Ɔwɔ-mɛ̀n-yrikàn 19:10 - Ɛmɛẅi ankà ankrànkràn 2003

¹⁰ Mɛ̀n bore nɛ̀n annan zìwú, ô mɛ̀n cüe nɛ̀n ankɔrɛ̀ ezìwúɛ, tɛ́n nɛ dɔ́ mɛ̀n le: “E bɩ́ hán ndɔ lɔ! Mɛ̀n dú eci-bɩtan-wrɔn hán vɛ́n hɔ́, kɩ mɛ́n dù hán ɔmuan-ẅì hɔ̀n léyi di ɔmùan-zri annànwɔrɛ ankà léyi Zhezü yé nɔn wú. Ɔwɔ de ke ji le è cüe ankɔrɛ̀ ezìwúɛ nɔn!” Annanwɔrɛ ankà léyi Zhezü yé nɔn, nyàn eci léyi kɛ nyrɔn Ɔwɔ-mùanwú-ankà-dɔ́-bɔ̀ nɔn.

Ɔwɔ-mɛ̀n-yrikàn 19:10 Iomraidhean Croise

Matie 4:10

Zɛtɛn Zhezü kɛ dɔ́ nɛ̀n le: “Sɔ̀n hɔ́n ɛmɛẅi, Anwa-wrɔn! Ɔmuhi Owrú Prɔnprɔn kɛ dɔ̀ le: ‘È cüe Ɛẅɛnwrɔn v'Ɔwɔ ankɔ̀rɛ̀ ezìwúɛ, ô ɛ̀ sɛ́n nɛ́n zri kɩ.’ ”

Markɛ̀n 5:22

Ɔwɔ-sɛ́n-wɔn mɛ̀n wrɔn cüìcüì tɔ̀n, ye bi Zhahirüsɛ̀n nvà. Nɛ̀n kán Zhezü, nɛ̀n bore yi annan tɛ̀sɛ̀n,

Markɛ̀n 7:25

Ɛnnyɔnwrɔn tɔ̀n léyi n'ɛnẅì, ɛnnyɔnwrɔn-ẅì dú ɛgbànkán mɛ̀n ɛnhɛ́n gbàngbàn tamɛ̀n nɔn, yá yɛ dɔ́ Zhezü ankà, nɛ̀n ji yi nɛ́n hɔ̀n kɩ nɛ̀n bore yi annan zìwú.

Lükɛ̀n 1:19

Ɔwɔ-kùyüre-wrɔn lɔ mrɛ́n nɛ̀n ɔmùan kɩ kɛ dɔ́ nɛ̀n le: “Mɛ̀n dú Gabriɛlɛ̀n, mɛ nyɔn Ɔwɔ zìwú, mɛ̀n dú n'eci-bɩ̀tan-wrɔn; nɛ̀n wá mɛ̀n ɔkɔhɔ̀n mɛ̀n và dɔ́ mɛ̀n ankà, ô mɛ̀n bɩ́ ankà ankrànkràn ndɔ lɔ mɛ̀n và sɩ́ mɛ́n.

Lükɛ̀n 24:44

Zɛtɛn nɛ dɔ́ yɔ le: “Nyàn ankà léyi mɛ̀n dɔ́ nyɛ̀n ɛnvra léyi nyɛ́n mɛhi bɔ́ dù nɔn: eci hɔ̀n léyi ye merɛ́n m'ɛwú, Mohizì nyanmàn lɔ mɛ̀n, Ɔwɔ-mùanwú-ankà-dɔ́-bɔ̀ wrú hɔ̀n lɔ mɛ̀n, mán Ɔwɔ-mrɛ́n wrú lɔ mɛ̀n nɔn, ke ji le kɛ̀ sá nmù.”

Zhan 5:39

Nyɛ hán Ɛwrú Prɔnprɔn kɔhɔ̀n, ɔmuhi nye tro le n'ɛmɛ̀n lɔ, nyɛ lɛ cɔ́ ɛwúvà léyi ke sɩ́ trɔa nɔn: yɔde annànwɔrɛmɛ̀n lɔ yɔ dɔ́ m'ankà nɔn!

