Ɔwɔ-mɛ̀n-yrikàn 17:1 - Ɛmɛẅi ankà ankrànkràn 2003

¹ Zɛtɛn Ɔwɔ-kuyüre-bɔ̀ ɔbɔ̀ɛn léyi ẅɛn grashɛ̀n ɔbɔ̀ɛn hɔ̀n lɔ anta nɔn, ɔtɔ̀n nvà dɔ́ mɛ̀n le: “Và kɩ me le yé mɛ́n nwùbɔ̀ léyi ke le dú wowie nyɔnwrɔn vri lɔ tɛn nɔn, anmàn cüìcüì léyi ye ku ɛnshi-gbɛ-shi hɔ̀n bobrebe tɛ̀sɛ̀n nɔn.

Ɔwɔ-mɛ̀n-yrikàn 17:1 Iomraidhean Croise

Lükɛ̀n 24:32

Yɔ dɔ́ y'edomɛ̀n le: “Ke sɩ́ hán le, ɛnhyà tɔ̀n de dú bɔ̀ ɛmɛ̀n ke wrù ɛnvra léyi ɛnlevri wanzi lɔ, nɛ dɔ́ bɔ̀ Ɛwrú Prɔnprɔn ankà nɛ́n?”

Lükɛ̀n 9:30

Kpatakpata lɔ nanvrɛn lɔ anwrɔn anhyrɛ̀ srɔ kɩ cɔ́ Zhezü mɛhi yɔ dɔ́ ankà: Mohizì mán Eli,

Ɔwɔ-mɛ̀n-yrikàn 1:1

Owrú ndɔ lɔ kɛ dɔ́ ɛyrikàn léyi Zhezü Krisì ncɔ̀ nɔn n'ankà. Ɔwɔ tán nɛ̀n ɛyrikàn ndɔ lɔ, ô nɛ̀n yé n'eci-bɩ̀tan bɔ̀ eci léyi kɛ lɛ wɔɛn ɛnvra bruemɛ̀n nɔn. Krisì wá n'ɛkùyüre-wrɔn ɔkɔ̀hɔ̀n Zhan yri, ô kɛ̀ tán nɛ̀n nɛ̀n nyri eci léyi kɛ lɛ wɔɛ̀n nɔn.

Ɔwɔ-mɛ̀n-yrikàn 15:1

Zɛtɛn mɛ̀n kán eci woroanci nyantɛn tɔ̀n anhobɩ́, sevri kɩ nfì: Ɔwɔ-kùyüre-bɔ̀ ɔbɔ̀ɛn léyi ẅɛn ɛgbàn-hán-ci ɔbɔ̀ɛn anta nɔn. Yɔ dú ɛmɛẅì-trɔ gbàn-hán-ci, ɔmuhi yɔ dú Ɔwɔ mɛẅì-trɔ mɛ̀nhyì-bɩ́-ci hɔ̀n nɔn.

Ɔwɔ-mɛ̀n-yrikàn 16:19

Anmàn vri lɔ vɔ́n n'edomɛ̀n anhɔ̀n kɩ ɛnhi wú anmàn hɔ̀n lɔ fɛn gbɔngbɔ̀. Ɔwɔ kè sɩ̀ tezè Babilɔnɛ̀n cüìcüì lɔ; nɛ̀n hán yi mi n'ɛntàn wɔnsɛn grashɛ̀n lɔ, n'ɛmɛ̀nhyì vri tàn wɔnsɛn lɔ.

Ɔwɔ-mɛ̀n-yrikàn 18:1

Ndɔ lɔ n'ɛmɛẅi, mɛ̀n kán Ɔwɔ-kùyüre-wrɔn nyantɛn tɔ̀n dú anhobɩ́ kakɛ. Nɛ̀n ẅɛn ɛkɔrɛ̀srɔn vri tɔ̀n, kɩ n'evrisì lɔ kɛ gbrɛ́n ɛnhi mumù lɔ wú.

Ɔwɔ-mɛ̀n-yrikàn 19:2

N'ɛmrɛ̀ncì hɔ̀n dú annanwɔrɛ mán ɛnyrɔnnan mɛ̀n! Ɔmuhi nɛ̀n bó wowie-nyɔnwrɔn vri lɔ nwù, nɛ́n léyi nɛ jrɛ́ ɛnhi, n'eci-gbàngbàn-kɔ̀hɔ̀n-hán mɛ̀n. Ɛẅɛnwrɔn hán nɛ̀n nɛ̀n krɛ́ ɛci, n'eci-bɩ̀tan-bɔ̀ hɔ̀n wù lɔ wú.”

Ɔwɔ-mɛ̀n-yrikàn 19:9

Ɔwɔ-kùyüre-wrɔn lɔ kɛ dɔ́ mɛ̀n le: “È merɛ́n: Ɛnbɔrɛbru dú anwrɔn hɔ̀n léyi ye bi Ɔwɔ-Kɔ̀kɔ̀sɛ̀-ẅì yiri ci-zî koran lɔ mɛ̀n nɔn.” Kɩ nɛ́n dɔ̀ le: “Ndɔ lɔ dú Ɔwɔ mùan-ankà-dɔ̀ annanwɔrɛ.”

Ɔwɔ-mɛ̀n-yrikàn 21:15

Ɔwɔ-kùyüre-wrɔn léyi kɛ dɔ́ mɛ̀n ankà nɔn, eci wɔɛn-ci tɔ̀n dú antamɛ̀n, ansikɛ fisè, ye bɩ yɛ wɔɛn anmàn lɔ, n'esù gbàtà hɔ̀n mán n'andrɛ́n.

Ɔwɔ-mɛ̀n-yrikàn 21:9

Ɔwɔ-kùyüre-bɔ̀ ɔbɔ̀ɛn hɔ̀n léyi ɛmɛẅitrɔ gbán-hán-ci yɩ́ grashɛ̀n ɔbɔ̀ɛn dú antamɛ̀n nɔn, ɔtɔ̀n nvà kɛ dɔ́ mɛ̀n le: “Và kɩ me le yé mɛ́n eyiri-hi lɔ, Ɔwɔ Kɔ̀kɔ̀sɛ̀-ẅì hi lɔ.”

Ɔwɔ-mɛ̀n-yrikàn 4:1

Ndɔ lɔ mɛẅi, mɛ̀n cɔ́ ɛyrikàn nyantɛn tɔ̀n: mɛ̀n kán esù tɔ̀n srú anhobɩ́. Esùva léyi mɛ́n gɔ̀ yá, hɩ ke dí nkù kɛ hán ɛbrɛ̀n-gbá hɔ́ nɔn, kɛ dɔ́ mɛ̀n le: “Ɛ̀ kà ɛ̀ vá ɛnu lɔ, kɩ me le yé mɛ́n eci léyi kɛ lɛ wɔɛn zɛtɛn nɔn.”