Ɔwɔ-mɛ̀n-yrikàn 17:3 - Ɛmɛẅi ankà ankrànkràn 2003

³ Ɛnhɛ́n bru mɛ̀n edù kɩ Ɔwɔ-kùyüre-wrɔn lɔ bɩ́ mɛ̀n sɩ́ ɛnnùwì tɔ̀n wú. Nanvrɛn lɔ, mɛ̀n kán ɛnnyɔnwrɔn tɔ̀n yɛ́ ɔnɔ̀n wɔnsɛn vàà tɔ̀n wú, n'edomɛ̀n lɔ ye merɛ́n Ɔwɔ bɩ́ wora bobrebe; ɔnɔ̀n ndɔ lɔ di ɛnkru ɔbɔ̀ɛn mán ɛtrù ɛvà.

Ɔwɔ-mɛ̀n-yrikàn 17:3 Iomraidhean Croise

Matie 27:28

Yɔ mrɛ́n nɛ̀n ɛci edomɛ̀n kɩ yɔ bɩ́ ɛceci she wɔnsɛ́n yɔ cɔ́ nɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 8:39

Ɛnvra léyi yɔ dú ɛnshiemɛ̀n yɔ srɔ ɛntrɛ nɔn, Ɛẅɛnwrɔn Hɛ́n bɩ́ Filipɛ̀n sɔhɔ́. Govran-kɔ̀hɔ̀n-hán-wrɔn lɔ kè sɩ̀ vrù kàn Filipɛ̀n, tɛ́n pɔpüɛ̀-bra mɛ̀n nɛ̀n bɩ́ n'ɛnlevri nɛ hɔ̀n.

2 Tesalonikɛ̀n anmàn-bɔ̀ 2:4

Anbɔrɛ-wrɔn ndɔ lɔ kɛ lɛ kɛ́n eci lɔ fɛn léyi anwrɔn kɛ̀ sɛ̀n hɩ ke bɩ̀ kɛ hán Ɔwɔ nɔn ezì. Ne le tɔhú nɛ̀n kɛ́n eci ndɔ lɔ fɛn ezì, kɩ nɛ lɛ hɔ́n Ɔwɔ-cice-wɔn mɛ̀n nɛ̀n yɛ́, ô nɛ̀n bɩ́ n'edomɛ̀n nɛ̀n srɔ Ɔwɔ.

Ɔwɔ-mɛ̀n-yrikàn 1:10

Ɛẅɛnwrɔn bì lɔ, Ɛnhɛ́n Prɔnprɔn yɛ́ mɛ̀n ɛwú, kɩ m'ɛmɛẅi lɔ mɛ̀n yá esùva cüicüi tɔ̀n ɔmùan, ke di nkù kɛ hán ɛbrɛ̀n-gbá tɔ̀n hɔ́;

Ɔwɔ-mɛ̀n-yrikàn 12:14

Tɛ́n gbohò vri tɔ̀n tán nɛ̀n n'ɛtùvàkɔrɛ̀ anhyrɛ̀ lɔ, ô nɛ̀n hɔ́n ɛyri léyi yɛ hán yɛ hɛ́n nɛ̀n ɛnnùwì, ô nɛ̀n zî ɛci ɛnnanwàn kru anhɔ̀n mán ɛcá, nɛ̀n dú ɛbanmɛ̀n, ô ɛnlɛ̀brì lɔ ke bɩ́ cɔ̀ nɛ̀n eci zriɛmɛ́n hán yri.

Ɔwɔ-mɛ̀n-yrikàn 12:3

Eci-woroanci nyàntɛn tɔ̀n srɔ anhobɩ́: anwàn-lɛ̀brì wɔnsɛn vri tɔ̀n di ɛnkru ɔbɔ̀ɛn kɩ ɛtrù ɛvà mán ɛnkrusɔn-ci dú n'ɛnkru hɔ̀n ɔbɔ̀ɛn lɔ wú.

Ɔwɔ-mɛ̀n-yrikàn 12:6

Ɛnnyɔnwrɔn lɔ tɛn, srɛ́ hɔ́n ɛnnùwì, ɛyri léyi Ɔwɔ hán ɛyri hɛ́n nɛ̀n, ô nɛ̀n zî ɛci ɛbi tɛ̀buri kru zri mán ɛẅì ɛkoẅi ɛvà anhɔ̀n nɔn.

Ɔwɔ-mɛ̀n-yrikàn 17:18

Ɔtrɔ mɛ̀n lɔ, ɛnnyɔnwrɔn léyi ɛ kàn nɔn, nɛ̀n dú anmàn vri léyi dú ɛnhi wú nɛ̀ncüì hɔ̀n ɛwú nɔn.”

Ɔwɔ-mɛ̀n-yrikàn 17:4

Ɛnnyɔnwrɔn lɔ ku ɛci wɔnsɛn vàà ankrankran edù, kɩ ansíkɛ-ci, anhàn shishi bùẅì mán abreci hɔ̀n dú nɛ̀n edomɛ̀n. N'ɛnbrá-mɛ̀n-ci-gbàngbàn-hán yí ansíkɛ grashɛ̀n tɔ̀n dú nɛ̀n antamɛ̀n.

Ɔwɔ-mɛ̀n-yrikàn 18:12

ansikɛ, ɔkùa, anhàn shishi bù-ẅì mán ɛbreci; ɛceci càsa-ẅì, anhàn shishi càsa wɔnsɛn, dandanhɛ̀n càsa, antɛ̀ mɛ̀ntɛ mɛ̀ntɛ hɔ̀n léyi ye sɩ́ cɔ́ frɛfrɛ nɔn, ɛci mɛ̀ntɛ mɛ̀ntɛ léyi ye bɩ́ ɛnshrì-nyî yɛ hán, anhàn shishi tɛ̀ hɔ̀n, pritù, ɛngbɛn-ẅì, obù trɔtrɔ;

Ɔwɔ-mɛ̀n-yrikàn 18:16

kɩ yɔ lɛ dɔ̀ le: “Muzhie! Muzhie tán de dú tán anmàn vri lɔ! Nɛ̀n ku ɛcàsa-ẅì ceci edù, anhàn shishi ceci wɔnsɛn hɔ̀n léyi kɛ kɛ̀n, nɛ̀n ẅɛn ansikɛ-ci hɔ̀n, anhàn shishi bù-ẅì mán ɛbrɛci hɔ̀n edòmɛ̀n.

Ɔwɔ-mɛ̀n-yrikàn 21:10

Ɛnhɛ́n bru mɛ̀n edù kɩ Ɔwɔ-kùyüre-wrɔn bɩ́ mɛ̀n hɔ́n nkpò tɔ̀n léyi ci ɛwú nɔn wú. Nɛ̀n yé mɛ̀n anmàn prɔnprɔn lɔ, Zherüzalɛmɛ̀n léyi Ɔwɔ yüre, dú anhobɩ́ kakɛ,

Ɔwɔ-mɛ̀n-yrikàn 4:2

Ɛnvra zri lɔ, Ɛnhɛ́n bru mɛ̀n edù. Kɩ anhobɩ́, nanvrɛn lɔ, ɛgbú-tòbù tɔ̀n ndù. Ɛgbú-tòbù ndɔ lɔ wú ɔwrɔn tɔ̀n yɛ́;