Ɔkɔ̀hɔ̀n-wá-bɔ̀ kɔ̀hɔ̀n hán 10:43

Ɔwɔ-mùanwú-ankà-dɔ́-bɔ̀ lɔ fɛn dɔ́ n'ankà le, ɔwrɔn totɔtɔ̀n léyi ke bú n'ankà kɛ tán ankaẅì nɔn, kɛ lɛ cɔ́ ɛgbàn-bɩce n'ebɩ́ kɔrɛ̀srɔn lɔ mɛ̀n.”

Ɔkɔ̀hɔ̀n-wá-bɔ̀ kɔ̀hɔ̀n hán 13:27

Annanwɔrɛmɛ̀n lɔ, Zherüzalɛmɛ̀n anmàn-bɔ̀ mán y'anwrɔn cüìcüì hɔ̀n kè sɩ̀ nyrì ɔwrɔn léyi dú Zhezü nɔn, kɩ yɔ sɩ́ yá Ɔwɔ-mùanwú-ankà-dɔ́-bɔ̀ ankà-dɔ̀ léyi yɛ krɛ́ ɛnyanman-bì lɔ fɛn nɔn. Tɛ́n yɔ hán ankà-dɔ̀ ndɔ lɔ sá nmù, ɛnvra léyi yɔ di Zhezü owúemɛ̀n nɔn;

2 Korɛntɛ̀n anmàn-bɔ̀ 8:7

Nyɛ́n di ɛnnɛ̀ncüì eci lɔ fɛn mɛ̀n: ankaẅì-bùtan, ankà-nyrì-dɔ̀, eci-nyrì, edùyì léyi ke sɩ̀ ẅɛ̀n ɛnkru mán ɛcüɛ̀n léyi bɔ̀ hán dú nyɛ̀n ɛmɛ̀n srɔ nɔn. Hɩ le kruhú de bɔ́ ji le nyɛ́n yé le nyɛ́n di ɛnnɛ̀ncüì ɛnbɔrɛ anvrɛnvrɛn kɔrɛ̀-wá-kɔ̀hɔ̀n ndɔ lɔ mɛ̀n.

Efɛzɛ̀n anmàn-bɔ̀ 5:15

Ɔmu lɔ, nyɛ́n wá esùva anvrɛnvrɛn ny'ɛwúvà ẅɛn mɛ̀n. Nyɛ́n bɩ́ nán esù kɛ hán ɔbrɔ̀sà-bɔ̀ hɔ́, tɛ́n kɛ̀ hán ankà-nyri-bɔ̀ hɔ́.

Efɛzɛ̀n anmàn-bɔ̀ 5:33

Tɛ́n kɛ crɛ nyán nyɛ́n mán: ke ji le ɛncɔnwrɔn kɛ̀ cüɛn nɛ́n hi kɛ hán nɛ́n dùku hɔ́, ô ɛnnyɔnwrɔn mán kɛ wá nɛ́n cüì.

Filipɛ̀n anmàn-bɔ̀ 3:3

Annanwɔrɛ mɛ̀n lɔ, bɔ́ de bɔ̀ ẅɛn annanwɔrɛ ankà wúcɔ̀-dòmɛ̀n-wì ankà wú nɔn, ɔmuhi bɔ̀ dú Ɔwɔ ci-bɩtan-bɔ̀ n'Ɛnhɛ́n Prɔnprɔn mɛ̀n, bɔ́ dú ɔmùan-gbuemɛ̀n kɩ bɔ̀ dú Zhezü Krisì tɛn, kɩ bɔ́ sɩ́ wá bɔ́ esɛ́ lɔ anwrɔnẅì nyànmàn wú nɔn.

1 Tesalonikɛ̀n anmàn-bɔ̀ 5:15

Nyɛ́n wá esùva ô ɔwrɔn zriɛmɛ́n ke bɩ́ bɩ́ ɛgbàn ke dí ɛgbàn-wɔ̀ɛn, tɛ́n nyɛ́n ji ɛnvra lɔ fɛn anvrɛn-hán ny'edomɛ̀n mán anwrɔn lɔ fɛn tɛ̀sɛ̀n.

