Ɔwɔ-mɛ̀n-yrikàn 17:2 - Ɛmɛẅi ankà ankrànkràn 2003

² Ɛnhi wú nɛ̀ncüì hɔ̀n dú ɛwúvà gbàngbàn ẅɛn mɛ̀n, nɛ́n mán yɔ mɛhi kɩ ɛnhi-wú-anmàn-bɔ̀ dú n'ɛwúvà gbàngbàn ẅɛ̀n tàn kɔ́n mɛ̀n.”

Ɔwɔ-mɛ̀n-yrikàn 17:2 Iomraidhean Croise

Zhan 2:10

kɩ kɛ dɔ́ nɛ̀n le: “Anwrɔn lɔ fɛn, eyri-koran lɔ fɛn mɛ̀n, yɛ gɔ́ tán yɔ ɛntàn ankrànkràn ye mì, zɛtɛn, ɛnvra léyi anwrɔn ke mi ɛntàn kɛ fɔ́n yɔ nɔn, ye sɩ́ ɛntàn léyi ecüì bàda ɛmɛ̀n nɔn ɛntrɛ. Vɛ tɛn, è bɩ́ ɛntàn anvrɛnvrɛn lɔ ɛ̀ hɛ́n, hàn mán cɔ́ zɛtɛ̀ lɔ!”

Ɔwɔ-mɛ̀n-yrikàn 14:8

Anhyrɛmɛ̀n Wɔ-kùyüre-wrɔn tɔ̀n kɛ́n kpàkpà tɛn lɔ, kɩ kɛ dɔ̀ le: “Nɛ̀n bore, nɛ̀n bore Babilɔnɛ̀n cüìcüì lɔ! Nɛ̀n hán ɛnhi-wú-anmàn hɔ̀n lɔ fɛn mi n'ɛmɛ̀nhyì wúvà-gbàngbàn-ci-hán tàn wɔnsɛn!”

Ɔwɔ-mɛ̀n-yrikàn 17:13

Yɔ, anwrɔn ɛvà hɔ̀n lɔ fɛn, yɔ ẅɛn ankàtro zri: yɔ bɩ́ y'ɛkɔrɛ̀srɔn mán y'ɛkɔrɛlevri yɔ wá ɔnɔ̀n lɔ, n'eci-bɩtan kɔ̀hɔ́n mɛ̀n.

Ɔwɔ-mɛ̀n-yrikàn 17:17

Ɔmuhi Ɔwɔ wá y'ɛnbɔrɛ lɔ mɛ̀n, n'ɛkɔrɛ̀-zì-ci-hán; yɔ lɛ hán eci ɔmùan krɔn mɛ̀n, ô ɛnnɛ̀ncüì kɔrɛ̀srɔn léyi yɔ ẅɛ̀n nɔn, yɔ bɩ yɔ wá ɔnɔ̀n lɔ ci-bɩtan-kɔ̀hɔ́n mɛ̀n, hàn kɩ kɛ̀ cɔ́ ɛnvra léyi Ɔwɔ-mùan-ankà-dɔ̀ lɔ kɛ lɛ sá nmù nɔn.

Ɔwɔ-mɛ̀n-yrikàn 17:5

N'ezìwú lɔ ye merɛ́n ebi tɔ̀n léyi n'ɛmɛ̀n dú ɛbánmɛ̀n: “Babilɔnɛ̀n cüìcüì, wowie mán ɛnhibù-wú ci-gbangbàn-hán nɛ́n muan.”

