Ɔwɔ-mɛ̀n-yrikàn 17:9 - Ɛmɛẅi ankà ankrànkràn 2003

⁹ Ɛnu lɔ, ke ji ɛnkruemɛ̀n-ẅɛ̀n mán ankà-nyrì. Ɛnkru ɔbɔ̀ɛn hɔ̀n lɔ dú nkpò ɔbɔ̀ɛn hɔ̀n léyi ɛnnyɔnwrɔn lɔ yɛ́ ɛwú nɔn. Nkpò ɔbɔ̀ɛn hɔ̀n lɔ mán dú ɛnnɛ̀ncüì hɔ̀n ɔbɔ̀ɛn:

Ɔwɔ-mɛ̀n-yrikàn 17:9 Iomraidhean Croise

Matie 13:11

Zhezü mrɛ́n yɔ ɔmùan le: “Nyɛ tɛn, nyɛ́n cɔ́ anhobɩ́ ankà-bán-ankà nyɛ́n nyrì, tɛ́n yɔ tɛn yɔ sɩ̀ cɔ̀a.

Matie 24:15

“Nyɛ lɛ kán ɔwrɔn léyi ye bi ‘Eci-jrɛ́-wrɔn vri’ nɛ́n léyi Ɔwɔ-mùanwú-ankà-dɔ́-wrɔn Daniɛlɛ̀n dɔ́ n'ankà; Yɛ lɛ hɛ́n nɛ̀n ɛyri prɔnprɔn. (Ke ji le Owrú-krɛ́-wrɔn kɛ yá ankà ndɔ lɔ anvrɛnvrɛn!)

Ɔwɔ-mɛ̀n-yrikàn 13:1

Zɛtɛn mɛ̀n kán ɔnɔ̀n tɔ̀n dú ecüe mɛ̀n srɔ ɛntrɛ. Nɛ̀n ẅɛn ɛtrù ɛvà mán ɛnkru ɔbɔ̀ɛn; kɩ ye merɛ́n n'ɛnkru hɔ̀n lɔ wú Ɔwɔ bɩ́ wora.

Ɔwɔ-mɛ̀n-yrikàn 13:18

Ɛnu lɔ, ke ji ankanyrì. Ɔwrɔn léyi ẅɛn ɛnkruemɛ̀n nɔn kɛ lɛ cɔ́ ɔnɔ̀n lɔ n'owrúẅì-ci-krɛ̀ lɔ n'ɛmɛ̀n kè nyrì, ɔmuhi owrúẅì-ci-krɛ̀ ndɔ lɔ dú ɔwrɔn tɔ̀n bi. Owrúẅì-ci-krɛ̀ ndɔ lɔ nɛ̀n dú eci ɛkɔẅi ɛẅia ɛvà anhɔ̀n mán ɛẅì ɔwole.

Ɔwɔ-mɛ̀n-yrikàn 17:18

Ɔtrɔ mɛ̀n lɔ, ɛnnyɔnwrɔn léyi ɛ kàn nɔn, nɛ̀n dú anmàn vri léyi dú ɛnhi wú nɛ̀ncüì hɔ̀n ɛwú nɔn.”

Ɔwɔ-mɛ̀n-yrikàn 17:3

Ɛnhɛ́n bru mɛ̀n edù kɩ Ɔwɔ-kùyüre-wrɔn lɔ bɩ́ mɛ̀n sɩ́ ɛnnùwì tɔ̀n wú. Nanvrɛn lɔ, mɛ̀n kán ɛnnyɔnwrɔn tɔ̀n yɛ́ ɔnɔ̀n wɔnsɛn vàà tɔ̀n wú, n'edomɛ̀n lɔ ye merɛ́n Ɔwɔ bɩ́ wora bobrebe; ɔnɔ̀n ndɔ lɔ di ɛnkru ɔbɔ̀ɛn mán ɛtrù ɛvà.

Ɔwɔ-mɛ̀n-yrikàn 17:7

Zɛtɛn Ɔwɔ-kùyüre-wrɔn lɔ kɛ dɔ́ mɛ̀n le: “Ecitan kruhú kɛ frɛ́n mɛ́n anvɛmɛ̀n hàn? Me le yé mɛ́n ankà-bán-ankà léyi dú ɛnnyɔnwrɔn lɔ angranmɛ̀n nɛ́n mán ɔnɔ̀n léyi di ɛnkru ɔbɔ̀ɛn mán ɛtrù ɛvà, hɩ kɛ wɔrɔ nɛ̀n nɔn.