Ebre-bɔ̀ 1:14

Ɔwɔ kùyüre-bɔ̀ dú anhɛ́n hɔ̀n léyi dú Ɔwɔ ci-bɩtan kɔ̀hɔ́n mɛ̀n nɔn kɩ: nɛ wá yɔ ɔkɔ̀hɔ̀n yɔ bɩ́ ɛkɔrɛ̀-wá yɔ hɔ́n sɩ́ anwrɔn hɔ̀n léyi kɛ lɛ cɔ́ ɛnkrukɔrɛ̀ nɔn.

Ebre-bɔ̀ 12:25

Zɛtɛn nyɛ́n wá esùva! Nyɛ́n díe ɔwrɔn léyi kɛ dɔ́ nyɛ̀n ankà nɔn nukùɛ. Anwrɔn hɔ̀n léyi krɔ kɩ kè sɩ̀ dìe ankà-bi-dɔ́-wrɔn nukù ɛnu ɛnhibù wú nɔn, ɛgbàn-wɔ̀ɛndì lɔ, kè sɩ̀ vɔ́n yɔ ɛwú. Annànnàn le, ɛgbàn-wɔ̀ɛndì n'd'o lɔ, ke sɩ̀ vɔ́n bɔ̀ ɛwú ke dú kɛ bɔ́ crɛ ejüí bɔ́ sɔ́n ɔwrɔn léyi dú anhobɩ́ kɛ dɔ́ bɔ̀ ankà nɔn.

1 Zhan 5:10

Ɔmu lɔ de ɔwrɔn léyi ke bú Ɔwɔ ẅì ankà kɛ tán ankaẅì nɔn, ẅɛn dalɛfuɛ-dì ndɔ lɔ dú nɛ̀n ɛmɛ̀n; tɛ́n ɔwrɔn léyi ke sɩ́ bú Ɔwɔ ankà kɛ tán ankaẅì nɔn, nɛ srɔ Ɔwɔ ɛyɔ̀n-wrɔn tɔ̀n, ɔmuhi dalɛfuɛ léyi Ɔwɔ di n'Ɛnẅì wú nɔn, nɛ̀n sɩ̀ bù tán ankaẅì.

1 Zhan 5:21

M'ɛẅì hɔ̀n, nyɛ́n cɔhɔ́ ɛyɔ̀n wɔ hɔ̀n tɛsɛ̀n!

Ɔwɔ-mɛ̀n-yrikàn 1:1

Owrú ndɔ lɔ kɛ dɔ́ ɛyrikàn léyi Zhezü Krisì ncɔ̀ nɔn n'ankà. Ɔwɔ tán nɛ̀n ɛyrikàn ndɔ lɔ, ô nɛ̀n yé n'eci-bɩ̀tan bɔ̀ eci léyi kɛ lɛ wɔɛn ɛnvra bruemɛ̀n nɔn. Krisì wá n'ɛkùyüre-wrɔn ɔkɔ̀hɔ̀n Zhan yri, ô kɛ̀ tán nɛ̀n nɛ̀n nyri eci léyi kɛ lɛ wɔɛ̀n nɔn.

Ɔwɔ-mɛ̀n-yrikàn 1:9

Mɛ̀n dú Zhan, nyɛ́n muan-ẅì; mɛ̀n mán mɛ̀n dú Zhezü bɔ̀sɔ̀ lɔ mɛ̀n hán nyɛ́n hɔ́, mɛ̀n dú ny'ɛkɔrɛ̀-wá-wrɔn ejüediemɛ̀n, mɛ̀n dú ɛnnɛ̀ncüì-dúyri mán ɛnbɔrɛ-ẅɛ̀n-hɛ́n-sɛ́ mɛ̀n. Yɛ sɩ́ mɛ̀n anwɔ̀nẅìemɛ̀n Patmɔsɛ̀n shi-vú-ta wú, m'ɔmùan zri-dì Ɔwɔ mùan-ankà wú mán annanwɔrɛ yrikàn léyi mɛ̀n cɔ́ Zhezü mɛ̀n nɔn, hɩ kruhú.