Ɔwɔ-mɛ̀n-yrikàn 17:8

Ɔnɔ̀n léyi ɛ kàn nɔn, ɛnbiɛhɛ́n lɔ nɛ̀n dú ankɔrɛkɔrɛ mɛ̀n, tɛ́n nɛ̀n sɩ̀ vrù dù ankɔrɛkɔrɛ mɛ̀n hàn; ke ji le nɛ̀n dú gbàzrɔ mɛ̀n nɛ̀n srɔ ɛntrɛ, ô nɛ̀n hɔ́n n'ɛzrɛ́n mɛ̀n. Ɛnhi-wú-anmàn-bɔ̀ léyi ɛnhibù krubɔmɛ̀n hàn-hɛ́n ye sɩ̀ mrɛ̀n yɔ bi, kè dù ɔkɔrɛ wrú lɔ mɛ̀n nɔn, ke le dú anvɛmɛ̀n-frɛ́n mɛ̀n ɛnvra léyi yɔ lɛ kán ɔnɔ̀n lɔ nɔn: annanwɔrɛ mɛ̀n lɔ, ɛnbiɛhɛ́n vra lɔ, nɛ̀n dú ankɔrɛkɔrɛ mɛ̀n, tɛ́n nɛ̀n sɩ̀ vrù dù ɔmu lɔa, kɩ ne le vru nɛ̀n srɔ.

Ɔwɔ-mɛ̀n-yrikàn 18:23

Kèniɛn hyà ke sɩ̀ vru kán ɛyri mrìmrì v'ebɩ́ lɔ mɛ̀n. Ye sɩ̀ vru yá eyiri-bɔ̀ ɔmùan. V'anhàn-zhrɛ-bɔ̀ ẅɛn vɔ̀nshɛ́ ɛnhibù mumù lɔ fɛn wú, kɩ vɛ́n seke-kɔ̀hɔ̀n-hán mɛ̀n lɔ, ɛ̀ zrɛ́n fɛcüè hɔ̀n lɔ fɛn.”

Ɔwɔ-mɛ̀n-yrikàn 18:3

Ɛnhi-wú-anmàn hɔ̀n lɔ fɛn mi n'ɛnbramɛ̀n-ci-hán mɛ̀nhyì-tàn wɔnsɛn lɔ. Ɛnhi wú nɛncüì hɔ̀n lɔ dú eci-gbàngbàn-hán mɛ̀n nɛ́n mán yɔ mɛhi kɩ ɛnhi wú anhàn-zhrɛ-bɔ̀ di ɛnnɛ̀ncüì n'eci-ankrànkràn-cüɛ̀n léyi ke sɩ̀ ẅɛ̀n ɔtrɔ nɔn wú.”

Ɔwɔ-mɛ̀n-yrikàn 18:9

Ɛnhi wú nɛ̀ncüì hɔ̀n léyi cɔ́ nɛ̀n mɛhi yɔ hán ɛci-gbàngbàn mán evridì kɔ̀hɔ̀n nɔn, ke le wú eyú kɩ ke le bòto n'ɛwú, ɛnvra léyi yɔ lɛ kán anmàn vri lɔ n'ɛbiɛ hyà-bri.

Ɔwɔ-mɛ̀n-yrikàn 2:22

Hɩ le kruhú de mɛ lɛ kɔ́n nɛ̀n ze ɛgbànkàn sofà tɔ̀n wú; me le vru mɛ̀n wá ɛgbànkàn vri mɛ̀n tán anwrɔn léyi yɔ mɛhi yɔ dɛ́ nɔn, ke dú kɛ yɔ sɩ̀ tezè eci gbàngbàn leyí nɛ wá tán yɔ yɔ hán nɔn.

Ɔwɔ-mɛ̀n-yrikàn 3:10

Ɔmuhi ɛ̀ ẅɛn m'ɔmùan ankà-dɔ̀ ɛ̀ hɛ́n esɛ́ mɛ̀n, mɛ̀n mán mɛ lɛ wá mɛ́n esùva ɛnvra léyi ɛgbànkàn kɛ lɛ vá ɛnhibù mumù lɔ wú, ô ɛnhi wú anmàn-bɔ̀ hɔ̀n kè dú ɔwɔ̀ɛn-nyan mɛ̀n.

Ɔwɔ-mɛ̀n-yrikàn 9:21

Yɔ sɩ̀ tezɛ̀ y'anwrɔn wrì ankà, yɔ seke kɔ̀hɔ̀n-hán, y'esùnan gbàngbàn ci-hán mán y'ɛci-yerɛ kɔ̀hɔ̀n-hán.