Ɔwɔ-mɛ̀n-yrikàn 17:17 - Ɛmɛẅi ankà ankrànkràn 2003

¹⁷ Ɔmuhi Ɔwɔ wá y'ɛnbɔrɛ lɔ mɛ̀n, n'ɛkɔrɛ̀-zì-ci-hán; yɔ lɛ hán eci ɔmùan krɔn mɛ̀n, ô ɛnnɛ̀ncüì kɔrɛ̀srɔn léyi yɔ ẅɛ̀n nɔn, yɔ bɩ yɔ wá ɔnɔ̀n lɔ ci-bɩtan-kɔ̀hɔ́n mɛ̀n, hàn kɩ kɛ̀ cɔ́ ɛnvra léyi Ɔwɔ-mùan-ankà-dɔ̀ lɔ kɛ lɛ sá nmù nɔn.

Ɔwɔ-mɛ̀n-yrikàn 17:17 Iomraidhean Croise

Lükɛ̀n 22:22

Ankàẅì, ɔwrɔnẅì Ẅì ke le wù, hán ɔmu le Ɔwɔ wá tán nɔn; tɛ́n muzhíe dú tán ɔwrɔn léyi ke le di nɛ̀n owúemɛ̀n nɔn!”

Lükɛ̀n 22:3

Zɛtɛn, anwa-wrɔn bru Zhüda léyi ye bi Iskariɔtɛ̀n nɔn ɛnbɔrɛ mɛ̀n, nɛ́n léyi nɛ̀n dú Zhezü sɛnkɛn-bɔ̀ lɔ ɔtɔn nɔn.

Lükɛ̀n 22:37

Ɔmuhi, mɛ dɔ́ nyɛ̀n le, ke jí le ankà léyi Owrú Prɔnprɔn merɛ̀n m'ɛwú nɔn, kɛ sá nmù: ‘Yɛ krɛ́ nɛ̀n yɛ wá eci-gbangbàn-hán-bɔ̀ mɛ̀n.’ Annànwɔrɛ mɛ̀n lɔ ankà léyi ye merɛ́n m'ɛwú nɔn, kɛ lɛ sá nmù.”

Zhan 10:35

Bɔ́ nyri ɔmu le ye sɩ̀ gbú ankà hɔ̀nléyi Owrú Prɔnprɔn merɛ́n nɔn yɛ sɔhɔ́ rɔ́. Anwrɔn hɔ̀n léyi Ɔwɔ ankà-dɔ̀ kɛ hɔ́n cɔ̀ nɔn, yɔ lɔ, Ɔwɔ ke bi yɔ ‘anwɔ’.

Zhan 13:18

Mɛ́n sɩ́ dɔ́ nyɛ lɔ fɛn lɔ ny'ankà; mɛ̀n nyri anwrɔn hɔ̀n léyi mɛ̀n mrɛ́n mɛ́n bɩ nɔn. Tɛ́n ke ji le Owrú Prɔnprɔn mùan ankà lɔ kɛ̀ sá nmù: ‘Ɔwrɔn léyi nɛ́n mɛhi bɔ́ dɛ́ ɛci nɔn, crɛ ezì gbangbàn kɛ́n mɛ̀n’.

Zhan 13:2

Zhezü mán n'ɛsɛnkɛn-bɔ̀ mɛhi ke zî ɔwɔɛ ci. Anwa-wrɔn gɔ́ ci Zhüda, Simɔn Iskariɔtɛ̀n ẅì, ɛnbɔrɛmɛ̀n ô kɛ̀ hɛ́ Zhezü.

Zhan 19:24

Gɔliɛ-bɔ̀ lɔ kɛ dɔ́ y'edomɛ̀n le: “Bɔ́ bɩ́ sha ɛceci-she ndɔ lɔ, tɛn bɔ̀ wá ɛnsànse ô bɔ́ nyri ɔwrɔn léyi ke le bɩ́ nɛ̀n nɔn.” Ɔmu lɔ de Owrú Prɔnprɔn ankà-dɔ̀ lɔ sá nmù nɔn. Ye merɛ́n yɛ dɔ̀ le: “Yɔ dɛ́ m'ɛceci hɔ̀n lɔ yɔ bɩ kɩ yɔ bɩ́ m'ɛceci-she lɔ yɔ wá ɛnsànse.” Nyàn eci léyi gɔliɛ-bɔ̀ lɔ hán nɔn.

