Ɔwɔ-mɛ̀n-yrikàn 18:10 - Ɛmɛẅi ankà ankrànkràn 2003

¹⁰ Yɔ lɛ nyɔn, esù-she ɛnjansuemɛ̀n, n'ɛgbàn hɔ̀n wɔɛ̀ndi tɛ̀sɛ̀n, kɩ yɔ lɛ dɔ̀ le: “Muzhie! Muzhie tán! Ô babilɔnɛ̀n, anmàn vri mán ɛkɔrɛ̀srɔn anmàn! Wacɛ̀n zri kɩ ke ji, ô vɛ́n nwù-bɔ̀ lɔ ke gorɛ mɛ̀n!”

Ɔwɔ-mɛ̀n-yrikàn 18:10 Iomraidhean Croise

Ɔwɔ-mɛ̀n-yrikàn 11:8

Yɔ ezhe dùwru hɔ̀n lɔ kɛ lɛ dɛ́ anmàn drɛ́nmɔɛn mɛ̀n, ɛyri léyi yɛ gɔ́n y'Ɛẅɛnwrɔn brɛ́ ɛgbàn-hán-tɛ̀ tɔ̀n domɛ̀n nɔn. Anmàn ndɔ lɔ nyàndrɛn ankà-dɔ́ mɛ̀n lɔ ye bi nɛ̀n Sodɔmɛ̀n, ɛnvra tɔ̀n hô Ezhiptɛ̀n.

Ɔwɔ-mɛ̀n-yrikàn 14:8

Anhyrɛmɛ̀n Wɔ-kùyüre-wrɔn tɔ̀n kɛ́n kpàkpà tɛn lɔ, kɩ kɛ dɔ̀ le: “Nɛ̀n bore, nɛ̀n bore Babilɔnɛ̀n cüìcüì lɔ! Nɛ̀n hán ɛnhi-wú-anmàn hɔ̀n lɔ fɛn mi n'ɛmɛ̀nhyì wúvà-gbàngbàn-ci-hán tàn wɔnsɛn!”

Ɔwɔ-mɛ̀n-yrikàn 16:19

Anmàn vri lɔ vɔ́n n'edomɛ̀n anhɔ̀n kɩ ɛnhi wú anmàn hɔ̀n lɔ fɛn gbɔngbɔ̀. Ɔwɔ kè sɩ̀ tezè Babilɔnɛ̀n cüìcüì lɔ; nɛ̀n hán yi mi n'ɛntàn wɔnsɛn grashɛ̀n lɔ, n'ɛmɛ̀nhyì vri tàn wɔnsɛn lɔ.

Ɔwɔ-mɛ̀n-yrikàn 17:12

Ɛtrù ɛvà hɔ̀n léyi ɛ kàn nɔn, dú ɛnnɛ̀ncüì hɔ̀n ɛvà léyi kɛ vá ẅɛn ɛyri nɔn; tɛ́n yɔ lɛ cɔ́ ɛkɔrɛ̀srɔn yɔ ẅɛn ɛyri wacɛ̀n zri granmɛ̀n yɔ mán ɔnɔ̀n lɔ mɛhi.

Ɔwɔ-mɛ̀n-yrikàn 18:18

kɩ ke di bobo ɛnvra léyi yɔ kán anmàn léyi yɛ wá ɛnhyà nɔn n'ɛnhyàbri, kɩ yɔ dɔ̀ le: “Yɛ vá kán anmàn vri ɔmu lɔ mrìmrì!”

Ɔwɔ-mɛ̀n-yrikàn 18:19

Yɔ kɔ́n ɔnwɔ̀n ku ɛnkruemɛ̀n, yɔ wú eyú, yɔ botò kɩ yɔ di bobo yɔ dɔ̀ le: “Muzhie! Muzhie tán de dú tán anmàn vri lɔ! N'ɛnnɛ̀ncüì-di-ci hɔ̀n lɔ wú de anwrɔn hɔ̀n lɔ fɛn léyi kɛ hán ɔkɔ̀hɔ̀n ecüe-wú-ɛnhyàbri-hɛ̀ wú nɔn, ke di ɛnnɛ̀ncüì nɔn. Kɩ wacɛ̀n zri kɩ fɛn lɔ mutù!”

Ɔwɔ-mɛ̀n-yrikàn 18:21

Zɛtɛn ɛkɔrɛ̀srɔn Wɔ-kùyüre-wrɔn tɔ̀n bɩ́ obù tɔ̀n cá ɛci-zhɛ́-bù vri tɔ̀n kɩ kɔ́n nɛ̀n di ecüe wú kɩ kɛ dɔ̀ le: “Ɔmu lɔ de yɛ lɛ kɔ́n Babilɔnɛ̀n anmàn vri lɔ ye ze ecüemɛ̀n, kɩ ye sɩ̀ vru kán nɛ̀n mrìmrì.

Ɔwɔ-mɛ̀n-yrikàn 18:8

Nyàn eci le kruhú léyi ɛgbàn-hán-ci hɔ̀n léyi yɛ wá yɛ hɛ́n nɛ̀n nɔn, fɛn lɔ ke le ku nɛ̀n ɛwú ɛnbì zri: owú loẅiɛ, ɛngrɔndì mán ebrè; ɛnhyà kɛ lɛ jrɛ́ nɛ̀n. Ɔmuhi ɛkɔrɛ̀ srɔ́n nɛ̀n, Ɛẅɛnwrɔn Ɔwɔ léyi ci nɛ̀n ɛmrɛ̀n nɔn.”