Ɔwɔ-mɛ̀n-yrikàn 18:14 - Ɛmɛẅi ankà ankrànkràn 2003

¹⁴ “Yɛ dɔ̀ le hôwù! Ɛci-wɔ́-ci hɔ̀n léyi e ji nɔn, zrɛ́n v'eduyri, v'ɛnnɛ̀ncüì-di-ci hɔ̀n mán v'evridí-ci hɔ̀n zrɛ́n, kɩ ye sɩ̀ vrú cɔ́ yɔ mrìmrì!”

Ɔwɔ-mɛ̀n-yrikàn 18:14 Iomraidhean Croise

Matie 11:8

Zɛtɛn ecitan de nyɛ́n hɔ́n ɛnyan-yri nɛ́n? Ɔwrɔn tɔ̀n léyi cɔ́ ɛceci ankrànkràn nɛ́n? Tɛ́n anwrɔn hɔ̀n léyi kɛ cɔ́ ɛceci ankrànkràn nɔn dú ɛnnɛ̀ncüì hɔ̀n bemɛ̀n.

Lükɛ̀n 12:20

Tɛ́n Ɔwɔ kɛ dɔ́ nɛ̀n le: ‘Ɔbrɔsà-wrɔn! Ɛnnyran ndɔ lɔ mɛ̀n, e sɩ̀ vru dú ɔkɔrɛ-bɔ̀ mɛ̀n. Zɛtɛn, antɔn de ɛ̀ tán ɛci léyi ɛ̀ bɔrɛkru ɛ̀ hɛ́n nɛ́n?’ ”

Lükɛ̀n 16:25

Tɛ́n Abrahamɛ̀n kɛ dɔ̀ le: ‘M'ɛnẅì kè bru mɛ́n le, ɛ̀ cɔ́ ɛci bobrebe ɛnvra léyi è dú ɛnu ɛnhi, tɛ́n Lazarɛ̀n dú ɛgbàn-kàn brobebe mɛ̀n. Zɛtɛ̀ lɔ, ɛnu lɔ nɛ cɔ́ n'ɛnbɔrɛ-bi-wá, vɛ tɛn è dú ɛgbàn-kán mɛ̀n.

1 Korɛntɛ̀n anmàn-bɔ̀ 10:6

Ɛci ndɔ léyi wɔɛ̀n nɔn kɛ tán bɔ̀ sɛnpò, ô bɔ́ bɩ́ ẅɛn ankà-tro gbàngbàn kɛ hán ɔmu le yɔ ẅɛ̀n nɔn hɔ́.

Zhakɛ̀n 4:2

Nye ji eci tɔ̀n, kɩ eci léyi nye ji nɔn, nyɛ́n sɩ̀ cɔ́ nɛ̀n rɔ́, kɩ zɛtɛn nye ji ɛyri ô nyɛ́n wri ɔwrɔn; nye ji eci tɔ̀n, kɩ eci lɔ nyɛ́n sɩ̀ cɔ́ nɛ̀n rɔ́, kɩ zɛtɛn ecüìwrɔn mán ankà-sɩ̀ ke bru nyɛ̀n ɛmɛ̀n. Nyɛ́n sɩ̀ ẅɛ̀n eci léyi nye ji nɔn, ɔmuhi nyɛ́n sɩ́ nyri sán Ɔwɔ eci lɔ nɔn.

Ɔwɔ-mɛ̀n-yrikàn 18:13

ɛci bánbán, ɛnshi-bánbán, ɛnzhì bánbán mán anjɔsàn; ɛntàn wɔsɛn, ɛnzhì, dùdu-sɔ́n; ɛnnànmán mán kɔ̀kɔ̀sɛ̀ hɔ̀n, kpàngɔ, mán kpàngɔ-hɛ̀ hɔ̀n, anwɔ̀n-bɔ̀ mán anwrɔnẅì wúvà.

Ɔwɔ-mɛ̀n-yrikàn 18:15

Anhàn-zhrɛ-bɔ̀ léyi di ɛnnɛ̀ncüì ɛci-hɛ́ mɛ̀n anmàn ndɔ lɔ mɛ̀n nɔn, kɛ lɛ nyɔn esù-she ɛnjansuemɛ̀n ɛgbàn-wɔ̀ɛn-dì léyi dú yɔ tɛn nɔn n'ɛtɛ̀sɛ̀n. Yɔ lɛ wú eyú kɩ yɔ le bòtò;