Ɔwɔ-mɛ̀n-yrikàn 18:21 - Ɛmɛẅi ankà ankrànkràn 2003

²¹ Zɛtɛn ɛkɔrɛ̀srɔn Wɔ-kùyüre-wrɔn tɔ̀n bɩ́ obù tɔ̀n cá ɛci-zhɛ́-bù vri tɔ̀n kɩ kɔ́n nɛ̀n di ecüe wú kɩ kɛ dɔ̀ le: “Ɔmu lɔ de yɛ lɛ kɔ́n Babilɔnɛ̀n anmàn vri lɔ ye ze ecüemɛ̀n, kɩ ye sɩ̀ vru kán nɛ̀n mrìmrì.

Ɔwɔ-mɛ̀n-yrikàn 18:21 Iomraidhean Croise

Ɔwɔ-mɛ̀n-yrikàn 10:1

Zɛtɛn mɛ̀n vru mɛ̀n kán Ɔwɔ kùyüre-wrɔn nyantɛn tɔ̀n dú anhobɩ́ kakɛ. Nɛ̀n dú ɛnwì-gbú tɔ̀n mɛ̀n kɩ nyàngɔ̀dɛ̀n dú n'ɛnkrusɔn-ci; n'ezì ndù cá ɛnbri hɔ́ kɩ n'annan hɔ̀n ndù hán ɛbùnan-hyà hɔ́.

Ɔwɔ-mɛ̀n-yrikàn 12:8

Tɛ́n anwàn-lɛ̀bri anhà nkà, kɩ nɛ́n mán n'ɛkuyüre-bɔ̀ mɛhi yɔ sɩ̀ vrù cɔ̀ ɛyri anhobɩ́ yɔ yɛ̀a.

Ɔwɔ-mɛ̀n-yrikàn 16:20

Ɛnshiwú-vu-ta hɔ̀n lɔ fɛn zrɛ́n kɩ ye sɩ́ vru kán nkpò zriɛmɛ́n.

Ɔwɔ-mɛ̀n-yrikàn 18:10

Yɔ lɛ nyɔn, esù-she ɛnjansuemɛ̀n, n'ɛgbàn hɔ̀n wɔɛ̀ndi tɛ̀sɛ̀n, kɩ yɔ lɛ dɔ̀ le: “Muzhie! Muzhie tán! Ô babilɔnɛ̀n, anmàn vri mán ɛkɔrɛ̀srɔn anmàn! Wacɛ̀n zri kɩ ke ji, ô vɛ́n nwù-bɔ̀ lɔ ke gorɛ mɛ̀n!”

Ɔwɔ-mɛ̀n-yrikàn 18:22

Ye sɩ̀ vru yá mrìmrì, v'eyri ɛbemɛ̀n anhɛ́-mràn mán ɛcɔ̀-krɛ́-bɔ̀, kètè-mú-bɔ̀ mán anbrɛ̀n-mú-bɔ̀ ɔmùan. Ye sɩ̀ vru cɔ́ ɔkɔ̀hɔ̀n-hán-wrɔn totɔtɔ̀n zriɛmɛ́n; ye sɩ̀ vru yá ɛci-zhɛ́-bù ɔmùan.

Ɔwɔ-mɛ̀n-yrikàn 20:11

Zɛtɛn mɛ̀n kán ɛgbú-tòbù wosu vri tɔ̀n mán ɔwrɔn léyi yɛ́ nɛ̀n ɛwú nɔn. Ɛnhi mán anhobɩ́ srɛ́ esù she n'ɛtɛ̀sɛ̀n, kɩ ye sɩ̀ vru kàn yɔa.

Ɔwɔ-mɛ̀n-yrikàn 5:2

Kɩ mɛ̀n kán ɛkɔrɛ̀srɔn Wɔ-kùyüre-wrɔn tɔ̀n kɛ dɔ́ esùva cüìcüìemɛ̀n le: “Antɔn de krɔn kpehɛ́n kɛ lɛ bɔyɛ ɛci-tɔn-ci hɔ̀n léyi ye bɩ yɛ tɔ́n owrú lɔ, ô kè vuru owrú lɔ nɛ́n?”