Zhan 19:28

Ndɔ lɔ mɛẅi lɔ, ɔmuhi Zhezü nyri ɔmu le zɛtɛ̀ lɔ, ɛci lɔ fɛn lɔ trɔa nɔn, nɛ dɔ́ ankà ndɔ lɔ ô Owrú Prɔnprɔn ankà-dɔ̀ lɔ kɛ sá nmù: Nɛ́n dɔ̀ le: “Ɛnshi mùanwù kɛ ẅɛn mɛ̀n.”

2 Korɛntɛ̀n anmàn-bɔ̀ 8:16

Ɛmrɛ́n kè dú Ɔwɔ tɛn, nɛ́n léyi nɛ̀n wá Titɛ̀n edùyì edomɛ̀n, hán bɔ́ hɔ́, ny'ɛkruhú nɔn!

Ɔwɔ-mɛ̀n-yrikàn 10:7

Tɛ́n ɛnvra léyi ɔbɔ̀ɛn mɛ̀n Wɔ-kùyüre-wrɔn lɔ ke le mú ɛbrɛ̀n nɔn, zɛtɛn Ɔwɔ kɛ lɛ hán n'ankɔ́nda ci-bán-ci lɔ, hán ɔmu le nɛ̀n dɔ́ n'eci-bɩ̀tan-bɔ̀ léyi dú n'ɔmùan-wú-ankà-dɔ́-bɔ̀ nɔn.”

Ɔwɔ-mɛ̀n-yrikàn 15:1

Zɛtɛn mɛ̀n kán eci woroanci nyantɛn tɔ̀n anhobɩ́, sevri kɩ nfì: Ɔwɔ-kùyüre-bɔ̀ ɔbɔ̀ɛn léyi ẅɛn ɛgbàn-hán-ci ɔbɔ̀ɛn anta nɔn. Yɔ dú ɛmɛẅì-trɔ gbàn-hán-ci, ɔmuhi yɔ dú Ɔwɔ mɛẅì-trɔ mɛ̀nhyì-bɩ́-ci hɔ̀n nɔn.

Ɔwɔ-mɛ̀n-yrikàn 17:13

Yɔ, anwrɔn ɛvà hɔ̀n lɔ fɛn, yɔ ẅɛn ankàtro zri: yɔ bɩ́ y'ɛkɔrɛ̀srɔn mán y'ɛkɔrɛlevri yɔ wá ɔnɔ̀n lɔ, n'eci-bɩtan kɔ̀hɔ́n mɛ̀n.

Ɔwɔ-mɛ̀n-yrikàn 19:9

Ɔwɔ-kùyüre-wrɔn lɔ kɛ dɔ́ mɛ̀n le: “È merɛ́n: Ɛnbɔrɛbru dú anwrɔn hɔ̀n léyi ye bi Ɔwɔ-Kɔ̀kɔ̀sɛ̀-ẅì yiri ci-zî koran lɔ mɛ̀n nɔn.” Kɩ nɛ́n dɔ̀ le: “Ndɔ lɔ dú Ɔwɔ mùan-ankà-dɔ̀ annanwɔrɛ.”

Ɔwɔ-mɛ̀n-yrikàn 6:11

Y'ɛmɛ̀n lɔ, yɛ tán ɔwrɔnwrɔn ɛceci wosu she, kɩ yɛ dɔ́ yɔ le, yɔ ẅɛn ɛnbɔrɛ yɔ hɛ́n ɛnvra jan, ô yɔ muanẅì hɔ̀n mán y'ɛkɔrɛ̀-wá-bɔ̀ léyi ye le wrì kɛ̀ hán yɔ hɔ́ nɔn, kɛ̀ sá ɛkru yakɛ.