Ɔwɔ-mɛ̀n-yrikàn 18:8 - Ɛmɛẅi ankà ankrànkràn 2003

⁸ Nyàn eci le kruhú léyi ɛgbàn-hán-ci hɔ̀n léyi yɛ wá yɛ hɛ́n nɛ̀n nɔn, fɛn lɔ ke le ku nɛ̀n ɛwú ɛnbì zri: owú loẅiɛ, ɛngrɔndì mán ebrè; ɛnhyà kɛ lɛ jrɛ́ nɛ̀n. Ɔmuhi ɛkɔrɛ̀ srɔ́n nɛ̀n, Ɛẅɛnwrɔn Ɔwɔ léyi ci nɛ̀n ɛmrɛ̀n nɔn.”

Ɔwɔ-mɛ̀n-yrikàn 18:8 Iomraidhean Croise

1 Korɛntɛ̀n anmàn-bɔ̀ 10:22

Kale bɔ́ ji bɔ̀ hán Ɛẅɛnwrɔn kɛ̀ kɔ́n ecüì-hi hɛ? Nye tro le bɔ̀ ẅɛn ecüì bɔ̀ vrán nɛ̀n hàn?

Ɔwɔ-mɛ̀n-yrikàn 11:17

kɩ kɛ dɔ̀ le: “Ɛẅɛnwrɔn ɛkɔrɛ̀srɔn Wɔ, vɛ́n léyi e dù, kɩ ɛ gɔ́ dù nɔn, bɔ mrɛ́n mɛ́n, Ɔmuhi è bɩ́ v'ɛkɔrɛ̀srɔn vri lɔ ɛ̀ yrɛ́ v'ɛyri-ẅɛ̀n lɔ nɔn.

Ɔwɔ-mɛ̀n-yrikàn 17:16

Ɛtrù ɛvà hɔ̀n léyi ɛ kàn mán ɔnɔ̀n lɔ ke le gbri wowie-hi lɔ: yɔ lɛ kua nɛ̀n ɛci lɔ fɛn léyi nɛ́n ẅɛ̀n nɔn, edomɛ̀n yɔ sɔhɔ́, nɛ lɛ nyɔn ɛsɛ̀n kora, yɔ lɛ rá n'anẅia kɩ yɔ lɛ jrɛ́ nɛ́n lokro hɔ̀n lɔ fɛn ɛnhyà mɛ̀n.

Ɔwɔ-mɛ̀n-yrikàn 17:18

Ɔtrɔ mɛ̀n lɔ, ɛnnyɔnwrɔn léyi ɛ kàn nɔn, nɛ̀n dú anmàn vri léyi dú ɛnhi wú nɛ̀ncüì hɔ̀n ɛwú nɔn.”

Ɔwɔ-mɛ̀n-yrikàn 18:17

Kɩ wacɛ̀n zri kɩ ndɔ lɔ fɛn lɔ mutù!” Ɛnhyábri-hɛ̀-ẅɛn-bɔ̀ lɔ fɛn mán y'anwrɔn hɔ̀n mɛhi, mán yɔ hɔ̀n léyi kɛ cɔ́ y'ɛcizì ecüe-wú-kɔ̀hɔ̀n-hán mɛ̀n nɔn, kɛ nyɔn esù-she

Ɔwɔ-mɛ̀n-yrikàn 18:19

Yɔ kɔ́n ɔnwɔ̀n ku ɛnkruemɛ̀n, yɔ wú eyú, yɔ botò kɩ yɔ di bobo yɔ dɔ̀ le: “Muzhie! Muzhie tán de dú tán anmàn vri lɔ! N'ɛnnɛ̀ncüì-di-ci hɔ̀n lɔ wú de anwrɔn hɔ̀n lɔ fɛn léyi kɛ hán ɔkɔ̀hɔ̀n ecüe-wú-ɛnhyàbri-hɛ̀ wú nɔn, ke di ɛnnɛ̀ncüì nɔn. Kɩ wacɛ̀n zri kɩ fɛn lɔ mutù!”

Ɔwɔ-mɛ̀n-yrikàn 19:3

Kɩ yɔ vru yɔ dɔ̀ le: “Aleluyà! Nyɛ́n mrɛ́n Ɛẅɛnwrɔn! Anmàn cüìcüì léyi yɛ wá ɛnhyà nɔn, n'ɛnhyàbri kɛ hɔ́n ɛwú ɛnvra lɔ fɛn!”