Ɔwɔ-mɛ̀n-yrikàn 17:16 - Ɛmɛẅi ankà ankrànkràn 2003

¹⁶ Ɛtrù ɛvà hɔ̀n léyi ɛ kàn mán ɔnɔ̀n lɔ ke le gbri wowie-hi lɔ: yɔ lɛ kua nɛ̀n ɛci lɔ fɛn léyi nɛ́n ẅɛ̀n nɔn, edomɛ̀n yɔ sɔhɔ́, nɛ lɛ nyɔn ɛsɛ̀n kora, yɔ lɛ rá n'anẅia kɩ yɔ lɛ jrɛ́ nɛ́n lokro hɔ̀n lɔ fɛn ɛnhyà mɛ̀n.

Ɔwɔ-mɛ̀n-yrikàn 17:16 Iomraidhean Croise

Ɔwɔ-mɛ̀n-yrikàn 12:3

Eci-woroanci nyàntɛn tɔ̀n srɔ anhobɩ́: anwàn-lɛ̀brì wɔnsɛn vri tɔ̀n di ɛnkru ɔbɔ̀ɛn kɩ ɛtrù ɛvà mán ɛnkrusɔn-ci dú n'ɛnkru hɔ̀n ɔbɔ̀ɛn lɔ wú.

Ɔwɔ-mɛ̀n-yrikàn 16:12

Ɔwolemɛ̀n Wɔ-kùyüre-wrɔn lɔ cüe nɛ́n grashɛ̀n lɔ Efratɛ̀n mancüe vri lɔ mɛ̀n. Mancue shí lɔ wrú, ô kɛ̀ tán ɛnnɛ̀ncüì hɔ̀n léyi dú ɛmɛẅiemɛ̀n kɛ và nɔn, ɛnlevri kè ci.

Ɔwɔ-mɛ̀n-yrikàn 17:10

y'ɛmɛ̀n lɔ ɛnrì bore, ɔtɔ̀n ẅɛn ɛyri zɛtɛ̀ lɔ kɩ ɔbɔɛn mɛ̀n tɛn lɔ, kɛ vá và; ɛnvra léyi nɛ lɛ và nɔn, ɛnvra ẅiɛ kɩ kɛ lɛ wɔrɔ.

Ɔwɔ-mɛ̀n-yrikàn 18:19

Yɔ kɔ́n ɔnwɔ̀n ku ɛnkruemɛ̀n, yɔ wú eyú, yɔ botò kɩ yɔ di bobo yɔ dɔ̀ le: “Muzhie! Muzhie tán de dú tán anmàn vri lɔ! N'ɛnnɛ̀ncüì-di-ci hɔ̀n lɔ wú de anwrɔn hɔ̀n lɔ fɛn léyi kɛ hán ɔkɔ̀hɔ̀n ecüe-wú-ɛnhyàbri-hɛ̀ wú nɔn, ke di ɛnnɛ̀ncüì nɔn. Kɩ wacɛ̀n zri kɩ fɛn lɔ mutù!”

Ɔwɔ-mɛ̀n-yrikàn 18:8

Nyàn eci le kruhú léyi ɛgbàn-hán-ci hɔ̀n léyi yɛ wá yɛ hɛ́n nɛ̀n nɔn, fɛn lɔ ke le ku nɛ̀n ɛwú ɛnbì zri: owú loẅiɛ, ɛngrɔndì mán ebrè; ɛnhyà kɛ lɛ jrɛ́ nɛ̀n. Ɔmuhi ɛkɔrɛ̀ srɔ́n nɛ̀n, Ɛẅɛnwrɔn Ɔwɔ léyi ci nɛ̀n ɛmrɛ̀n nɔn.”

Ɔwɔ-mɛ̀n-yrikàn 19:18

Nyɛ́n và nyɛ́n rá ɛnnɛncüì hɔ̀n ẅia, anhà-kɔ́n-bɔ̀ cüìcüì mán gɔliɛ-bɔ̀ ẅia, kpàngɔ hɔ̀n mán yɔ kpàngɔ-wú-yɛ́-bɔ̀ ẅia, anwrɔnẅì lɔ fɛn, yɔ hɔ̀n léyi ẅɛn y'edomɛ̀n mán anwɔ̀n-bɔ̀, ɛẅì hɔ̀n mán ɛcüìcüì hɔ̀n ẅia.”