Ɔwɔ-mɛ̀n-yrikàn 12:11

Bo muanẅì hɔ̀n kɔ́nká nɛ̀n Ɔwɔ Kɔ̀kɔ̀sɛ̀-ẅì krɛ̀ kɔrɛ̀levriemɛ̀n, mán ankà léyi yɔ di dalɛfuɛ n'ɛwú nɔn n'ɛmɛ̀n; yɔ sɩ̀ bàn y'ɛwúvà lɔ, yɔ krɔn kpehɛ́n, ô yɔ wù.

Ɔwɔ-mɛ̀n-yrikàn 12:17

Ɛmɛ̀nhyì léyi nɛ̀n ẅɛn ɛnnyɔnwrɔn lɔ wú nɔn, wá tán nɛ̀n nɛ̀n hɔ̀n kɔ́n ɛnnyɔnwrɔn lɔ n'ɛmɛẅi-bɔ̀ anhà, yɔ léyi yɔ wá Ɔwɔ nyanmàn kɩ yɔ di ɔmùan zri Zhezü annanwɔrɛ ankà léyi yé nɔn hɩ wú.

Ɔwɔ-mɛ̀n-yrikàn 14:7

Nɛ dɔ́ esùva cüìcüìemɛ̀n le: “Nyɛ́n sɩ́ ny'edomɛ̀n ɛnhi nyɛ́n tán Ɔwɔ, ô nyɛ́n zrɔ nɛ̀n eci! Ɔmuhi, ɛnvra léyi ne le ci anwrɔnẅì ɛmrɛ̀n nɔn ncɔ̀a. Nyɛ́n cüe ɔwrɔn léyi hán anhobɩ́, ɛnhi, ecüe mán ɛnshi-bɛ́ hɔ̀n nɔn, ankɔrɛ̀ ezìwúɛ!”

Ɔwɔ-mɛ̀n-yrikàn 15:4

Ɛẅɛnwrɔn, antɔn de ke sɩ̀ ẅɛn v'ɛwá nɛ́n? Antɔn de kɛ lɛ krɔ, ke sɩ̀ zrɔ mɛ́n eci nɛ́n? Ɔmuhi vɛ́n zri kɩ è dú prɔnprɔn, ɛnhi anmàn hɔ̀n lɔ fɛn kɛ lɛ và cüe mɛ́n ankɔrɛ̀ ezìwúɛ, ɔmuhi v'ɛnyrɔn ci-hán hɔ̀n ke yé tán yɔ, kpetemɛ̀n yɔ nyrì nɔn.”

Ɔwɔ-mɛ̀n-yrikàn 19:9

Ɔwɔ-kùyüre-wrɔn lɔ kɛ dɔ́ mɛ̀n le: “È merɛ́n: Ɛnbɔrɛbru dú anwrɔn hɔ̀n léyi ye bi Ɔwɔ-Kɔ̀kɔ̀sɛ̀-ẅì yiri ci-zî koran lɔ mɛ̀n nɔn.” Kɩ nɛ́n dɔ̀ le: “Ndɔ lɔ dú Ɔwɔ mùan-ankà-dɔ̀ annanwɔrɛ.”

Ɔwɔ-mɛ̀n-yrikàn 4:10

ɛcüicüì-bɔ̀ ɛẅia anzɔ̀ lɔ, kɛ shran annankruemɛ̀n, ɔwrɔn léyi yɛ́ ɛgbù-tòbù wú nɔn zìwú, yɔ cüe ɔwrɔn léyi dú ɛwúvà mɛ̀n ɛnvra lɔ fɛn nɔn ankɔrɛ̀ ezìwúɛ. Yɔ kɔ́n y'ɛnkrusɔ́n-ci hɔ̀n lɔ cüe ɛgbú-tòbù zìwú kɩ yɔ dɔ̀ le: