɔ nɛ̀n srɔ mrìmrì. N'ɛwú lɔ, me le merɛ́n m'Ɔwɔ bi mán m'Ɔwɔ anmàn bi, Zherüzalɛmɛ̀n wrù léyi dú anhobɩ́ kakɛ hɩ m'Ɔwɔ hán và. N'ɛwú lɔ me le vru mɛ̀n merɛ́n m'ebi wrù lɔ.

Ɔwɔ-mɛ̀n-yrikàn 6:2

Mɛ̀n nyan kɩ mɛ̀n kán kpàngɔ wosu tɔ̀n. Ɔwrɔn léyi yɛ́ kpàngɔ lɔ wú nɔn, anlɛbɛn tɔ̀n dú nɛ̀n antamɛ̀n kɩ yɛ tán nɛ̀n ɛnkrusɔn-cì tɔ̀n. Nɛ̀n hɔ́n ɛkɔ̀nká mɛ̀n, ô nɛ̀n vru nɛ̀n kɔ̀nkà.